Noo Mian 5:18 - Yn Conaant Noa 1810

¹⁸ Son dy firrinagh ta mee gra riu, Derrey nee yn aer as yn ooir lheïe ersooyl, cha bee un ockle, n’yn floag sloo er ny ghoaill veih’n leigh, derrey vees ooilley jeant mie.

Yn Vible Casherick 1775 1819

¹⁸ Son dy firrinagh ta mee gra riu, Derrey nee yn aer as yn ooir lheïe ersooyl, cha bee un ockle, ny’n floag sloo er ny ghoaill veih’n leigh, derrey vees ooilley jeant mie.

Noo Mian 1748

¹⁸ Son dy firrinagh ta mee gra riu, derrey nee aer as talloo cherraghtyn, cha bee yn ockle ny yn tittle er ny ghoal veih yn leigh, derrey vees ooilley jeant magh.

Noo Mian 5:18 ပူးပေါင်းရင်းမြစ်များ

Noo Mian 10:15

Dy firrinagh ta mee gra riu, Dy bee eh ny sassey da cheer Sodom as Gomorrah, ec laa ny briwnys na da’n ard‐valley shen.

Noo Mian 10:23

Agh tra nee ad tranlaase erriu ayns un ard‐valley, cosne‐jee reue gys ard‐valley elley son ta mee shickyrys diu, nagh bee shiu er n’gholl harrish ard‐valjyn Israel, derrey vees Mac y dooinney er jeet.

Noo Mian 10:42

As quoi‐erbee ver agh cappan dy ushtey feayr da unnane jeh’n vooinjer veggey shoh dy iu, son dy vel eh credjal aynym’s, dy firrinagh ta mee gra riu, nagh jean eh er aght erbe e leagh y choayl.

Noo Mian 11:11

Dy firrinagh ta mee gra riu, ny mast’ ocsyn t’er ve ruggit jeh mraane, cha vel fer syrjey na Ean Bashtey er droggal: ny‐yeigh ta’n fer sloo t’ayns reeriaght niau ny syrjey na eshyn.

Noo Mian 13:17

Son dy firrinagh ta mee gra riu, dy vel ymmodee phadeyryn as deiney cairagh er ve aignagh dy akin ny reddyn ta shiuish dy akin, agh cha vel ad er vakin ad: as dy chlashtyn ny reddyn ta shiuish dy chlashtyn, agh cha vel ad er chlashtyn ad.

Noo Mian 16:28

Dy firrinagh ta mee gra, riu, Dy vel paart nyn shassoo ayns shoh, nagh jean blashtyn er y baase, derrey hee ad Mac y dooinney cheet ayns e reeriaght.

Noo Mian 17:20

Dooyrt Yeesey roo, Kyndagh rish nyn gredjue moal: son dy firrinagh ta mee gra riu, Dy beagh nyn gredjue wheesh grine dy rass mustard, jirragh shiu rish y slieau shoh, Scugh veih shoh noon gys shid, as nee eh scughey: as cha bee nhee erbee ro‐ghoillee diu.

Noo Mian 18:18

Dy firrinagh ta mee gra riu, Cre‐erbee nee shiuish y chiangley er y thalloo, bee eh kianlt ayns niau: as cre‐erbee nee shiu y eaysley er y thalloo, bee eh er ny eaysley ayns niau.

Noo Mian 18:3

As dooyrt eh, Dy firrinagh ta mee gra riu, Mannagh jean shiu chyndaa, as cheet dy ve myr cloan veggey, cha jed shiu stiagh ayns reeriaght niau.

Noo Mian 19:23

Eisht dooyrt Yeesey rish e ostyllyn, Dy firrinagh ta mee gra riu, S’doillee hed dooinney berchagh stiagh ayns reeriaght niau.

Noo Mian 19:28

Dooyrt Yeesey roo, Dy firrinagh ta mee gra riu, ’Sy stayd noa, tra nee Mac y dooinney soie er stoyl‐reeoil e ghloyr, dy jean shiuish myrgeddin t’er n’eiyrt orrym’s soie er daa stoyl‐reeoil yeig, briwnys daa heeloghe yeig Israel.

Noo Mian 21:21

Dreggyr Yeesey, as dooyrt eh roo, Dy firrinagh ta mee gra riu, My vees shiu credjuagh, as gyn ve fo mee‐ourys erbee nee shiu cha nee ynrycan shoh ta jeant rish y villey‐figgagh, agh my jir shiu rish y slieau shoh, Bee er dty scughey, as er dty hilgey ayns y cheayn; bee eh er ny yannoo.

