Noo Mian 6:24 - Yn Conaant Noa 1810

²⁴ Cha vod dooinney erbee daa vainshter y hirveish: son edyr ver eh dwoaie da’n derrey yeh, as graih da’n jeh elley; ny bee eh jeidjagh da’n derrey yeh, ny soiaghey beg jeh’n jeh elley. Cha vod shiu Jee as Mammon y hirveish.

Yn Vible Casherick 1775 1819

²⁴ Cha vod dooinney erbee daa vainshter y hirveish: son edyr ver eh dwoaie da’n derrey yeh, as graih da’n jeh elley; ny bee eh jeidjagh da’n derrey yeh, ny soiaghey beg jeh’n jeh elley. Cha vod shiu Jee as Mammon y hirveish.

Noo Mian 1748

²⁴ ¶ Cha vod dooinney erbee daa vainshter y hirveish: son edyr ver e dwoai da’n derrey yeh as graih da’n jeh elley, ny bee e jeidjagh da’n derrey yeh as soiee e beg jeh’n jeh elley. Cha vod shiu Jee as Mammon y hirveish.

Noo Mian 6:24 ပူးပေါင်းရင်းမြစ်များ

Noo Mian 4:10

Eisht dooyrt Yeesey rish, Ass my enish oo, Noid‐ny‐hanmey: son te scruit, Ver oo ooashley da’n Chiarn dty Yee, as eshyn ynrycan nee oo shirveish.

Noo Luke 16:11

Mannagh vel shiu er‐y‐fa shen er ve ynrick ayns y mammon molteyragh, quoi ver yn verchys firrinagh fo nyn gurrym?

Noo Luke 16:13

Cha vod sharvaant erbee daa vainshter y hirveish: son eddyr ver eh feoh da’n derrey yeh as graih da’n jeh elley; er‐nonney cummee eh gys y derrey yeh, as soie‐ee eh beg jeh’n jeh elley. Cha vod shiu Jee as mammon y hirveish.

Noo Luke 16:9

As ta mee gra riu, Jean‐jee diu hene caarjyn liorish yn mammon molteyragh; tra nee shiu failleil, dy vod ad shiu y ghoaill stiagh gys ny ynnydyn‐vaghee dy bragh farraghtyn.

Galatianee 1:10

Son vel mee nish geearree foayr gheiney, ny foayr Yee? ny vel mee shirrey dy wooiys deiney? son dy beign foast shirrey pleasal deiney, cha beign sharvaant Chreest.

1 Timothy 6:17

Cur currym orroosyn ta berchagh ’sy theihll shoh, nagh bee ad ard‐aignagh, ny treishteil ayns berchys neu‐hickyr, agh ayns y Jee bio, ta cur dooin dy palchey dy chooilley nhee dy ghoaill soylley jeu:

2 Timothy 4:10

Son ta Demas er my hreigeil, er graih cosney seihlltagh, as er n’gholl ersooyl gys Thessalonica; Crescens gys Galatia; Titus gys Dalmatia.

Jamys 4:4

Shiuish gheiney as vraane maarderee [spyrrydoil,] nagh vel fys eu dy vel caarjys y theihll noidys rish Jee? quoi‐erbee er‐y‐fa shen saillish ve ny charrey da’n seihll, t’eh noid Yee.