Noo Mian 5:10 - Yn Conaant Noa 1810

¹⁰ Bannit t’adsyn ta surranse tranlaase er graih cairys: son lhieusyn reeriaght niau.

Yn Vible Casherick 1775 1819

¹⁰ Bannit t’adsyn ta surranse tranlaase er graih cairys: son lhieusyn reeriaght niau.

Noo Mian 1748

¹⁰ Bannit tar adsyn ta surranse tranlaase er graih cairys: Son lieusyn reeriaght Niau.

Noo Mian 5:10 ပူးပေါင်းရင်းမြစ်များ

Noo Mian 10:23

Agh tra nee ad tranlaase erriu ayns un ard‐valley, cosne‐jee reue gys ard‐valley elley son ta mee shickyrys diu, nagh bee shiu er n’gholl harrish ard‐valjyn Israel, derrey vees Mac y dooinney er jeet.

Noo Mian 19:14

Agh dooyrt Yeesey, Sur‐jee cloan aegey, as ny jean‐jee ad y lhiettal dy heet hym’s: son jeh nyn lheid ta reeriaght niau.

Noo Mian 25:34

Eisht jir y ree roosyn er e laue‐yesh, Tar‐jee chloan vannit my Ayrey, gow‐jee eiraght ’sy reeriaght ta kiarit diu er‐dy hoshiaght y theihll.

Noo Mian 5:3

Bannit t’adsyn ta imlee ayns spyrryd: son lhieusyn reeriaght niau.

Noo Mark 10:14

Agh tra honnick Yeesey eh, v’eh feer jymmoosagh, as dooyrt eh roo, Sur‐jee cloan aegey dy heet hym’s, as ny jean‐jee ad y lhiettal: son jeh nyn lheid ta reeriaght Yee.

Noo Mark 10:30

Nagh vow keead‐filley nish ayns y traa shoh, thieyn, as braaraghyn, as shayraghyn, as moiraghyn, as cloan, as thalloo, lesh seaghyn; as ayns y theihll ta ry heet yn vea veayn.

Noo Luke 21:12

Agh roish ooilley shoh, gowee ad shiu, as nee ad tranlaase erriu, as livrey‐ee ad shiu seose gys quaiylyn, as gys pryssoonyn, as bee shiu er nyn goyrt fenish reeaghyn as fir‐reill er coontey yn ennym aym’s.

Noo Luke 22:29

As ta mee pointeil diu reeriaght, myr ta my Ayr er phointeil dooys.

Noo Luke 6:20

As hrog eh seose e hooillyn er e eiyrtee, as dooyrt eh, Bannit ta shiuish voghtyn: son lhieuish reeriaght Yee.

Noo Luke 6:22

Bannit ta shiuish, tra ta deiney cur feoh diu, as tra nee ad nyn scarrey shiu voue, as nyn oltooaney shiu, as nyn ennym y ghiarey magh myr olk, er coontey Mac y dooinney.

Noo Ean 15:20

Cooinee‐jee er y raa loayr mish riu, Cha vel y charvaant ny syrjey na e hiarn. My t’ad er n’yannoo tranlaase orrym’s, nee ad myrgeddin tranlaase erriuish: my t’ad er vreayll my ghoan’s, freillee ad ny goan euish myrgeddin.

Jannoo 5:40

As da’n choyrle echeysyn hug ad geill: as tra v’ad er n’eamagh er ny ostyllyn as er smaghtaghey ad, hug ad currym orroo gyn ad dy loayrt ayns ennym Yeesey, as lhig ad y raad daue.

Jannoo 8:1

As va aigney Saul lhieu ayns y choyrt eh gy‐baase. As ec y traa shen va tranlaase er ny yannoo er yn agglish va ec Jerusalem; as va’d ooilley er nyn skeayley magh trooid cheeraghyn Yudea as Samaria, cheu‐mooie jeh ny ostyllyn.

2 Corinthianee 4:17

Son ta’n seaghyn eddrym ain, nagh vel agh son shallid, gobbraghey nyn gour towse erskyn earroo foddey smoo as dy bragh farraghtyn dy ghloyr;

Philippianee 1:28

As gyn ve agglit ayns nhee erbee liorish nyn noidyn: yn chooid cheddin ta dauesyn cowrey cronnal dy hoyrt‐mow, agh diuish dy haualtys, as shen veih Jee.

2 Timothy 2:12

My ta shin surranse, nee mayd myrgeddin reill mârish: my ta shin dy obbal eh, nee eshyn myrgeddin shinyn y obbal.

2 Timothy 3:11

Yn tranlaase, as y seaghyn haink orrym ec Antioch, ec Iconium, ec Lystra: cre’n tranlaase hie mee ny hrooid; agh assdoo ooilley ren y Chiarn my livrey.

Jamys 1:12

S’maynrey yn dooinney ta gymmyrkey fo seaghyn; son tra vees eh er ny phrowal, yiow eh yn attey dy vea, ta’n Chiarn er ghialdyn dauesyn ta graihagh er.

Jamys 5:11

Cur‐jee my‐ner, ta shin jeeaghyn orroosyn dy ve maynrey ta gymmyrkey seaghyn. Ta shiu er chlashtyn jeh meenid Yob, as cre chiare y Chiarn da ec y jerrey: dy vel y Chiarn feer chymmoil, as jeh myghin veigh.

1 Ean 3:12

Cha nee myr va Cain, va jeh’n drogh‐er shen, as varr e vraar: As cre’n‐fa varr eh eh? Er‐yn‐oyr dy row ny obbraghyn echey hene olk, as obbraghyn e vraarey cairagh.

Ashlish 2:10

Ny gow aggle roish veg jeh ny reddyn shen nee oo surranse: cur‐my‐ner, nee yn drogh‐spyrryd paart eu y hilgey ayns pryssoon, dy vod shiu v’er nyn browal; as bee shiu fo tranlaase jeih laa: bee uss firrinagh gys y vaase, as ver‐yms dhyt attey dy vea.