Noo Mian 5:16 - Yn Conaant Noa 1810

¹⁶ Lhig da’n soilshey euish myr shen soilshean fenish deiney, dy vod ad fakin ny obbraghyn mie eu, as gloyr y choyrt da nyn ayr t’ayns niau.

Yn Vible Casherick 1775 1819

¹⁶ Lhig da’n soilshey euish myr shen soilshean fenish deiney, dy vod ad fakin ny obbraghyn mie eu, as gloyr y choyrt da nyn ayr t’ayns niau.

Noo Mian 1748

¹⁶ Lig da’n soilshey eauish myr shen soilshagh kiongoyrt rish deney, dy vod ad fakin ny obbraghyn mie eu, as gloyr y choyrt da nyn ayr t’ayns niau.

Noo Mian 5:16 ပူးပေါင်းရင်းမြစ်များ

Noo Mian 23:5

Agh ooilley nyn obbraghyn t’ad dy yannoo dy ve cronnit liorish deiney: t’ad jannoo lhean ny phylactereeyn oc, as ceau chem‐mallyn mooarey er nyn gharmadyn,

Noo Mian 23:9

As ny enmys‐jee dooinney erbee ny mast’ eu, Yn ayr; son ta un er ynrycan nyn Ayr, eer eh t’ayns niau.

Noo Mian 5:45

Dy vod shiu ve cloan nyn Ayr t’ayns niau, son t’eshyn cur er e ghrian girree er mie as sie, as cur fliaghey neose er y vooinjer chairagh as neu‐chairagh.

Noo Mian 6:16

As tra vees shiu trostey, ny bee‐jee groymagh myr ny crauee‐oalsey, son t’adsyn caghlaa cummey nyn eddin, er‐chee deiney dy chur tastey da’n trostey oc. Ta mee shickyrys diu, dy nee shoh [ooilley] nyn leagh.

Noo Mian 6:9

Shen‐y‐fa er yn aght shoh gow‐jee padjer: Ayr ain t’ayns niau, Casherick dy row dty ennym.

Noo Mian 9:8

Agh tra honnick y pobble shoh, ghow ad yindys, as hug ad moylley da Jee, v’er choyrt lheid y phooar da deiney.

Noo Luke 11:2

As dooyrt eh, Tra ghoys shiu padjer, abbyr‐jee, Ayr ain t’ayns niau, Casherick dy row dty ennym. Dy jig dty reeriaght. Dty aigney dy row jeant er y thalloo, myr te ayns niau.

Noo Ean 15:8

Liorish shoh ta my Ayr er ny ghloyraghey, shiu dy chur magh lane mess, as shoh myr vees shiu ny ynseydee aym’s.

Jannoo 9:36

Nish va ec Joppa ben dy row jeh’n chredjue, yiarragh ad Tabitha r’ee, er aght elley Dorcas: va’n ven shoh berchagh ayns obbraghyn mie as giastyllys gys ny boghtyn.

1 Corinthianee 14:25

As myr shoh ta folliaghtyn e chree er ny hoilshaghey; as myr shen, tuittym sheese er e eddin, ver eh ooashley da Jee, as nee eh fockley magh dy vel Jee dy firrinagh nyn mast’ eu.

2 Corinthianee 9:13

Tra liorish cowrey’n ghiastyllys shoh t’ad gloyraghey Jee son y viallys foshlit euish gys sushtal Chreest, as son y toyrtys feoilt eu daue hene, as da dy chooilley ghooinney)

Galatianee 1:24

As ren ad Jee y ghloyragh‐ch er my lieh.

Ephesianee 2:10

Son ta shin yn obbyr echeysyn, er nyn groo ayns Creest Yeesey gys obbraghyn mie, ta Jee er n’oardaghey ro‐laue dy jinnagh shin gimmeeaght ayndoo.

