Noo Mian 3:7 - Yn Conaant Noa 1810

⁷ Agh tra honnick eh ymmodee jeh ny Phariseeyn as ny Sadduceeyn cheet gys e vashtey, dooyrt eh roo, O shiuish heeloghe ard‐nieughyn, quoi t’er chur raaue diu dy hea veih yn jymmoose ta ry heet?

Yn Vible Casherick 1775 1819

⁷ Agh tra honnick eh ymmodee jeh ny Phariseeyn as ny Sadduceeyn cheet gys e vashtey, dooyrt eh roo, O shiuish heeloghe dy ard-nieughyn, quoi t’er chur raaue diu dy hea veih yn jymmoose ta ry-heet?

Noo Mian 1748

⁷ ¶ Agh tra honnick e ymmodee jeh ny Phariseyn as ny Sadduceyn cheet gys e vashtey, doort e roo, O heeloghe dy ard‐nieughyn, quoi t’er chur raue div, dy hea veih’n chorree ta ry heet?

Noo Mian 3:7 ပူးပေါင်းရင်းမြစ်များ

Noo Mian 12:24

Agh tra cheayll ny Phariseeyn shoh dooyrt ad, Cha vel eh shoh castey drogh‐spyrrydyn, agh liorish Beelzebub prince ny drogh‐spyrrydyn.

Noo Mian 12:34

O shiuish heeloghe dy ard‐nieughyn, kys oddys shiuish ta olk shiu hene, reddyn mie y loayrt? son ass laanid y chree ta’n beeal loayrt.

Noo Mian 15:12

Eisht haink e ostyllyn huggey, as dooyrt ad rish, Vel fys ayd dy row ny Phariseeyn jymmoosagh, tra cheayll ad y raa shoh?

Noo Mian 16:1

As haink ny Phariseeyn as ny Sadduceeyn dy phrowal eh, as hir ad er eh dy yeeaghyn cowrey ennagh daue veih niau.

Noo Mian 16:6

Eisht dooyrt Yeesey roo, Gow‐jee twoaie, as bee‐jee er nyn arrey noi soorid ny Phariseeyn as ny Sadduceeyn.

Noo Mian 22:15

Eisht hie ny Phariseeyn, as hug ad nyn goyrle dy cheilley, kys dy ghoaill vondeish er ayns e ghoan.

Noo Mian 22:23

Yn laa cheddin haink huggey ny Sadduceeyn, ta gra, Nagh vel irree‐seose‐reesht veih ny merriu dy ve ayn as dênee ad jeh,

Noo Mian 22:34

Agh tra va ny Phariseeyn er chlashtyn dy row eh er chur ny Sadduceeyn nyn dhost, v’ad er nyn jaglym cooidjagh.

Noo Mian 23:33

Shiuish ard‐nieughyn, sheeloghe dy ard‐nieughyn, kys oddys shiu kerraghey niurin y scapail?

Noo Mian 5:20

Son ta mee gra riu, Mannagh bee yn ynrickys euish erskyn ynrickys ny Scrudeyryn as ny Phariseeyn, cha vod shiu er aght erbee goll stiagh ayns reeriaght niau.

Noo Mark 12:13

As hug ad huggey shiartanse jeh ny Phariseeyn, as ny Herodianee, dy ghoaill vondeish jeh ayns e ghoan.

Noo Mark 12:18

Eisht haink huggey ny Sadduceeyn, ta gra nagh vel irree‐seose‐reesht dy ve ayn; as dênee ad jeh, gra,

Noo Mark 8:15

As hug eh currym orroo, gra, Bee‐jee er nyn arrey, cur‐jee twoaie jeh soorid ny Phariseeyn, as jeh soorid Herod.

Noo Luke 16:14

As cheayll ny Phariseeyn myrgeddin va sayntoilagh, ooilley ny reddyn shoh: as ren ad gannidys er.

Noo Luke 18:11

Hass y Pharisee as ghow eh padjer myr shoh rish hene, Yee, ta mee cur booise dhyt, nagh vel mish myr deiney elley, tranlaasee, neu‐chairagh, brishey‐poosey, ny foast myr y publican shoh.

Noo Luke 7:30

Agh ren ny Phariseeyn as fir‐ynsee yn leigh soiaghey beg jeh coyrle Yee nyn ’oï oc hene, as cha row ad er nyn mashtey liorish.

Noo Ean 1:24

As v’adsyn v’er nyn goyrt, jeh ny Phariseeyn.

Noo Ean 8:44

Ta shiuish jeh’n ayr eu yn drogh‐spyrryd, as saynt nyn ayrey, ver shiu rish: v’eshyn ny ghunver er‐dyn toshiaght, as cha ren eh tannaghtyn ’syn ynrickys, son nagh vel yn irriney ayn. Tra t’eh loayrt breg, t’eh loayrt jeh e chooid hene: son t’eh ny vreagerey, as ayr ny breagey.

Noo Ean 9:40

As cheayll paart jeh ny Phariseeyn va mârish ny goan shoh as dooyrt ad rish, Vel shinyn doal neesht?

Jannoo 15:5

As hrog seose shiartanse jeh ny Phariseeyn v’er jyndaa gys y chredjue, as dooyrt ad, Dy row eh ymmyrchagh ad y ghiarey‐chymmylt, as ad ve sarit dy reayll leigh Voses.

Jannoo 20:31

Bee‐jee er‐y‐fa shen er nyn arrey, as cooinee‐jee rish three bleeaney dy vel mee er ve kinjagh oie as laa cur raaue da dy chooilley unnane eu lesh jeïr.

Jannoo 26:5

Bione daue mee er‐dyn toshiaght (my yinnagh ad feanish y ymmyrkey) lurg yn aght schenney jeh’n chredjue ain, dy ren mee beaghey my Pharisee.

Jannoo 5:17

Eisht dirree yn ard‐saggyrt as ooilley ny va mârish (v’ad jeh credjue ny Sadduceeyn) as v’ad lane dy yymmoose,

Romanee 1:18

Son ta jymmoose Yee er ny hoilshaghey veih niau noi dy chooilley vee‐chraueeaght, as neu‐ynrickys ayns neu‐ynrickys.

Romanee 5:9

Foddey smoo eisht, myr ta shin nish er nyn seyrey liorish e uill, bee mayd er nyn sauail voish jymmoose ny hrooidsyn.

1 Thessalonianee 1:10

As dy arkiagh son e Vac veih niau, t’eh er hroggal veih ny merriu, dy jarroo Yeesey t’er nyn livrey veih’n chorree ta dy heet.

Hebrewnee 11:7

Liorish credjue, Noah, myr va raaue er ny choyrt da liorish Jee mychione reddyn nagh row foast ry‐akin, greinnit lesh aggle, ren eh arg y hroggal dy hauail e lught‐thie: liorish shoh ren eh yn seihll y gheyrey, as haink eh dy ve eirey jeh’n chairys shen ta liorish credjue.

Hebrewnee 6:18

Liorish daa red gyn‐caghlaa, ayndoo ve neu‐phossible da Jee dy volley, dy voddagh gerjagh niartal ’ve ainyn, ta er roie son kymmyrk dy ghoaill greme er y treishteil soit kiongoyrt rooin:

1 Ean 3:10

Liorish shoh ta cloan Yee er nyn gronnaghey voish cloan y drogh‐spyrryd: Quoi‐erbee nagh vel jannoo cairys, cha vel eh jeh Jee, ny foast eshyn nagh nhynney lesh e vraar.