Noo Mian 3:17 - Yn Conaant Noa 1810

¹⁷ As cur‐my‐ner, coraa veih niau gra, Shoh my vac ennoil, jeh ta mee dy mooar soiaghey.

Yn Vible Casherick 1775 1819

¹⁷ As cur-my-ner, coraa veih niau, gra, Shoh my vac ennoil, jeh ta mee dy mooar soiaghey.

Noo Mian 1748

¹⁷ As cur‐my‐ner, coraa veih Niau, gra, Shoh my Vac graihagh, jeh ta mee dy moar soiaghey.

Noo Mian 3:17 ပူးပေါင်းရင်းမြစ်များ

Noo Mian 12:18

Cur‐my‐ner, my hirveishagh hene ta mee er reih, my er‐graihagh hene, eer taitnys my anmey: ver‐yms yn spyrryd aym’s ersyn, as soilshee eh briwnys da ny Ashoonee.

Noo Mian 17:5

Choud as v’eh foast loayrt, ren bodjal sollys skeayley harrystoo: as cur‐my‐ner haink coraa ass y vodjal, gra, Shoh my vac ennoil, ayn ta mee goaill slane taitnys, eaisht‐jee rishyn.

Noo Mark 1:11

As haink coraa veih niau, gra, Oo my vac ennoil, jeed ta mee dy mooar soiaghey.

Noo Mark 9:7

As ren bodjal scadoo y hilgey harrystoo: as haink coraa ass y vodjal, gra, Shoh my vac ennoil; eaisht‐jee rish.

Noo Luke 3:22

As haink y Spyrryd Noo neose er, myr ayns cummey dooghyssagh calmane, as haink coraa veih niau, gra, Oo my vac ennoil, jeed ta mee dy mooar soiaghey.

Noo Luke 9:35

As haink coraa ass y vodjal, gra, Shoh my vac graihagh eaisht‐jee rishyn.

Noo Ean 5:20

Son ta’n Ayr graihagh er y Mac, as t’eh soilshaghey da dy chooilley nhee t’eh hene dy yannoo: as soilshee eh da obbraghyn smoo na ad shoh, dy vod shiu yindys y ghoaill.

Noo Ean 5:37

As ta’n Ayr hene t’er my choyrt, er n’ymmyrkey feanish jee’m. Cha vel shiuish er chlashtyn e choraa ec traa erbee, ny er vakin e chaslys.

Ephesianee 1:6

Gys moylley gloyr e ghrayse, liorish t’eh er n’yannoo soiagh j’in ayns e er‐graihagh:

Colossianee 1:13

Ta er livrey shin veih pooar y dorraghys, as er hoiaghey shin ayns reeriaght e Vac graihagh hene:

2 Peddyr 1:17

Son hooar eh veih Jee yn Ayr, onnor as gloyr, tra haink lheid y coraa huggeysyn veih’n ashlish ghloyroil, Shoh my Vac graihagh, jeh ta mee dy mooar soiaghey.

1 Ean 5:9

My ta shin goaill feanish gheiney, ta feanish Yee ny s’troshey: son shoh feanish Yee, t’eh er n’ymmyrkey jeh e Vac.

Ashlish 14:2

As cheayll mee coraa veih niau, myr sheean ymmodee ushtaghyn, as myr feiyr taarnagh mooar: as cheayll mee kiaull claaseydeyryn cloie er nyn glaasaghyn: