Noo Mian 4:17 - Yn Conaant Noa 1810

¹⁷ Veih yn traa shen ren Yeesey toshiaght dy phreacheil, as dy ghra, Gow‐jee arrys, son ta reeriaght niau er‐gerrey.

Yn Vible Casherick 1775 1819

¹⁷ Veih yn traa shen ren Yeesey toshiaght dy phreacheil, as dy ghra, Gow-jee arrys, son ta reeriaght niau er-gerrey.

Noo Mian 1748

¹⁷ ¶ Veih’n tra shen, ren Yeesey toshiaght dy phreacheil, as dy ghra, Gow‐jee arrys, son ta reeriaght Yee er‐gerrey.

Noo Mian 4:17 ပူးပေါင်းရင်းမြစ်များ

Noo Mian 10:7

As myr vees shiu goll, jean‐jee preacheil, gra, Ta reeriaght niau er‐gerrey.

Noo Mian 11:12

As er‐dy laghyn Ean Bashtey derrey nish, ta sleih chionney stiagh gys reeriaght niau, as t’adsyn ta cheet lesh jeeanid cosney stiagh ayn.

Noo Mian 13:11

Dreggyr eshyn, as dooyrt eh roo, Er‐yn‐oyr dy vel eh er ny choyrt diuish folliaghtyn reeriaght niau y hoiggal, agh dauesyn cha vel eh er ny choyrt.

Noo Mian 13:24

Coraa‐dorraghey elley loayr eh roo, gra, Ta reeriaght niau er ny hoylaghey gys dooinney chuirr rass mie ayns e vagher:

Noo Mian 13:47

Reesht ta reeriaght niau goll‐rish lieen va cuirt ’sy cheayn as haare jeh dy chooilley horch dy eeast.

Noo Mian 13:9

Eshyn ta cleayshyn echey dy chlashtyn, lhig da clashtyn.

Noo Mian 25:1

Eisht bee reeriaght niau er ny hoylaghey gys jeih moidynyn, ghow ny lampyn oc, as hie magh quail y dooinney‐poosee.

Noo Mian 3:2

As gra, Gow‐jee arrys: son ta reeriaght Yee er‐gerrey.

Noo Mian 6:10

Dy jig dty reeriaght. Dty aigney dy row jeant er y thalloo, myr te ayns niau.

Noo Mian 9:13

Agh immee‐jee shiuish, as ynsee‐jee cre ta dy ve toiggit liorish y raa shoh, S’bare lhiam myghin na oural: son cha daink mish dy eamagh er y vooinjer chairagh, agh er peccee gys arrys.

Noo Luke 15:10

Myrgeddin ta mee gra riu, dy vel boggey ayns fenish ainleyn Yee jeh un pheccagh ta goaill arrys.

Noo Luke 15:7

Ta mee gra riu, dy bee boggey myrgeddin ayns niau, jeh un pheccagh ta goaill arrys, ny smoo na jeh kiare‐feed as nuy persoonyn jeig cairagh, nagh vel feme arrys.

Noo Luke 24:47

As arrys as leih peccaghyn dy ve er nyn breacheil ayns yn ennym echey, mastey dy chooilley ashoon, goaill toshiaght ec Jerusalem.

Noo Luke 3:23

As ghow Yeesey eh hene toshiaght dy ve mysh jeih bleeaney as feed dy eash, as (goit dy ve) mac Yoseph, mac Heli,

Noo Luke 5:32

Cha daink mish dy eamagh er yn vooinjer chairagh, agh er peccee gys arrys.

Noo Luke 9:2

As hug eh ad magh dy phreacheil reeriaght Yee, as dy laanaghey sleih chingey.

Jannoo 11:18

Tra cheayll ad shoh, v’ad nyn dhost, as hug ad gloyr da Jee, gra, Eisht ta Jee da ny Ashoonee myrgeddin er ghialdyn arrys gys bea.

Jannoo 17:30

As er earishyn y vee‐hushtey oc, cha ghow Jee kerraghey; agh nish t’eh cur sarey da dy chooilley ghooinney er feai ny cruinney arrys y ghoaill:

Jannoo 2:38

Eisht dooyrt Peddyr roo, Gow‐jee arrys as bee‐jee er nyn mashtey dy chooilley unnane eu ayns ennym Yeesey Creest, son leih peccaghyn, as yiow shiu gioot y Spyrryd Noo.

Jannoo 20:21

Gymmyrkey feanish chammah gys ny Hewnyn as myrgeddin gys ny Ashoonee, mychione arrys gys Jee, as credjue gys nyn Jiarn Yeesey Creest.

Jannoo 26:20

Agh hoilshee mee hoshiaght dauesyn v’ayns Damascus, as ec Jerusalem, as trooid ooilley ardjyn Yudea, as eisht da ny Ashoonee, ad dy ghoaill arrys as dy hyndaa gys Jee, as dy chur rish obbraghyn cooie son arrys.

Jannoo 3:19

Gow‐jee arrys er‐y‐fa shen, as chyndaa‐jee, dy vod shiu v’er nyn ghlenney veih nyn beccaghyn, dy vod earishyn yn ooraghey cheet erriu veih fenish y Chiarn,

Hebrewnee 6:1

Shen‐y‐fa faagail ny chied vanglaneyn jeh ynsagh Chreest, lhig dooin goll er nyn doshiaght gys slane creestiaght, cha nee soiaghey reesht yn undin dy arrys veih obbraghyn marroo, as jeh credjue gys Jee,