Noo Mian 6:30 - Yn Conaant Noa 1810

³⁰ My ta Jee er‐y‐fa shen myr shoh coamrey blaa ny magheragh, ta jiu ayn, as mairagh ceaut ayns yn oghe, nagh jean eh foddey smoo shiuish y choamrey, O gheiney faase‐chredjuagh?

Yn Vible Casherick 1775 1819

³⁰ My ta Jee er-y-fa shen myr shoh coamrey blaa ny magheragh, ta jiu ayn, as mairagh ceaut ayns yn oghe, nagh jean eh foddey smoo shiuish y choamrey, O gheiney faase-chredjuagh?

Noo Mian 1748

³⁰ My ta Jee, er‐y‐fa shen, myr shoh coamrey’n faar ta jiu ’sy vagher as mairagh caeu’t stiagh ayns yn oghe, nagh jean e foddey smoo er nyn son eavish, O gheney faase‐chredjuagh?

Noo Mian 6:30 ပူးပေါင်းရင်းမြစ်များ

Noo Mian 14:31

As ayns y tullogh, heeyn Yeesey magh e laue, as haare eh eh, as dooyrt eh rish, O ghooinney faase‐chredjuagh, cre’n‐fa v’ou mee‐ouryssagh?

Noo Mian 16:8

Tra hoig Yeesey shoh, dooyrt eh roo, Gheiney faase‐chredjuagh, cre’n‐fa ta shiu resooney riu hene son nagh dug shiu lhieu arran?

Noo Mian 17:17

Dansoor Yeesey as dooryt eh, O heeloghe vee‐chredjuagh as roonagh, caïd ta mish dy ve mêriu? caïd ta mee dy hurranse diu? cur lhiat eh hym’s ayns shoh.

Noo Mian 8:26

As dooyrt eh rhoo. Cre’n fa ta shiu agglagh, shiuish dy chredjue moal? Eisht dirree eh, as hug eh yn gheay, as yn aarkey fo‐harey, as va kiuney vooar ayn.

Noo Mark 4:40

As dooyrt eh roo, Cre’n‐fa ta shiu cha agglagh? kys te nagh vel credjue eu?

Noo Mark 9:19

Dreggyr eshyn as dooyrt eh, O heeloghe vee‐chredjuagh, caïd ta mish dy ve mêriu? caïd ta mee dy hurranse diu? cur lhiat eh hym’s.

Noo Luke 12:28

My ta Jee eisht myr shoh coamrey blaa ny magheragh, ta jiu ’sy vagher, as mairagh ceaut ayns yn oghe: nagh jean eh foddey smoo er nyn son euish, O gheiney faase‐chredjuagh?

Noo Luke 9:41

As dreggyr Yeesey, gra, O heeloghe vee‐chredjuagh as roonagh, caïd ta mish dy ve mêriu, as dy hurranse diu? Cur lhiat dty vac ayns shoh.

Noo Ean 20:27

Eisht dooyrt eh rish Thomase, Sheeyn ayns shoh dty vair, as loaghtee my laueyn; as sheeyn dty laue, as cur ee stiagh ayns my lhiattee: as ny bee mee‐chredjuagh, agh credjuagh.

Hebrewnee 3:12

Cur‐jee twoaie, vraaraghyn, nagh bee ayns veg eu drogh chree dy vee‐chredjue, ayns treigeil y Jee bio.

1 Peddyr 1:24

Son ta dy chooilley eill myr faiyr, as ooilley aalid dooinney myr blaa faiyr. Ta’n faiyr fioghey, as ta e vlaa tuittym ersooyl: