Noo Mian 6:5 - Yn Conaant Noa 1810

⁵ As tra vees oo goaill padjer, cha jean oo myr ny crauee‐oalsey: son shynney lhieusyn shassoo seose ayns ny margaghyn, as ayns king ny straidyn dy ghoaill padjer, er‐chee dy v’er ny akin liorish deiney. Dy firrinagh ta mee gra riu, dy vel ad er gheddyn nyn leagh.

Yn Vible Casherick 1775 1819

⁵ As tra vees oo goaill padjer, cha jean oo myr ny crauee-oalsey: son shynney lhieusyn shassoo seose ayns ny margaghyn, as ayns king ny straidyn dy ghoaill padjer, er-chee dy v’er ny akin liorish deiney. Dy firrinagh ta mee gra riu, dy vel ad er gheddyn nyn leagh.

Noo Mian 1748

⁵ ¶ As tra vees oo goall padjer, cha bee oo myr ny crauee‐foalsey: son shynney lieusyn shassoo seose ayns ny kialteenyn, as ayns corneilyn ny straadjyn dy ghoall padjer, er chee dy ve’r ny akin liorish deney. Dy firrinagh ta mee gra riu, dy vel ad er gheddyn nyn leagh.

Noo Mian 6:5 ပူးပေါင်းရင်းမြစ်များ

Noo Mian 21:22

As cre‐erbee nee shiu geearree ayns padjer, lesh credjue, yiow shiu eh.

Noo Mian 23:13

Agh smerg diuish scrudeyryn as Phariseeyn, chrauee‐oalsey; son ta shiu dooney seose reeriaght niau noi deiney: cha vel shiu goll stiagh shiu hene, as ta shiu dyn lhiettal adsyn ta aggindagh er goll stiagh.

Noo Mian 23:5

Agh ooilley nyn obbraghyn t’ad dy yannoo dy ve cronnit liorish deiney: t’ad jannoo lhean ny phylactereeyn oc, as ceau chem‐mallyn mooarey er nyn gharmadyn,

Noo Mian 23:6

As shynney lhieu ny ard ynnydyn‐soie ec cuirraghyn, as ny ard‐stuill ayns ny synagogueyn,

Noo Mian 6:1

Gow‐jee tastey, nagh jean shiu nyn ghiastyllys fenish deiney, dy ve er ny akin lioroo: er‐nonney cha vow shiu leagh veih’n Ayr eu t’ayns niau.

Noo Mian 6:16

As tra vees shiu trostey, ny bee‐jee groymagh myr ny crauee‐oalsey, son t’adsyn caghlaa cummey nyn eddin, er‐chee deiney dy chur tastey da’n trostey oc. Ta mee shickyrys diu, dy nee shoh [ooilley] nyn leagh.

Noo Mian 6:2

Shen‐y‐fa tra t’ou jannoo dty ghiastyllys, ny jean cayrn y heidey royd, myr ny crauee‐oalsey ayns ny margaghyn, as ayns ny straidyn, er‐chee cosney moylley’n theay. Dy firrinagh ta me gra riu, Shen nyn leagh.

Noo Mian 9:38

Guee‐jee shiuish, er‐y‐fa shen, er Chiarn y fouyr, eh dy chur magh labreeyn gys y fouyr echey.

Noo Mark 11:25

As tra vees shiu shassoo dy ghoaill padjer, leih‐jee my ta nhee erbee eu noi dooinney erbee: dy vod nyn Ayr mygeddin t’ayns niau nyn loghtyn y leih diuish.

Noo Mark 12:38

As dooyrt eh roo, myr v’eh gynsagh, Bee‐jee er nyn dwoaie jeh ny scrudeyryn, ta geearree shooyll ayns coamraghyn liauyrey, as sleih dy vannaghey daue ayns ny margaghyn,

Noo Luke 11:43

Smerg diuish Phariseeyn: son shynney lhieu ny ard‐stuill ayns ny kialteenyn, as sleih dy vannaghey diu ayns ny margaghyn.

Noo Luke 18:1

As loayr eh coraa‐dorraghey roo, dy lhisagh deiney kinjagh padjer y ghoaill, as gyn ad y ve lhiastey;

Noo Luke 18:13

As hass y publican foddey veih, as cha b’lhoys da wheesh as e hooillyn y hroggal seose gys niau, agh woaill eh er e chleeau, gra, Dy row Jee myghinagh dooys ta my ghooinney peccoil.

Noo Luke 20:47

T’ad cur‐mow thieyn mraane‐treoghe, as son scaa dy chraueeaght lhiggey orroo dy ve mennick ayns padjer: ta briwnys strimmey nyn gour oc shoh.

Noo Luke 6:24

Agh smerg diuish verchee: son ta shiu er gheddyn nyn gherjagh.

Noo Ean 16:24

Cha vel shiu foast er hirrey nhee erbee ayns yn ennym aym’s: shir‐jee, as yiow shiu, dy vod y boggey eu v’er ny yannoo magh.

Ephesianee 6:18

Guee dy kinjagh lesh dy chooilley phadjer as accan ayns y Spyrryd, as gys shoh er nyn arrey lesh slane tannaghtyn as aghin son ooilley ny nooghyn;

1 Thessalonianee 5:17

Gow‐jee padjer dy kinjagh.

Jamys 4:6

Agh t’eh coyrt ny smoo dy ghrayse: shen‐y‐fa t’eh gra, Ta Jee cur eddin da ny mooaralee, as coyrt grayse dauesyn ta imlee.