Noo Mian 5:46 - Yn Conaant Noa 1810

⁴⁶ Son my ta shiu graihagh orroosyn ta graihagh erriuish, cre’n leagh ta nyn gour? nagh vel eer ny publicanee jannoo yn lheid cheddin?

Yn Vible Casherick 1775 1819

⁴⁶ Son my ta shiu graihagh orroosyn ta graihagh erriuish, cre’n leagh ta nyn gour? nagh vel eer ny publicanee jannoo yn lheid cheddin?

Noo Mian 1748

⁴⁶ Son my ta shiu soilshaghey graih dauesyn ta graihagh erriuish, cre’n leagh ta nyn gouyr? Nagh nee shoh myr ta ny eer publicanee janoo?

Noo Mian 5:46 ပူးပေါင်းရင်းမြစ်များ

Noo Mian 11:19

Haink Mac yn dooinney gee as giu, as t’ad gra, Cur‐my‐ner dooinney jollyssagh, as iuder‐feeyney, carrey dy phublicanee as dy pheccee: agh ta creenaght er ny heyrey liorish e cloan hene.

Noo Mian 18:17

As mannagh der eh geill dauesyn, insh eh da’n agglish: agh mannagh der eh geill da’n agglish, jeeagh er myr an‐chreestee as myr publican.

Noo Mian 5:47

My she da nyn mraaraghyn ny lomarcan ta shiu coyrt oltaghey‐bea, cre smoo ta shiu dy yannoo na feallagh elley? nagh vel ny eer publicanee jannoo myr shen?

Noo Mian 6:1

Gow‐jee tastey, nagh jean shiu nyn ghiastyllys fenish deiney, dy ve er ny akin lioroo: er‐nonney cha vow shiu leagh veih’n Ayr eu t’ayns niau.

Noo Mark 2:15

As haink eh gy‐kione, my va Yeesey ny hoie ec bee ayns y thie echey, dy ren myrgeddin ymmodee publicanee as peccee soie sheese marish Yeesey as e heshaght: son va ymmodee er n’eiyrt er.

Noo Mark 2:16

As tra honnick ny scrudeyryn as ny Phariseeyn eh gee marish publicanee as peccee dooyrt ad rish e ynseydee, Kys dy vel eh gee as giu marish publicanee as peccee?

Noo Luke 15:1

Eisht haink er‐gerrey da ooilley ny publicanee as ny peccee dy eaishtagh rish.

Noo Luke 18:13

As hass y publican foddey veih, as cha b’lhoys da wheesh as e hooillyn y hroggal seose gys niau, agh woaill eh er e chleeau, gra, Dy row Jee myghinagh dooys ta my ghooinney peccoil.

Noo Luke 19:2

As cur‐my‐ner, va dooinney va enmyssit Zaccheus, va ny ard‐ghooinney mastey ny publicanee, as v’eh berchagh.

Noo Luke 19:7

As tra honnick ad shoh, v’ad ooilley jymmoosagh, gra, Dy row eh er gholl stiagh dy ee as dy iu marish dooinney dy ghrogh vea.

Noo Luke 3:12

Eisht haink myrgeddin ny publicanee dy ve er nyn mashtey, as dooyrt ad rish Vainshter, cre ta orrinyn dy yannoo?

Noo Luke 5:29

As ren Levi aarlaghey mooar er e hon ayns e hie hene: as va sheshaght vooar dy phublicanee as dy eallagh elley nyn soie ec y voayrd maroo.

Noo Luke 5:30

Agh va ny scrudeyryn oc as ny Phariseeyn jymmoosagh rish e ynseydee, gra, Cre’n‐fa ta shiu gee as giu marish publicanee as peccee?

Noo Luke 7:29

As ren ooilley yn pobble cheayll eh, as ny publicanee Jee y heyrey, as v’ad er nyn mashtey lesh bashtey Ean.

Noo Luke 7:34

Ta’n Mac dooinney er jeet gee as giu; as ta shiu gra, Cur‐my‐ner dooinney jollyssagh, as iuder‐feeyney, carrey dy phublicanee as dy pheccee.