Noo Mian 6:16 - Yn Conaant Noa 1810

¹⁶ As tra vees shiu trostey, ny bee‐jee groymagh myr ny crauee‐oalsey, son t’adsyn caghlaa cummey nyn eddin, er‐chee deiney dy chur tastey da’n trostey oc. Ta mee shickyrys diu, dy nee shoh [ooilley] nyn leagh.

Yn Vible Casherick 1775 1819

¹⁶ As tra vees shiu trostey, ny bee-jee groamagh myr ny crauee-oalsey, son t’adsyn caghlaa cummey nyn eddin, er-chee deiney dy chur tastey da’n trostey oc. Ta mee shickyrys diu, dy nee shoh [ooilley] nyn leagh.

Noo Mian 1748

¹⁶ ¶ As tra vees shiu trostey, ny bee-jee jeaghyn trimshagh, myr ny crauee-foalsey, son tar adsyn sollagh nyn eddinyn er chee deney dy chur tastey da’n trostey oc. Dy firrinagh ta mee gra riu, dy vel nyn leagh oc.

Noo Mian 6:16 ပူးပေါင်းရင်းမြစ်များ

Noo Mian 6:1

Gow‐jee tastey, nagh jean shiu nyn ghiastyllys fenish deiney, dy ve er ny akin lioroo: er‐nonney cha vow shiu leagh veih’n Ayr eu t’ayns niau.

Noo Mian 6:2

Shen‐y‐fa tra t’ou jannoo dty ghiastyllys, ny jean cayrn y heidey royd, myr ny crauee‐oalsey ayns ny margaghyn, as ayns ny straidyn, er‐chee cosney moylley’n theay. Dy firrinagh ta me gra riu, Shen nyn leagh.

Noo Mian 6:5

As tra vees oo goaill padjer, cha jean oo myr ny crauee‐oalsey: son shynney lhieusyn shassoo seose ayns ny margaghyn, as ayns king ny straidyn dy ghoaill padjer, er‐chee dy v’er ny akin liorish deiney. Dy firrinagh ta mee gra riu, dy vel ad er gheddyn nyn leagh.

Noo Mark 2:18

As ve cliaghtey ynseydee Ean as ny Phariseeyn dy reayll trostey; as haink ad as dooyrt ad rish, Kys te dy vel ynseydee Ean as ny Phariseeyn trostey, agh cha vel adsyn t’ou uss er n’ynsaghey trostey?

Noo Luke 18:12

Ta mee trostey daa cheayrt ’sy chiaghtin, ta mee cur jaghee jeh ooilley ny t’ayn’s my chummal.

Noo Luke 2:37

As v’ee ny ben‐treoghe mysh kiare‐feed as kiare bleeaney dy eash, as v’ee dy kinjagh taaghey yn chiamble, shirveish Jee lesh trostey as padjeryn oie as laa.

Jannoo 10:30

As dooyrt Cornelius, Kiare laa er‐dy‐henney va mish my hrostey derrey mysh y traa shoh dy laa, as ec yn nuyoo oor ghow mee padjer ayns my hie, as cur‐my‐ner hass dooinney kiongoyrt rhym ayns coamrey sollys,

Jannoo 14:23

As tra v’ad er n’oardaghey shirveishee ayns ooilley ny kialteenyn, as er ghoaill padjer lesh trostey, ren ad y hymney ad gys y Chiarn, ayn v’ad er chredjal.

1 Corinthianee 7:5

Ny treig‐jee y cheilley, agh lesh coardail son traa, dy vod caa ve eu son trostey as padjer; as dy heet cooidjagh reesht, nagh miolee yn drogh‐spyrryd shiu son nyn neu‐heeltys.

2 Corinthianee 11:27

Ayns skeeys as doccar, ayns ve er my arrey dy mennick, ayns accyrys as paa, ayns trostey dy mennick, ayns feayraght as rooishtid:

2 Corinthianee 6:5

Ayns buillaghyn, ayns pryssooney, ayns irree‐magh nyn ’oï, ayns tooilleil, ayns watchal, ayns trostey;