Noo Mian 21:31

Quoi jeu shoh ny‐neesht ren aigney e ayrey? Dooyrt adsyn rish, Yn mac shinney. Dooyrt Yeesey roo, Dy firrinagh ta mee gra riu, dy jed ny publicanee as ny drogh‐vraane stiagh ayns reeriaght Yee reue‐ish.

Noo Mian 23:36

Dy firrinagh ta mee gra riu, Dy jig dy chooilley nhee jeu shoh er y cheeloghe shoh.

Noo Mian 24:2

As dooyrt Yeesey roo, Nagh vaik shiu ooilley ny reddyn shoh? dy firrinagh ta mee gra riu, Nagh bee faagit un chlagh er clagh elley, nagh bee er ny lhieggal.

Noo Mian 24:47

Dy firrinagh ta mee gra riu, dy livreyee eh gys y churrym echeysyn ooilley e chooid.

Noo Mian 25:12

Agh dreggyr eshyn as dooyrt eh, Dy firrinagh ta mee gra riu, nagh voddym goaill riu.

Noo Mian 25:40

As freggyree yn Ree, as jir eh roo, Dy firrinagh ta mee gra riu, Ayns wheesh as dy vel shiu er n’yannoo eh son y fer sloo jeu shoh my vraaraghyn, ta shiu er n’yannoo eh er my hon’s.

Noo Mian 25:45

Eisht nee eh nyn reggyrt, gra, Dy firrinagh ta mee gra riu, Ayns wheesh as nagh ren shiu eh son unnane jeh’n vooinjer sloo jeu shoh, cha ren shiu eh er my hon’s.

Noo Mian 5:26

Dy firrinagh ta mee gra rhyt, Nagh jig oo magh ass shen, derrey t’ou er n’eeckl yn farling s’jerree.

Noo Mian 6:16

As tra vees shiu trostey, ny bee‐jee groymagh myr ny crauee‐oalsey, son t’adsyn caghlaa cummey nyn eddin, er‐chee deiney dy chur tastey da’n trostey oc. Ta mee shickyrys diu, dy nee shoh [ooilley] nyn leagh.

Noo Mian 6:2

Shen‐y‐fa tra t’ou jannoo dty ghiastyllys, ny jean cayrn y heidey royd, myr ny crauee‐oalsey ayns ny margaghyn, as ayns ny straidyn, er‐chee cosney moylley’n theay. Dy firrinagh ta me gra riu, Shen nyn leagh.

Noo Mian 8:10

Tra cheayll Yeesey shoh ghow eh yindys, as dooyrt eh roosyn va geiyrt er, Dy firrinagh ta mee gra riu, Lheid y credjue lajer shoh, cha vel mee er gheddyn ayns Israel hene.

Noo Mark 10:15

Dy firrinagh ta mee gra riu, Quoi‐erbee nagh jean goaill reeriaght Yee myr lhiannoo beg, cha jed eh stiagh ayn.

Noo Mark 10:29

As dreggyr Yeesey as dooyrt eh, Dy firrinagh ta mee gra riu, Nagh vel dooinney erbee, t’er dreigeil thie, ny braaraghyn, ny shayraghyn, ny ayr, ny moir, ny ben, ny cloan, ny thalloo, er my ghraih’s as graih yn tushtal,

Noo Mark 11:23

Son dy firrinagh ta mee gra riu, Quoi‐erbee jir rish y slieau shoh, Bee er dty scughey, as er dty hilgey ayns y cheayn, as nagh jean mee‐ourys ayns e chree, agh ta credjal dy jig ny reddyn t’eh dy ghra gy‐kione, bee shen ny jir eh er ny chooilleeney.

Noo Mark 12:43

As deïe eh er e ostyllyn huggey, as dooyrt eh roo, Dy firrinagh ta mee gra riu, dy vel y ven‐treoghe voght shoh er chur ny smoo ayns kishtey yn stoyr, na dy chooilley unnane t’er choyrt ayn.

Noo Mark 13:30

Dy firrinagh ta mee gra riu, roish my vees yn cheeloghe shoh harrish, dy bee dy chooilley nhee jeu shoh er nyn gooilleeney.

Noo Mark 14:18

As myr v’ad nyn soie ec bee, dooyrt Yeesey, Dy firrinagh ta mee gra riu, Dy jean fer jiuish ta gee mârym mish y vrah.

Noo Mark 14:25

Dy firrinagh ta mee gra riu, Nagh n’iu‐ym arragh jeh mess y villey‐feeyney, derrey’n laa iu‐ym eh ass‐y‐noa ayns reeright Yee.

Noo Mark 14:30

As dooyrt Yeesey rish, Dy firrinagh ta mee gra rhyt, Yn laa jiu, eer yn oie noght roish my gerr y kellagh daa cheayrt, dy nob uss mish three keayrtyn.

Noo Mark 14:9

Dy firrinagh ta mee gra riu, Cre theihll yn raad bee yn sushtal shoh er ny phreacheil, dy bee shoh t’eeish er n’yannoo, er ny imraa ayns cooinaghtyn jeeish.

Noo Mark 3:28

Dy firrinagh ta mee gra riu, Bee dy chooilley pheccah er ny leih da mec gheiney, as ny goan mollaghtagh lioroo nee ad loayrt dy mollaghtagh:

Noo Mark 6:11

As quoi‐erbee nagh jean goaill riu, ny geill y choyrt da ny goan eu, tra vees shiu goll reue, crie‐jee yn joan ta fo ny cassyn eu, son feanish nyn ’oï. Dy firrinagh ta mee gra riu, Dy bee eh ny sassey son Sodom as Gomorrah ec laa ny briwnys, na son yn ard‐valley shen.

Noo Mark 8:12

As ren eh osnaghey dy trome ayns e spyrryd, as dooyrt eh, Cre’n‐fa ta’n cheeloghe shoh shirrey cowrey? dy firrinagh ta mee gra riu, Nagh bee cowrey er ny choyrt da’n cheeloghe shoh.

Noo Mark 9:1

As dooyrt eh roo, Dy firrinagh ta mee gra riu, Dy vel paart jeusyn ta nyn shassoo ayns shoh, nagh jean blashtyn er y baase, derrey vees ad er vakin reeriaght Yee er jeet lesh pooar.

Noo Mark 9:41

Son quoi‐erbee ver diu cappan dy ushtey dy iu, ayns m’ennym’s, er‐yn‐oyr dy vel shiu bentyn gys Creest, dy firrinagh ta mee gra riu, nagh gaill eh e leagh.

Noo Luke 11:51

Veih fuill Abel gys fuill Zacharias, ren cherraghtyn eddyr yn altar as y chiamble: dy firrinagh ta mee gra riu, y dy bee eh er ny chooilleeney er cheeloghe shoh.

Noo Luke 12:37

Bannit ta ny sharvaantyn shen yiow yn Chiarn er nyn arrey, tra hig eh: dy firrinagh ta mee gra riu, dy gryss eh e gharmad mysh, as dy der eh orroo soie sheese gys bee, as dy jig eh magh dy hirveish orroo.

Noo Luke 13:35

Cur‐my‐ner, ta’n thie eu faagit diu follym‐faase: as dy firrinagh ta mee gra riu, nagh vaik shiu mish maghey shoh, derrey hig yn traa dy jir shiu, Bannit ta eshyn ta cheet ayns ennym y Chiarn.

Noo Luke 16:17

Agh te ny sassey da’n aer as da’n thalloo dy herraghtyn, na da un floag jeh’n leigh dy ailleil.

Noo Luke 18:17

Dy firrinagh ta mee gra riu, Quoi‐erbee nagh jean goaill‐rish reeriaght Yee myr lhiannoo beg, cha jed eh er aght erbee stiagh ayn.

Noo Luke 18:29

As dooyrt eh roo, Dy firrinagh ta mee gra riu, Nagh vel dooinney erbee t’er dreigeil thie, ny ayr ny moir, ny braaraghyn, ny ben, ny cloan, er gaaih reeriaght Yee,

Noo Luke 23:43

As dooyrt Yeesey rish, Dy firrinagh ta mee gra rhyt, Dy bee uss mârym’s jiu ayns Paradise.

Noo Luke 4:24

As dooyrt eh, Dy firrinagh ta mee gra riu, Nagh vel soiagh jeant jeh phadeyr erbee ayns e heer hene.

Noo Ean 1:51

As dooyrt eh rish, Dy firrinagh firrinagh ta mee gra riu, Ny lurg shoh hee shiu niau foshlit, as ainleyn Yee gooll seose as cheet neose er Mac y dooinney.

Noo Ean 10:1

Dy firrinagh firrinagh ta mee gra riu, Eshyn nagh vel goll stiagh er y dorrys ayns bwoaillee ny geyrragh, agh ta drappal seose er aght ennagh elley, t’eh shen ny vaarliagh as ny roosteyr.

Noo Ean 10:7

Eisht dooyrt Yeesey roo reesht, Dy firrinagh firrinagh ta mee gra riu, Mish dorrys ny geyrragh.

Noo Ean 12:24

Dy firrinagh firrinagh ta mee gra riu, Mannagh vel y grine curnaght tuittym ayns y thalloo, as goll eig, te cummal ny un ghrine kinjagh: agh my te goll eig: te gymmyrkey magh mooarane mess.

Noo Ean 13:16

Dy firrinagh firrinagh ta mee gra riu, Cha vel y charvaant ny syrjey na e hiarn, ny eshyn t’er ny choyrt, ny syrjey na eshyn ren y choyrt eh.

