Noo Mian 9:15 - Yn Conaant Noa 1810

¹⁵ As dooyrt Yeesey roo, Vod caarjyn y dooinney‐poosee dobberan, choud as ta dooinney yn phoosee mâroo? agh hig ny laghyn, tra vees dooinney yn phoosee er ny ghoaill ersooyl voue, as shen y traa nee ad trostey.

Yn Vible Casherick 1775 1819

¹⁵ As dooyrt Yeesey roo, Vod caarjyn y dooinney-poosee dobberan, choud as ta dooinney yn phoosee mâroo? agh hig ny laghyn, tra vees dooinney yn phoosee er ny ghoaill ersooyl voue, as shen y traa nee ad trostey.

Noo Mian 1748

¹⁵ As doort Yeesey roo, Vod ny caarjyn ta marish dooinney’n phoosee ayns e hiamyr ve er drogh yien, choud as ta dooinney’n phoosee mâroo? agh hig ny laghyn, tra vees dooinney’n phoosee er ny ghoal ersooyl vow, as shen y tra nee ad trostey.

Noo Mian 9:15 ပူးပေါင်းရင်းမြစ်များ

Noo Mian 9:14

Eisht haink huggey ynseydee Ean, as dooyrt ad, Cre’n‐fa ta shinyn as ny Phariseeyn trostey dy mennick, agh cha vel y vooinjer ayd’s trostey?

Noo Mian 9:16

Cha vel dooinney erbee cur peesh dy eaddagh noa er shenn gharmad: son ta’n pheesh goaill e laane ass y gharmad, as ta’n assee wheesh shen smessey.

Noo Mark 2:19

As dooyrt Yeesey roo, Vod cloan y chamyr‐phoosee trostey, choud as ta’n dooinney‐poosee mâroo? choud as ta’n dooinney‐poosee mâroo, cha vod ad trostey.

Noo Mark 2:20

Agh hig ny laghyn, tra vees y dooinney‐poosee er ny ghoaill ersooyl voue, as eisht nee ad trostey ayns ny laghyn shen.

Noo Luke 17:22

As dooyrt eh rish e ostyllyn, Hig y traa dy bee shiu aignagh dy akin unnane jeh laghyn Mac y dooinney, as cha vaik shiu eh.

Noo Luke 5:34

As dooyrt eh roo, Bailliu mooinjer y chamyr‐phoosee dy hrostey, choud as ta dooinney yn phoosee mâroo?

Noo Luke 5:35

Agh hig ny laghyn, tra vees dooinney yn phoosee er ny ghoaill ersooyl voue, as eisht nee ad trostey ayns ny laghyn shen.

Noo Ean 16:6

Agh er‐yn‐oyr dy vel mee er ghra ny reddyn shoh riu, ta trimshey er lhieeney ny creeaghyn eu.

Noo Ean 3:29

Eshyn dooinney yn phoosee ta ben y phoosey echey: agh ta carrey dooinney yn phoosee, ta ny hassoo as geaishtagh rish, goaill boggey mooar jeh coraa yn dooinney poosee: ta shoh my voggey’s er‐y‐fa shen jeant magh.

Jannoo 14:23

As tra v’ad er n’oardaghey shirveishee ayns ooilley ny kialteenyn, as er ghoaill padjer lesh trostey, ren ad y hymney ad gys y Chiarn, ayn v’ad er chredjal.

1 Corinthianee 7:5

Ny treig‐jee y cheilley, agh lesh coardail son traa, dy vod caa ve eu son trostey as padjer; as dy heet cooidjagh reesht, nagh miolee yn drogh‐spyrryd shiu son nyn neu‐heeltys.

2 Corinthianee 11:27

Ayns skeeys as doccar, ayns ve er my arrey dy mennick, ayns accyrys as paa, ayns trostey dy mennick, ayns feayraght as rooishtid:

Ashlish 19:9

As dooyrt eh rhym, Scrieu Maynrey t’adsyn ta er nyn guirrey gys shibber‐banshey yn Eayn. As dooyrt eh rhym, T’ad shoh raaghyn firrinagh Yee.

Ashlish 21:2

As honnick mish Ean yn ard‐valley casherick, yn Jerusalem noa, cheet neose veih Jee ass niau, soit magh myr ben‐phoosee coamrit son e sheshey.