Noo Mian 5:29 - Yn Conaant Noa 1810

²⁹ As my ta dty hooill yesh dy dty hayrn gys peccah, pluck assyd ee, as tilg void ee: son te ny share dhyt unnane jeh dty hooillyn y choayl, na dty slane corp dy ve tilgit ayns niurin.

Yn Vible Casherick 1775 1819

²⁹ As my ta dty hooill yesh dy dty hayrn gys peccah, pluck assyd ee, as tilg voïd ee: son te ny share dhyt unnane jeh dty hooillyn y choayl, na dty slane corp dy ve tilgit ayns niurin.

Noo Mian 1748

²⁹ As my ta dty hooil yesh dy dty hayrn gys peccah, pluck assyd ee, as tilg woid ee, son te ny share dhyt annane jeh dty hooillyn y choall, ny dty slane chorp dy ve tilgit ayns Nivrin.

Noo Mian 5:29 ပူးပေါင်းရင်းမြစ်များ

Noo Mian 10:28

As ny bee aggle erriu rouesyn varrys y corp, agh nagh jarg er yn annym y varroo: agh bee‐jee ayns aggle smoo roishyn oddys annym as callin neesht y stroie ayns niurin.

Noo Mian 11:6

As bannit ta eshyn nagh jean beg y hoiaghey jeem’s.

Noo Mian 16:26

Son cre’n vondeish t’ec dooinney, my chosnys eh yn seihll ooilley, as e annym hene y choayl? ny cre nee dooinney y choyrt ayns coonrey son e annym?

Noo Mian 17:27

Ny‐yeih, son nagh bee cômys er ny chur hooin, immee uss gys y cheayn, as lhig sheese dooan, as trog y chied eeast hig hood: as tra vees oo er vosley e veeal yiow peesh dy argid ayn; shen gow, as eeck eh er my hon’s as er dty hon hene.

Noo Mian 19:12

Son ta deiney gennish ayn, rug myr shen veih breïn nyn mayrey: as ta deiney gennish ayn v’er nyn yannoo gennish liorish deiney: as ta deiney gennish ayn, t’er n’yannoo ad hene gennish er graih reeriaght niau. Eshyn oddys shoh y ghoaill er, lhig da ’ghoaill eh.

Noo Mian 23:15

Smerg diu scrudeyryn as Phariseeyn, chrauee‐oalsey; son ta shiu goll mygeayrt keayn as thalloo, dy hayrn agh un yoarree gys y chredjue eu hene, as tra t’eh er jyndaa hiu, ta shiu dy yannoo eh ny lhiannoo dy niurin ghaa wheesh smessey na shiu hene.

Noo Mian 23:33

Shiuish ard‐nieughyn, sheeloghe dy ard‐nieughyn, kys oddys shiu kerraghey niurin y scapail?

Noo Mian 5:22

Agh ta mish gra riuish, Quoi‐erbee ta fargagh rish e vraar gyn oyr, dy jig eshyn neesht fo kerraghey yn vriwnys: as quoi‐erbee jir rish e vraar, Raca: dy jig eh fo briwynys yn ard‐whuaiyl: agh quoi‐erbee jir, Uss ommydan, dy bee eh ayns gaue aile niurin.

Noo Mian 5:30

As my ta dty laue yesh dy dty hayrn gys peccah, giare jeed, as tilg void ee: son te ny share dhyt unnane jeh dty oltyn y choayl, na dty slane corp dy ve tilgit ayns niurin.

Noo Mark 8:36

Son cre’n vondeish vees ec dooinney, my chosnys eh yn seihll ooilley, as e annym hene y choayl?

Noo Luke 12:5

Agh ver‐yms raaue diu quoi roish ghoys shiu aggle: Gow‐jee aggle roishyn, echey ta pooar, erreish da v’er varroo dy hilgey ayns niurin; dy jarroo ta mee dy ghra riu, Gow‐jee aggle roishyn.

Romanee 6:6

Toiggal shoh, dy vel y chenn ghooinney ain er ny chrossey mârish, dy voddagh corp peccah ve er ny stroie, nagh jinnagh shin ny sodjey peccah y hirveish.

Romanee 8:13

Son my ta shiu beaghey lurg yn eill, yiow shiu baase: agh my ta shiu trooid y Spyrryd cur naardey obbraghyn y challin, bee shiu bio.

1 Corinthianee 9:27

Agh ta mee freayll my chorp fo, as dy smaghtaghey eh; er‐aggle liorish aght erbee, erreish dooys v’er breacheil da feallagh elley, dy beign’s mee hene tilgit jeh.

Galatianee 5:24

As adsyn ta lesh Creest, ta’d er chrossey yn eill, marish ny yeearreeyn as ny sayntyn.

Colossianee 3:5

Smaghtee‐jee er‐y‐fa shen ny oltyn thallooinagh eu; maarderys, neu‐ghlennid, yeearree neu‐chooie, drogh vian, as saynt seihltagh, ta dy chur ammys da jallooyn: