Noo Mian 7:15 - Yn Conaant Noa 1810

¹⁵ Bee‐jee er nyn dwoaie jeh phadeyryn foalsey, ta cheet hiu ayns coamrey keyrragh, agh cheu‐sthie t’ad nyn moddee‐oaldey jollyssagh.

Yn Vible Casherick 1775 1819

¹⁵ Bee-jee er nyn dwoaie jeh phadeyryn foalsey, ta cheet hiu ayns coamrey keyrragh, agh cheu-sthie t’ad nyn moddee-oaldey jollyssagh.

Noo Mian 1748

¹⁵ Cur‐jee twoai jeh phaderyn foalsey, ta cheet hiu ayns coamraghyn keyrragh, agh cheu‐stie ta’d nyn moddee‐oaldey jollyssagh.

Noo Mian 7:15 ပူးပေါင်းရင်းမြစ်များ

Noo Mian 10:17

Agh bee‐jee er nyn dwoaie roish deiney, son livrey‐ee ad shiu seose gys ny coonceilyn, as scuitchee ad shiu ayns ny quaiylyn oc.

Noo Mian 16:11

Kys te nagh vel shiu goaill eu hene, nagh nee er arran va mee cheet, agh shiu dy ghoaill twoaie jeh soorid ny Phariseeyn as ny Sadduceeyn?

Noo Mian 16:6

Eisht dooyrt Yeesey roo, Gow‐jee twoaie, as bee‐jee er nyn arrey noi soorid ny Phariseeyn as ny Sadduceeyn.

Noo Mian 24:11

As nee ymmodee phadeyryn‐foalsey girree seose, as mooarane y volley.

Noo Mian 7:14

Er‐yn‐oyr dy nee chion ta’n giat, as coon ta’n raad ta leeideil gys bea, as s’tiark ad ta dy haaghey eh.

Noo Luke 12:15

As dooyrt eh roo, Gow‐jee tastey, as cur‐jee twoaie jeh saynt: son cha vel maynrys bea yn dooinney lhie ayns mooarane e chooid‐seihlt.

Noo Luke 6:26

Smerg diuish tra nee dy chooilley ghooinney loayrt dy mie jiu: son shen myr ren ny ayraghyn oc jeh ny phadeyryn foalsey.

Noo Ean 10:12

Agh eshyn ta failt, as cha nee yn bochilley hene, as nagh vel ny kirree lesh hene, t’eh fakin yn moddey‐oaldey cheet, as t’eh faagail ny kirree, as roie er‐chea: as ta’n moddey‐oaldey dyn dayrtyn ad, as skeayley ny kirree.

Jannoo 13:40

Cur‐jee twoaie er‐y‐fa shen, nagh jig shen erriuish ta ny phadeyryn er loayrt, gra,

Jannoo 13:6

As tra va’d er n’gholl trooid yn Ellan gys Paphos, hooar ad ayns shen fer‐obbee dy row, phadeyr‐foalsey, Hew va enmyssit Barjesus:

Galatianee 2:4

As shen kindagh rish braaraghyn foalsey v’er nyn goyrt lhieu gyn‐yss ny vud ain, haink stiagh dy croutagh dy chronnaghey yn reamys t’ain ayns Creest Yeesey, dy voddagh ad shin y choyrt lhieu fo bondiaght:

Ephesianee 4:14

Nagh bee mayd maghey shoh nyn gloan lheaystey noon as noal, as eiyrit mygeayrt lesh dy chooilley gheay dy ynsagh, liorish kialgyn deiney, as ny croutyn cliucagh, lhieu t’ad lhie cooyl‐chlea er‐chee dy volley:

Ephesianee 5:6

Ny lhig da dooinney erbee shiu y volley lesh goan fardalagh: son kyndagh rish ny reddyn shoh ta corree Yee cheet er cloan y vee‐viallys.

Philippianee 3:2

Cur‐jee twoaie jeh moddee, cur‐jee twoaie jeh drogh‐yantee, cur‐jee twoaie jeh’n cowrey‐foalley.

Colossianee 2:8

Bee‐jee er nyn dwoaie nagh gow dooinney erbee vondeish erriu trooid ynsagh foalsey as molteyraght, lurg cliaghtaghyn deiney, lurg ynsagh annoon y theill, as cha nee lurg Creest:

2 Timothy 3:13

Agh nee drogh gheiney as molteyryn gaase ny smessey as ny smessey, molley, as er nyn molley,

2 Timothy 4:3

Son hig y traa nagh nuillee ad ynsagh slayntoil; agh lesh cleayshyn miandagh, lurg nyn yeearreeyn hene, tayrnee ad huc hene ymmodee fir‐ynsee:

2 Peddyr 3:17

Fakin er‐y‐fa shen, chaarjyn, dy vel fys eu er ny reddyn shoh ro‐laue, cur‐jee twoaie nagh jean shiuish myrgeddin, cleaynit lesh shaghrynys ny mee‐chrauee, tuittym ersooyl veih’n shickyrys eu ’sy chredjue.

1 Ean 4:1

Chaarjyn, ny cred‐jee dy chooilley spyrryd, agh prow‐jee ny spyrrydyn vel ad veih Jee: er‐yn‐oyr dy vel ymmodee phadeyryn foalsey er n’gholl magh ’sy theihll.

Jude 1:4

Son ta shiartanse dy gheiney dy steetagh er hayrtyn stiagh, nyn gour va’n vriwnys shoh roïe er ny oardaghey; deiney mee‐chrauee, chyndaa grayse yn Jee ain gys rouanys, as gobbal yn ynrycan Chiarn Jee, as nyn Jiarn Yeesey Creest.

Ashlish 16:13

As honnick mee three spyrrydyn neu‐ghlen goll‐rish frogyn cheet magh ass beeal y dragon, as magh ass beeal y veisht, as magh ass beeal y phadeyr foalsey.

Ashlish 17:6

As honnick mee yn ven er‐meshtey lesh fuill ny nooghyn, as lesh fuill feanishyn Yeesey: as tra honnick mee ee, ghow mee yindys erskyn towse.

Ashlish 19:20

As va’n veisht goit, as marish yn phadeyr foalsey va gobbraghey mirrillyn ayns e euish, lhieu v’eh molley adsyn v’er ghoaill orroo cowrey’n veisht, as adsyn hug ooashley da e yalloo. V’ad shoh ny‐neesht ceaut bio ayns logh dy aile lostey lesh brimstone.

Ashlish 20:10

As va’n jouyl ren ad y volley, er ny hilgey ayns y logh dy aile as brimstone, raad ta’n veisht as y phadeyr foalsey, as bee ad er nyn dorchaghey oie as laa son dy bragh as dy bragh.