Noo Mian 4:24 - Yn Conaant Noa 1810

²⁴ As hie goo jeh magh trooid ooilley Syria: as hug ad lhieu huggey ooilley ny aslayntee, fo doghanyn as pianyn, adsyn va seaghnit lesh drogh‐spyrrydyn, sleih ass nyn geeayl, as an‐lheiltee, as ren eh ad y lheihys.

Yn Vible Casherick 1775 1819

²⁴ As hie goo jeh magh trooid ooilley Syria: as hug ad lhieu huggey ooilley ny aslayntee, fo doghanyn as pianyn, adsyn va seaghnit lesh drogh-spyrrydyn, sleih ass nyn geeayl, as an-lheiltee, as ren eh ad y lheihys.

Noo Mian 1748

²⁴ As hie yn ennym echey magh trooid ooilley Syria, as hug ad lieu huggey, ooilley adsyn va fo aslaintyn, adsyn va fo caghlaaghyn dy ghoghanyn as dy gheiaghyn, adsyn va drogh spyrrydyn ayndoo, yn vooinjer va eddrym ayns nyn geeal rish caghlaa ny haist, as adsyn va’n chingys‐craa orroo, as ren e ad y leihys.

Noo Mian 4:24 ပူးပေါင်းရင်းမြစ်များ

Noo Mian 12:22

Eisht hug ad lhieu huggey dooinney seagnit lesh drogh‐spyrryd, doal as balloo: as ren eh eh y lheihys, myr shen dy ren eshyn va doal as balloo chammah loayrt as fakin.

Noo Mian 14:1

Ec y traa shen cheayll Herod yn Tetrarch jeh goo Yeesey,

Noo Mian 15:22

As cur‐my‐ner va ben va ny Canaanite, haink magh ass ny ardjyn shen, geamagh as gra. Jean myghin orrym, O Hiarn, vac Ghavid; s’mooar ta my inneen er ny torchaghey lesh drogh spyrryd.

Noo Mian 17:15

Hiarn, jean chymmey er my vac, son t’eh ass e cheeayl, as dy mooar seaghnit: son te’h dy mennick tuittym ayns yn aile, as dy mennick ayns yn ushtey.

Noo Mian 17:18

As vaggyr Yeesey er y drogh‐spyrryd, as hie eh magh ass: as va’n lhiannoo er ny lheihys veih’n oor shen.

Noo Mian 4:23

As hie Yeesey mygeayrt ooilley Galilee, gynsaghey ayns nyn gialteenyn, as preacheil sushtal y reeriaght, as lheihys dy chooilley hingys, as dy chooilley ghoghan mastey’n pobble.

Noo Mian 8:28

As tra ve’h er jeet gys y cheu elley, gys cheer ny Gergese‐nee, haink daa ghooinney va drogh‐spyrrydyn ayndoo magh ny whail, veih mastey ny hoiaghyn, as cha keoi shen v’ad, nagh by‐lhoys da dooinney erbee goaill yn raad shen.

Noo Mian 8:33

As roie ny bochillyn roue, as haink ad gys yn ard‐valley, as dinsh ad dy chooilley nhee: as mychione ny deiney va seaghnit lesh ny drogh‐spyrrydyn.

Noo Mian 8:6

As gra, Hiarn, ta my ermooinjerey ny lhie ching ec y thie jeh’n chingys‐craaee, ayns stayd feer treih.

Noo Mian 9:26

As hie goo magh jeh shoh trooid ooilley yn cheer.

Noo Mian 9:35

As hie Yeesey mygeayrt ooilley ny ard‐valjyn as ny baljyn‐cheerey oc, gynsaghey ayns ny kialteenyn oc, as preacheil sushtal yn reeriaght, as lheihys dy chooilley hingys, as dy chooilley ghoghan mastey’n pobble.

Noo Mark 1:28

As chelleeragh hie goo jeh magh trooid ooilley yn cheer mygeayrt Galilee.

Noo Mark 1:32

As ayns yn astyr mysh lhïe ny greïney, hug ad lhieu huggey dy chooilley unnane va doghanit, as adsyn va drogh‐spyrrydyn ayndoo.

Noo Mark 2:3

As haink ad huggey, cur lhieu fer va seaghnit lesh y chingys‐craaee, v’er ny hroggal stiagh liorish kiare dy leih.

Noo Mark 2:4

As tra nagh dod ad cheet er‐gerrey da kyndagh rish y chennid, rooisht ad kione y thie raad v’eh: as erreish daue v’er vosley stiagh ny hrooid, lhig ad sheese y lhiabbee ayn va’n palsee‐doghanit ny lhie.

Noo Mark 2:9

Cre sassey dy ghra, rish y palsee‐doghanit, Ta dty pheccaghyn er nyn leih dhyt: ny dy ghra, Irree, as trog seose dty lhiabbee, as jean shooyl.

Noo Luke 2:2

(As va’n recortys shoh jeant, magh roish my va Cyrenius ny chiannoort er Syria)

Noo Luke 4:14

As haink Yeesey reesht ayns pooar y spyrryd gys Galilee: as hie goo magh jeh trooid ooilley yn cheer mygeayrt,

Noo Luke 4:38

As hrog eh magh ass y synagogue, as hie eh stiagh ayns thie Simon: as va moir ben Simon feer ching ayns y chiassaghey; as ren ad aghin huggey er e son.

Noo Luke 5:15

Agh wheesh shen smoo hie goo magh jeh: as haink earrooyn mooarey dy leih cooidjagh dy chlashtyn, as dy ve er nyn lheihys liorish jeh nyn aslayntyn.

Noo Luke 5:24

Agh dy vod fys y ve eu, dy vel pooar ec Mac y dooinney er y thalloo dy leih peccaghyn (dooyrt eh rishyn va ching jeh’n chingys craa‐ee (Ta mee gra rhyt, Irree, as trog seose dty lhiabbee, as gow royd gys dty hie.

Noo Luke 7:17

As hie yn goo shoh magh my‐e chione trooid ooilley Judea, as trooid ooilley yn cheer mygeayrt.

Noo Ean 10:21

Dooyrt feallagh elley, Cha vel ad shoh goan fer ta drogh‐spyrryd ayn: Vod drogh‐spyrryd sooillyn ny doail y osley?

Jannoo 10:38

Kys dy ren Jee Yeesey dy Nazareth y ooillaghey lesh y Spyrryd Noo, as lesh pooar; eh hie mygeayrt jannoo mie; as slaanaghey ooilley adsyn va seaghnit liorish y drogh‐spyrryd: son va Jee mârish.

Jannoo 15:23

As hug ad screeuyn lhieu er yn aght shoh, Ta ny ostyllyn, as y chanstyr, as ny braaraghyn cur bannaght gys ny braaraghyn ta jeh ny Ashoonee ayns Antioch, as Syria as Cilicia.

Jannoo 15:41

As huill eh trooid Syria as Cilicia, niartaghey ny kialteenyn ayns nyn gredjue.

Jannoo 28:9

As erreish da v’er n’yannoo shoh, haink feallagh elley neesht va doghanyn oc ayns yn ellan, as v’ad er nyn lheihys.

Jannoo 8:7

Son va Spyrrydyn neu‐ghlen, geamagh lesh ard‐choraa, cheet magh ass ymmodee va seaghnit lhieu: as va ymmodee va’n palsee orroo, as va baccagh er ny lheihys.