Ephesianee 5:8

Son va shiu keayrt dy row dorraghys, agh nish ta shiu soilshey ayns y Chiarn: immee‐jee myr cloan y toilshey;

1 Thessalonianee 2:12

Dy jinnagh shiu gymmyrkey shiu hene feeu jeh Jee, t’er n’eamagh erriu gys e reeriaght as e ghloyr.

1 Timothy 2:10

Agh (shen ta cheet jesh da mraane ta goaill‐rish craueeaght) lesh obbraghyn mie.

1 Timothy 5:10

Ayns goo mie son obbraghyn mie; my t’ee er hroggal cloan, my t’ee er chur aaght da joarreeyn, my t’ee er niee cassyn ny nooghyn, my t’ee er chooney lhieusyn va seaghnit, my t’ee er eiyrt dy imneagh da dy chooilley obbyr vie.

1 Timothy 5:25

Myr shen myrgeddin ta obbraghyn mie paart soilshit ro‐laue; as adsyn ta er aght elley, cha vod ad ve keillit.

1 Timothy 6:18

Dy jean ad mie, dy bee ad berchagh ayns obbraghyn mie, aignagh dy rheynn, arryltagh dy choyrt da ny boghtyn;

Titus 2:14

Hug eh hene er nyn son, dy voddagh eh shin y eaysley veih dy chooilley vee‐chraueeaght, as casherickey da hene pobble reiht, jeean ayns obbraghyn mie.

Titus 2:7

Ayns dy chooilley nhee jeeaghyn oo hene sampleyr dy obbraghyn mie: ayns ynsagh soilshaghey magh firrinys y chredjue, craueeaght, ynrickys,

Titus 3:14

As lhig d’an vooinjer ainyn myrgeddin gynsaghey dy choyrt rish obbraghyn mie son ymmydyn ymmyrchagh, nagh bee ad neu‐vessoil.

Titus 3:4

Agh erreish da kenjallys as graih Yee nyn Saualtagh gys deiney v’er ny hoilshaghey,

Hebrewnee 10:24

As lhig dooin smooinaghtyn dy dowin ry‐cheilley, dy ghreinnaghey gys graih, as gys obbraghyn mie:

1 Peddyr 2:12

Leeideil nyn mea dy onneragh mastey ny Ashoonee; son wheesh as dy vel ad loayrt noi eu myr drogh‐yantee, dy vod ad liorish ny obbraghyn mie eu ver ad my‐ner, Jee y ghloyraghey ayns laa yn chooilleen.

1 Peddyr 2:9

Agh ta shiuish sheeloghe reiht, saggyrtys reeoil, ashoon casherick, pobble cosnit; dy jinnagh shiu soilshaghey magh yn moylley echeysyn t’er n’eamagh shiu ass y dorraghys gys e hoilshey mirrilagh:

1 Peddyr 3:1

Myrgeddin, shiuish vraane‐poost, bee‐jee ayns biallys da ny sheshaghyn eu; my ta veg jeusyn nagh vel biallagh da’n goo, dy vod ad myrgeddin fegooish y goo ve er ny chosney liorish ymmyrkey‐bea ny mraane.

1 Peddyr 3:16

Freayll cooinsheanse vie; son wheesh as dy vel ad goltooaney shiuish myr drogh‐yantee, dy vod ad nearey ’ghoaill ta cassid dy foalsey yn ymmyrkey‐bea vie eu ayns Creest.

1 Peddyr 4:11

My ta dooinney erbee loayrt, lhig da loayrt cordail rish goo Yee; my ta dooinney erbee shirveish, lhig da shen y yannoo cordail rish y phooar ta Jee dy choyrt da: dy vod Jee ayns dy chooilley nhee ve er ny ghloyraghey, trooid Yeesey Creest; dasyn dy row moylley as reill son dy bragh dy bragh. Amen.

1 Peddyr 4:14

My ta shiu oltooanit er coontey ennym Chreest, s’maynrey ta shiu; son ta’n spyrryd dy ghloyr, as dy Yee tannaghtyn erriu: er yn ayrn ocsyn t’eh oltooanit, agh er yn ayrn euish t’eh er ny ghloyraghey.