Noo Ean 13:38

Dreggyr Yeesey eh, Jean oo scarrey rish dty vioys er my ghraih’s? Dy firrinagh firrinagh ta mee gra rhyt, Nagh jean y kellagh gerrym, derrey obbys oo mish three keayrtyn.

Noo Ean 14:12

Dy firrinagh firrinagh ta mee gra riu, Eshyn ta credjal aynym’s ny obbraghyn ta mish dy yannoo nee eshyn myrgeddin, as obbraghyn smoo na ad shoh nee eh; er‐y‐fa dy vel mish goll royms gys my Ayr.

Noo Ean 16:20

Dy firrinagh firrinagh ta mee gra riu, Dy jean shiuish keayney as dobberan, agh nee yn seihll boggey y ghoaill: as bee shiuish trimshagh, agh bee yn trimshey eu er ny hyndaa gys boggey.

Noo Ean 16:23

As ayns y laa shen cha jean shiu nhee erbee y ênaght jeem’s: Dy firrinagh firrinagh ta mee gra riu, Cre‐erbee hirrys shiu er yn Ayr ayns yn ennym aym’s, ver eh diu eh.

Noo Ean 21:18

Dy firrinagh firrinagh ta mee gra rhyt, Tra v’ou aeg ren oo oo‐hene y chryssey, as jimmee oo raad erbee dy bailt: agh tra vees oo shenn, sheeynee oo magh dty laueyn, as nee fer elley oo y chryssey, as v’er eh lesh oo raad nagh nailt.

Noo Ean 3:11

Dy firrinagh firrinagh ta mee gra rhyt, ta shin loayrt shen ta fys ain er, as gymmyrkey feanish jeh ny ta shin er vakin; as cha vel shiu soiaghey jeh’n eanish ain.

Noo Ean 3:3

Dreggyr Yeesey as dooyrt eh rish, Dy firrinagh firrinagh ta mee gra rhyt, Mannagh bee dooinney er ny ruggey reesht, cha vod eh reeriaght Yee y akin.

Noo Ean 3:5

Dreggyr Yeesey, Dy firrinagh firrinagh ta mee gra rhyt, Mannagh bee dooinney er ny ruggey jeh ushtey as jeh’n spyrryd, cha vod eh goll stiagh ayns reeriaght Yee.

Noo Ean 5:19

Eisht dreggyr Yeesey, as dooyrt eh roo, Dy firrinagh firrinagh ta mee gra riu, Cha vod y Mac nhee erbee y yannoo jeh hene, agh ny t’eh fakin yn Ayr dy yannoo: son cre‐erbee t’eshyn dy yannoo, ta’n Mac jannoo myrgeddin.

Noo Ean 6:26

Dreggyr Yeesey ad, as dooyrt eh, Dy firrinagh firrinagh ta mee gra riu, Ta shiu dy my hirrey’s, cha nee er‐yn‐oyr dy vaik shiu ny mirrilyn, agh son dy d’ee shiu jeh ny bwilleenyn, as dy row shiu jeant magh.

Noo Ean 6:32

Eisht dooyrt Yeesey roo, Dy firrinagh firrinagh ta mee gra riu, Cha dug Moses diu yn arran shen veih niau, agh my Ayr ta coyrt diu yn arran firrinagh veih niau.

Noo Ean 6:47

Dy firrinagh firrinagh ta mee gra riu, Eshyn ta credjal aynyms ta’n vea ta dy bragh farraghtyn echey.

Noo Ean 6:53

Eisht dooyrt Yeesey roo, Dy firrinagh‐focklagh ta mee gra riu, Mannagh jean shiu feill yn Mac dooinney y ee, as e uill y iu, cha vel y vea eu ayndiu.

Noo Ean 8:34

Dreggyr Yeesey ad, Dy firrinagh‐focklagh ta mee gra riu, Quoi‐erbee ta cur‐rish peccah, t’eh ayns bondiaght peccah.

Noo Ean 8:51

Dy firrinagh‐focklagh ta mee gra riu, My ta dooinney freayll my raa’s, cha vaik eh yn baase dy bragh beayn.

Noo Ean 8:58

Dooyrt Yeesey roo, Dy firrinagh firrinagh ta mee gra riu, Roish my row Abraham, Ta mish.

1 Peddyr 1:25

Agh ta goo Yee tannaghtyn son dy bragh. As shoh’n goo t’er ny phreacheil diu liorish y sushtal.

Ashlish 20:11

As honnick mee stoyl‐reeoil mooar gial, as eshyn va ny hoie er, veih e enish ren niau as thalloo chea ersooyl, as cha row ynnyd ry‐gheddyn er nyn son.