Noo Mian 5:14 - Yn Conaant Noa 1810

¹⁴ Shiuish soilshey yn theihll. Cha vod ard‐valley ta soit er cronk ve follit.

Yn Vible Casherick 1775 1819

¹⁴ Shiuish soilshey yn theihll. Cha vod ard-valley ta soit er cronk ve follit.

Noo Mian 1748

¹⁴ Shiuish soilshey’n teihll. Ta ard‐valley ta soit er cronck feer chronnal.

Noo Mian 5:14 ပူးပေါင်းရင်းမြစ်များ

Noo Ean 12:36

Choud as ta soilshey eu, cred‐jee ayns y toilshey, dy vod shiu ve nyn gloan jeh’n toilshey. Ny goan shoh loayr Yeesey, as jimmee eh roish, as dollee eh eh‐hene voue.

Noo Ean 5:35

V’eshyn ny hoilshey gial as sollys: as va shiu booiagh son earish boggey ’ghoaill ayns y soilshey echey.

Noo Ean 8:12

Eisht loayr Yeesey roo reesht, gra, Mish soilshey yn theihll: eshyn ta geiyrt orrym’s, cha shooyllee eh ayns y dorraghys, agh bee echeysyn soilshey yn vea.

Noo Ean 9:5

Choud as ta mee ayns y theihll, mee soilshey yn theihll.

2 Corinthianee 6:14

Ny bee‐jee dy neu‐chorrym sniemmit cooidjagh marish ny mee‐chredjuee: son cre’n sheshaght t’ec cairys rish mee‐chairys? ny cre’n chommeeeys t’ec soilshey rish dorraghys?

Philippianee 2:15

Dy vod shiu ve gyn loght as ôney, cloan dy Yee, fegooish oghsan ayns mean sheeloghe camlaagagh as roonagh, ny vud oc ta shiu lossey myr soilshaghyn ’sy theihll:

1 Thessalonianee 5:5

Ta shiuish ooilley cloan y toilshey, as cloan y laa: cha vel shinyn jeh’n oie, ny jeh’n dorraghys.

Ashlish 1:20

Folliaght ny shiaght rollageyn honnick oo ayns my laue‐yesh, as ny shiaght cainleyryn dy airh. Ta ny shiaght rollageyn ainleyn ny shiaght kialteenyn: as ny shiaght cainleyryn honnick oo, t’ad ny shiaght kialteenyn.

Ashlish 2:5

Cooinee er‐y‐fa shen cre voish t’ou er duittym, as gow arrys, as jean dty chied obbraghyn; er‐nonney higym hood dy tappee, as scugh‐ym dty chainleyr ass e ynnyd, mannagh gow arrys.