Noo Mian 8:20 - Yn Conaant Noa 1810

²⁰ As dooyrt Yeesey rish, Ta tuill ec ny shynnee, as idd ec eeanlee yn aer, agh cha vel ec mac y dooinney wheesh boayl aaght son e chione.

Yn Vible Casherick 1775 1819

²⁰ As dooyrt Yeesey rish, Ta tuill ec ny shynnee, as idd ec eeanlee yn aer, agh cha vel ec mac y dooinney wheesh boayl aaght son e chione.

Noo Mian 1748

²⁰ As doort Yeesey rish, Ta tuill ec ny shynnee, as idd ec eeanlee’n aer, agh ec Mac y dooinney cha vel boal dy chur e chione ayn.

Noo Mian 8:20 ပူးပေါင်းရင်းမြစ်များ

Noo Mian 12:32

As quoi‐erbee loayrys fockle noi Mac y dooinney, bee eh er ny leih da: agh quoi‐erbee loayrys noi yn Spyrryd Noo, cha bee eh er ny leih da, edyr ’sy theihll shoh, ny ’sy theihll ta ry‐heet.

Noo Mian 12:40

Son myr va Jonas three laghyn as three oieghyn ayns bolg y whale: myr shen bee Mac y dooinney three laghyn as three oieghyn ayns cree yn thallooin.

Noo Mian 12:8

Son ta Mac y dooinney ny Hiarn er y doonaght hene.

Noo Mian 13:37

Dreggyr eshyn as dooyrt eh roo, Eshyn chuirr yn rass mie, Mac yn dooinney:

Noo Mian 16:13

Tra va Yeesey er jeet gys ardjyn Cesarea Philippi, dênee eh jeh e ostyllyn, gra, Cre ta deiney dy ghra my‐mychione’s Mac y dooinney, quoi mee hene?

Noo Mian 16:27

Son hig Mac y dooinney ayns gloyr e Ayrey, as e ainleyn casherick mârish: as ec y traa shen cooilleenee eh da dy chooilley ghooinney cordail rish e obbraghyn.

Noo Mian 17:9

As myr v’ad cheet neose jeh’n clieau, hug Yeesey currym orroo, gra, Ny insh‐jee yn ashlish da unnane erbee, derrey vees Mac yn dooinney er n’irree veih ny merriu.

Noo Mian 19:28

Dooyrt Yeesey roo, Dy firrinagh ta mee gra riu, ’Sy stayd noa, tra nee Mac y dooinney soie er stoyl‐reeoil e ghloyr, dy jean shiuish myrgeddin t’er n’eiyrt orrym’s soie er daa stoyl‐reeoil yeig, briwnys daa heeloghe yeig Israel.

Noo Mark 8:38

Quoi‐erbee er‐y‐fa shen ghoys nearey roym’s, as roish my ghoan, ayns y cheeloghe foalsey as peccoil shoh, roishyn myrgeddin ghoys Mac y dooinney nearey, tra hig eh ayns gloyr e Ayrey, as ny ainleyn casherick mârish.

Noo Luke 12:8

Myrgeddin ta mee gra riu, Quoi‐erbee ghoys rhyms kiongoyrt rish deiney, nee yn Mac dooinney myrgeddin goaill rishyn kiongoyrt rish ainleyn Yee.

Noo Luke 18:8

Ta mee ginsh diu dy jean eh dy tappee goaill cooilleeney er nyn son. Ny‐yeih tra hig Mac y dooinney, vow eh credjue er y thalloo?

Noo Luke 2:12

As bee shoh son cowrey diu; Yiow shiu yn oikan ayns aanrityn soïllee, as ny lhie ayns manjoor.

Noo Luke 2:16

As haink ad lesh siyr, as hooar ad Moirrey as Joseph, as yn oikan ny lhie ayns manjoor.

Noo Luke 2:7

As hug ee son y theihll yn ynrycan vac rug jee, as hoïll ee eh ayns aanrityn soillee, as hug ee eh ny lhie ayns manjoor, er‐y‐fa nagh row room er nyn son ayns y thie‐oast.

Noo Luke 21:36

Bee‐jee er nyn dwoaie er‐y‐fa shen, as bee‐jee kinjagh ayns padjer, dy vod shiu ve coontit feeu dy scapail ooilley ny reddyn shoh hig gy‐kione, as dy hassoo kiongoyrt rish Mac y dooinney.

Noo Luke 8:3

As Joanna ben Chusa stiurt Herod, as Susanna, as ymmodee elley, v’er hirveish er jeh nyn gooid.

Noo Luke 9:58

As dooyrt Yeesey rish, Ta tuill ec ny shynnee, as idd ec eeanlee yn aer, agh ec Mac yn dooinney cha vel boayl, ayn dy chur e chione fo.

Noo Ean 1:51

As dooyrt eh rish, Dy firrinagh firrinagh ta mee gra riu, Ny lurg shoh hee shiu niau foshlit, as ainleyn Yee gooll seose as cheet neose er Mac y dooinney.

Noo Ean 12:34

Dreggyr y pobble eh, Ta shin er chlashtyn ass y leigh, dy vel Creest tannaghtyn son dy bragh: as kys t’ou uss gra, dy vel y Mac dooinney dy ve troggit seose? quoi yn Mac dooinney shoh?

Noo Ean 13:31

Shen‐y‐fa erreish da v’er n’gholl magh, dooyrt Yeesey, Nish ta’n Mac dooinney er ny ghloyraghey, as ta Jee er ny ghloyraghey ayn.

Noo Ean 3:13

As cha vel dooinney erbee er gholl seose gys niau, agh eshyn haink neose veih niau, eer yn Mac dooinney ta ayns niau.

Noo Ean 3:14

As myr ren Moses yn ard‐nieu y hroggal seose ayns yn aasagh, myr shen shegin da Mac y dooinney v’er ny hroggal seose:

Noo Ean 6:27

Ny bee‐jee imneagh son y beaghey ta cherraghtyn, agh son y beaghey shen ta tannaghtyn gys y vea veayn, nee yn Mac dooinney y choyrt diu: son eshyn ta Jee yn Ayr er chowraghey.

Noo Ean 6:53

Eisht dooyrt Yeesey roo, Dy firrinagh‐focklagh ta mee gra riu, Mannagh jean shiu feill yn Mac dooinney y ee, as e uill y iu, cha vel y vea eu ayndiu.

Noo Ean 6:62

Cre my hee shiu Mac y dooinney goll seose raad v’eh roïe?

Jannoo 7:56

As dooyrt eh, Cur‐my‐ner, hee‐ym ny niaughyn foshlit, as Mac y dooinney ny hassoo er laue yesh Yee.

2 Corinthianee 8:9

Son shione diu grayse nyn Jiarn Yeesey Chreest, ga dy row eh berchagh, ny‐yeih er y ghraih euish ghow eh er dy ve boght, trooid y voghtynid echeysyn dy voddagh shiuish ve jeant berchagh.