Noo Mian 7:22 - Yn Conaant Noa 1810

²² Jir ymmodee rhym’s ’sy laa shen, Hiarn, Hiarn, nagh vel shin er n’yannoo phadeyrys ayns dt’ennym’s? as ayns dt’ennym er chastey drogh‐spyrrydyn? as ayns dt’ennym er n’yannoo ymmodee obbraghyn yindyssagh?

Yn Vible Casherick 1775 1819

²² Jir ymmodee rhym’s ’sy laa shen, Hiarn, Hiarn, nagh vel shin er n’yannoo phadeyrys ayns dt’ennym’s? as ayns dt’ennym er chastey drogh-spyrrydyn? as ayns dt’ennym er n’yannoo ymmodee obbraghyn yindyssagh?

Noo Mian 1748

²² Jir ymmodee rhyms ’sy laa shen, Hiarn, Hiarn, nagh vel shin er nianoo phaderys ayns dt’ennyms? as ayns dt’ennym er hilgey magh drogh spyrrydyn? as ayns dt’ennym er nianoo ymmodee obbraghyn Yyndyssagh?

Noo Mian 7:22 ပူးပေါင်းရင်းမြစ်များ

Noo Mian 10:15

Dy firrinagh ta mee gra riu, Dy bee eh ny sassey da cheer Sodom as Gomorrah, ec laa ny briwnys na da’n ard‐valley shen.

Noo Mian 24:36

Agh er y laa as yn oor shen, cha vel fys ec dooinney erbee, cha vel ec ainleyn niau, agh ec my Ayr ny lomarcan.

Noo Mian 25:11

Ny lurg shen haink ny moidynyn elley, gra, Hiarn, Hiarn, foshil dooin.

Noo Mian 7:21

Cha nee dy chooilley unnane jir rhym’s, Hiarn, Hiarn, hed stiagh er reeriaght niau: agh eshyn ta jannoo aigney my Ayrey t’ayns niau.

Noo Luke 10:12

Agh ta mish gra riu, dy bee eh ny sassey da Sodom ec y laa shen, na da’n ard‐valley shen.

Noo Ean 11:51

As shoh loayr eh, cha nee jeh hene: agh ve’h ny ard‐saggyrt yn vlein shen, as ren eh phadeyrys dy voghe Yeesey baase son yn ashoon shen:

1 Thessalonianee 5:4

Agh cha vel shiuish, vraaraghyn, ayns dorraghys, dy jinnagh y laa shen berraghtyn erriu myr maarliagh.

2 Thessalonianee 1:10

Tra hig eh dy ve er ny ghloyraghey ayns e nooghyn, as dy ve er y laa shen shilley yindyssagh ayndoosyn ooilley ta credjal (er‐yn‐oyr dy row yn recortys ainyn nyn mast’ eu er ny chredjal):

2 Timothy 1:12

Er‐yn‐oyr cheddin ta mee myrgeddin surranse ny reddyn shoh, ny‐yeih cha vel nearey orrym: son shione dou eshyn ayn ta mee er credjal, as ta mee feer shickyr dy vel eh abyl dy reayll shen ny ta mee er hymney gys e chiarail gys yn laa shen.

2 Timothy 1:18

Dy giall y Chiarn da dy vod eh myghin y gheddyn veih’n Chiarn ’sy laa shen: as ayns cre whilleen nhee ren eh shirveish orrym ec Ephesus, ta fys ayd er dy mie.

2 Timothy 4:8

Veih shoh magh ta tashtit seose my chour attey dy chairys, nee yn Chiarn yn briw cairagh y chur dooys ec y laa shen: as cha nee dooys my lomarcan, agh dauesyn ooilley myrgeddin ta graihagh er y cheet echey.