Noo Mian 8:27 - Yn Conaant Noa 1810

²⁷ Agh ghow ny deiney yindys, gra, Cre’n dooinney eh shoh, dy vel ny eer geayghyn as y faarkey ayns biallys da!

Yn Vible Casherick 1775 1819

²⁷ Agh ghow ny deiney yindys, gra, Cre’n dooinney eh shoh, dy vel ny eer geayghyn as y faarkey ayns biallys da!

Noo Mian 1748

²⁷ Agh ghow ny deney yyndyss, gra, Cre’n keint dy ghooinney e shoh, dy vel ny eer geayghyn as y faarkey cur bialys da!

Noo Mian 8:27 ပူးပေါင်းရင်းမြစ်များ

Noo Mian 14:33

Eisht haink yn cheshaght‐lhuingey, as hug ad ooashley da, gra, Ayns firrinys oo Mac Yee.

Noo Mian 15:31

Ayns wheesh as dy ghow ooilley’n pobble yindys, tra honnick ad ny balloo loayrt, ny baccee slane, ny croobee shooyll, as ny doail fakin, as ren ad Jee Israel y ghloyraghey.

Noo Mian 8:10

Tra cheayll Yeesey shoh ghow eh yindys, as dooyrt eh roosyn va geiyrt er, Dy firrinagh ta mee gra riu, Lheid y credjue lajer shoh, cha vel mee er gheddyn ayns Israel hene.

Noo Mian 8:26

As dooyrt eh rhoo. Cre’n fa ta shiu agglagh, shiuish dy chredjue moal? Eisht dirree eh, as hug eh yn gheay, as yn aarkey fo‐harey, as va kiuney vooar ayn.

Noo Mian 8:28

As tra ve’h er jeet gys y cheu elley, gys cheer ny Gergese‐nee, haink daa ghooinney va drogh‐spyrrydyn ayndoo magh ny whail, veih mastey ny hoiaghyn, as cha keoi shen v’ad, nagh by‐lhoys da dooinney erbee goaill yn raad shen.

Noo Mark 1:27

As vaad ooilley fo atchim, ayns wheesh as dy row ad reesoon‐ey nyn mast’ oc hene, gra, Cre’n red shoh? cre’n ynsagh noa shoh? son ta ny eer spyrrydyn neu‐ghlen dy pooaral echey fo smaght, as t’ad beasagh da.

Noo Mark 6:51

As hie eh seose ’sy lhong huc, as ghow yn gheay fea: as v’ad feer atchimagh ayndoo hene erskyn towse, as goaill yindys.

Noo Mark 7:37

As va’d erskyn towse atchimagh, gra, T’eh er n’yannoo dy chooilley nhee dy mie: t’eh cur chammah er ny beuyr dy chlashtyn, as ny balloo dy loayrt.