Noo Mian 4:23 - Yn Conaant Noa 1810

²³ As hie Yeesey mygeayrt ooilley Galilee, gynsaghey ayns nyn gialteenyn, as preacheil sushtal y reeriaght, as lheihys dy chooilley hingys, as dy chooilley ghoghan mastey’n pobble.

Yn Vible Casherick 1775 1819

²³ As hie Yeesey mygeayrt ooilley Galilee, gynsaghey ayns nyn gialteenyn, as preacheil sushtal y reeriaght, as lheihys dy chooilley hingys, as dy chooilley ghoghan mastey’n pobble.

Noo Mian 1748

²³ ¶ As hie Yeesey my‐geart ooilley Galilee, gynsaghey ayns ny Kialteenyn oc, as preacheil Sushtal y Reeriaght, as leihys dy chooilley hingys as dy chooilley ghoghan, mastey’n pobble.

Noo Mian 4:23 ပူးပေါင်းရင်းမြစ်များ

Noo Mian 11:5

Ta ny doail geddyn nyn soilshey, as ny croobee shooyll, ny louraanee er nyn ghlenney, ny beuyr clashtyn, ny merriu er nyn mioghey, as yn sushtal er ny phreacheil da ny boghtyn.

Noo Mian 12:9

As tra v’eh er n’gholl veih shen, hie eh stiagh ayns nyn synagogue.

Noo Mian 13:19

Quoi‐erbee ta clashtyn goo yn reeriaght, as nagh vel dy hoiggal eh, ta’n drogh‐er cheet, as tayrtyn lesh shen ny va cuirt ayns e chree: shoh eh ghow yn rass rish oirr y raad.

Noo Mian 13:54

As tra v’eh er jeet gys e heer hene, dynsee eh ad ayns ny synagogueyn oc, ayns wheesh as dy row ad atchimagh, as dy dooyrt ad, Cre voish ta creenaght as mirrillyn y dooinney shoh?

Noo Mian 14:14

As hie Yeesey magh, as honnick eh chaglym mooar dy leih, as v’eh er veiyghey lesh chymmey orroo, as laanee eh adsyn va ching.

Noo Mian 24:14

As bee sushtal yn reeriaght er ny phreacheil ayns ooilley yn seihll, son feanish da dy chooilley ashoon, as eisht nee yn jerrey cheet.

Noo Mian 3:2

As gra, Gow‐jee arrys: son ta reeriaght Yee er‐gerrey.

Noo Mian 9:35

As hie Yeesey mygeayrt ooilley ny ard‐valjyn as ny baljyn‐cheerey oc, gynsaghey ayns ny kialteenyn oc, as preacheil sushtal yn reeriaght, as lheihys dy chooilley hingys, as dy chooilley ghoghan mastey’n pobble.

Noo Mark 1:14

Nish erreish da Ean ve currit ayns pryssoon, haink Yeesey gys Galilee, preacheil sushtal reeriaght Yee.

Noo Mark 1:21

As hie ad stiagh ayns Capernaum, as chelleeragh er laa yn doonaght, hie eh stiagh ayns y synagogue, as dynsee eh.

Noo Mark 1:39

As ren eh preacheil ayns ny synagogueyn oc trooid ooilley Galilee, as chast eh drogh‐spyrrydyn.

Noo Mark 3:10

Son v’eh er laanaghey ymmodee, ayns wheesh as dy row ad chionney stiagh huggey, dy ventyn rish, whilleen as va dourinagh.

Noo Mark 6:2

As tra va’n doonaght er jeet ren eh toshiaght dy ynsaghey ayns y synagogue: as ghow ymmodee jeusyn va dy chlashtyn eh yindys mooar, gra, Cre voish ta ny reddyn shoh ec y dooinney shoh? as cre’n chreenaght shoh te’r ny choyrt da, dy vel lheid ny obbraghyn niartal er nyn obbraghey liorish ny laueyn echey?

Noo Mark 6:6

As ghow eh yindys jeh’n vee‐chredjue oc. As hie eh mygeayrt ny baljyn‐cheerey oc gynsaghey.

Noo Luke 10:9

As slanee‐jee yn sleih chingey t’ayn, as abbyr‐jee roo, Ta reeriaght Yee er jeet er‐gerrey diu.

Noo Luke 13:10

As v’eh gynsaghey ayns unnane jeh ny synagogueyn er y doonaght.

Noo Luke 16:16

Va’n leigh as ny phadeyryn derrey Ean: er‐dyn traa shen, ta reeriaght Yee er ny phreacheil, as ta dy chooilley ghooinney chionney stiagh huggey.

Noo Luke 20:1

As haink eh gy‐kione er unnane jeh ny laghyn shen, myr v’eh gynsaghey yn pobble ayns y chiamble as preacheil y sushtal, dy ren ny ard‐saggyrtyn as ny scrudeyryn soiaghey er, marish y chanstyr,

Noo Luke 4:14

As haink Yeesey reesht ayns pooar y spyrryd gys Galilee: as hie goo magh jeh trooid ooilley yn cheer mygeayrt,

Noo Luke 5:17

As haink eh gy‐kione laa dy row, myr v’eh gynsaghey, dy row Phariseeyn as fir‐ynsee yn leigh nyn soie liorish, v’er jeet magh ass ooilley baljyn Ghalilee, as Judea as Jerusalem: as va pooar y Chiarn feer vreeoil mârish ayns lheihys doghanyn.

Noo Luke 6:17

As haink eh neose mâroo gys y cheer‐rea, as haggil huggey sheshaght e eiyrtee, as earroo mooar dy leih veih ooilley Judea as Jerusalem, as veih ardjyn ny marrey Tyre as Sidon, haink dy eaishtagh rish, as dy ve er nyn lheihys jeh nyn ghoghanyn;

Noo Luke 6:6

As haink er gy‐kione er doonaght elley, dy jagh eh stiagh ayns y synagogue, as dy dynsee eh: as va dooinney ayns shen va’n laue yesh echey er shyrgaghey.

Noo Luke 7:21

As ayns yn oor cheddin v’eh lheihys ymmodee jeh ny aslayntyn as ny doghanyn, as ny drogh‐spyrrydyn oc, as da ymmodee va doal v’eh coyrt soilshey.

Noo Luke 7:22

Eisht dreggyr Yeesey as dooyrt eh roo, Immee‐jee reue, as insh‐jee da Ean cre ny reddyn ta shiu er vakin as er chlashtyn, kys dy vel ny doail geddyn nyn soilshey, ny croobee shooyll, ny louraanee er nyn ghlenney, ny beuyr clashtyn, ny merriu er nyn mioghey, as y sushtal er ny phreacheil da ny boghtyn.

Noo Luke 8:1

As haink eh gy‐kione ny lurg shen, dy jagh eh trooid dy chooilley valley, mooar as beg, preacheil as soilshaghey sushtal gerjoilagh reeriaght Yee: as va’n daa ostyl yeig mârish:

Noo Luke 9:11

As tra hooar y pobble fys er, deiyr ad er: as hug eh oltaghey daue, as loayr eh roo jeh reeriaght Yee, as laanee eh adsyn va feme slaanaghey.

Noo Luke 9:60

Dooyrt Yeesey rish, Lhig da ny merriu nyn merriu y oanluckey; agh gow uss royd as jean reeriaght Yee y phreacheil.

Noo Ean 18:20

Dreggyr Yeesey eh, Loayr mee dy foshlit rish y theihll; dynsee mee kinjagh ayns y cheeill, as ayns y chiamble raad ta ny Hewnyn kinjagh taaghey, as dy follit cha vel mee er ghra nhee erbee.

Noo Ean 6:59

Ny goan shoh loayr eh ayns y synagogue, myr v’eh gynsaghey ayns Capernaum.

Noo Ean 7:1

Ny lurg shoh duirree Yeesey ayns Galilee: son cha row eh booiagh cummal ayns Judea, er‐yn‐oyr dy row ny Hewnyn shirrey eh y varroo.

Jannoo 10:38

Kys dy ren Jee Yeesey dy Nazareth y ooillaghey lesh y Spyrryd Noo, as lesh pooar; eh hie mygeayrt jannoo mie; as slaanaghey ooilley adsyn va seaghnit liorish y drogh‐spyrryd: son va Jee mârish.

Jannoo 18:4

As v’eh resooney ayns y synagogue dy chooilley ghoonaght, as coyrlaghey ny Hewnyn as ny Greekyn.

Jannoo 20:25

As nish cur‐my‐ner, ta fys aym nagh jean shiuish ooilley, nyn mast’ eu ta mee er ve shooyl preacheil reeriaght Yee, my eddin y akin arragh.

Jannoo 28:31

Preacheil daue reeriaght Yee as gynsaghey ny reddyn va bentyn rish y Chiarn Yeesey Creest lesh slane dunnallys, as gyn lhiettal erbee.

Romanee 10:15

As kys nee ad preacheil, mannagh vel ad er nyn goyrt? Myr te scruit, Cre cha aalin ta ny cassyn ocsyn ta preacheil y sushtal dy hee, as cur lhieu naightyn gennal dy nheeghyn mie!