Noo Mian 8:16 - Yn Conaant Noa 1810

¹⁶ Tra va’n fastyr er jeet, hug ad lhieu huggey ymmodee va drogh‐spyrrydyn ayndoo: as deiyr eh magh ny spyrrydyn lesh fockle, as laanee eh ooilley ny va ching.

Yn Vible Casherick 1775 1819

¹⁶ Tra va’n fastyr er jeet, hug ad lhieu huggey ymmodee va drogh-spyrrydyn ayndoo: as deiyr eh magh ny spyrrydyn lesh fockle, as laanee eh ooilley ny va ching.

Noo Mian 1748

¹⁶ ¶ Tra va’n fastyr er jeet, hug ad lieu huggey ymmodee va drogh spyrrydyn ayndoo, as deiyr e magh ny spyrrydyn lesh fockle, as laanee e ooilley ny va ching.

Noo Mian 8:16 ပူးပေါင်းရင်းမြစ်များ

Noo Mian 12:22

Eisht hug ad lhieu huggey dooinney seagnit lesh drogh‐spyrryd, doal as balloo: as ren eh eh y lheihys, myr shen dy ren eshyn va doal as balloo chammah loayrt as fakin.

Noo Mian 14:14

As hie Yeesey magh, as honnick eh chaglym mooar dy leih, as v’eh er veiyghey lesh chymmey orroo, as laanee eh adsyn va ching.

Noo Mian 8:15

As venn eh rish y laue eck, as daag yn chiassaghey ee: as ren ee girree, as shirveish orroo.

Noo Mian 8:33

As roie ny bochillyn roue, as haink ad gys yn ard‐valley, as dinsh ad dy chooilley nhee: as mychione ny deiney va seaghnit lesh ny drogh‐spyrrydyn.

Noo Mian 9:2

As cur‐my‐ner, hug ad lhieu huggey dooinney doghanit lesh y chingys‐craaee, ny lhie er lhiabbee: as Yeesey goaill tastey jeh’n chredjue oc, dooyrt eh rish y varter, Vac, bee dy yien mie, ta dty pheccaghyn er ny leih dhyt,

Noo Mark 2:3

As haink ad huggey, cur lhieu fer va seaghnit lesh y chingys‐craaee, v’er ny hroggal stiagh liorish kiare dy leih.

Noo Mark 5:8

(Son v’eh er ghra rish, Tar magh ass y dooinney, uss spyrryd neu‐ghlen)

Noo Mark 9:25

Tra honnick Yeesey dy row yn pobble ayns preis chionney dy cheilley, vaggyr eh er y spyrryd neu‐ghlen, as dooyrt eh rish, Uss spyrryd balloo as bouyr, ta mee dy dty harey, Oo dy heet magh ass, as gyn arragh dy gholl stiagh ayn.

Noo Luke 13:12

As tra honnick Yeesey ee, deïe eh urree huggey, as dooyrt eh r’ee, Ven, t’ou er dty eaysley veih dty ghoghan.

Noo Luke 4:40

Nish ec lhie ny greiney, whilleen as va sleih chingey oc fo mooarane doghanyn, hug ad lhieu ad huggey; as hug eh e laueyn er dy chooilley unnane oc, as ren eh ad y lheihys.

Noo Luke 4:41

As haink drogh‐spyrrydyn myrgeddin magh ass ymmodee, gyllagh as gra, Oo yn Creest Mac Yee. As hug eh oghsan daue, as cha lhig eh daue loayrt; son va fys oc dy nee eh va’n Creest.

Jannoo 5:15

Ayns wheesh as dy dug ad lhieu magh ayns ny straidyn sleih chingey nyn lhie er lhiabbaghyn as lhiaghtyn, dy voddagh eer scadoo Pheddyr goll shaghey; cheet er paart jeu.