Noo Mian 3:11 - Yn Conaant Noa 1810

¹¹ Ta mish dy jarroo bashtey shiu lesh ushtey gys arrys: agh t’eshyn ta cheet my‐yeï ny s’pooaral na mish, ny braggyn echey cha vel mee feeu dy ymmyrkey: bashtee eshyn shiu lesh y Spyrryd Noo as lesh aile.

Yn Vible Casherick 1775 1819

¹¹ Ta mish dy jarroo bashtey shiu lesh ushtey gys arrys: agh t’eshyn ta cheet my yeï ny s’pooaral na mish, ny braagyn echey cha vel mee feeu dy ymmyrkey: bashtee eshyn shiu lesh y Spyrryd Noo as lesh aile.

Noo Mian 1748

¹¹ Ta mish dy jarroo dyn mashtey shiu lesh ushtey gys arrys; agh ta eshyn ta cheet my yei, ny spooaral ny mish, ny Braagyn echey cha vel mee feeu dy ymmyrkey: Bashtee eshyn shiu lesh y spyrryd Noo as lesh aile.

Noo Mian 3:11 ပူးပေါင်းရင်းမြစ်များ

Noo Mian 3:6

As goaill‐rish ny beccaghyn v’ad er nyn mashtey liorish ayns Jordan.

Noo Mark 1:4

Ren Ean bashtey ayns yn aasagh, as preacheil bashtey arrys, son leih peccaghyn.

Noo Luke 1:17

As hed eh roishyn ayns spyrryd as pooar Elias, dy hyndaa creeaghyn ny ayraghyn gys y chloan, as ny mee‐viallee gys creenaght yn vooinjer chairal, dy yannoo aarloo pobble kiarit son y Chiarn.

Noo Luke 3:16

Dreggyr Ean as dooyrt eh roo ooilley, Ta mish dy jarroo bashtey shiu lesh ushtey; agh ta fer s’pooaral na mish cheet, kiangley ny braagyn echey cha vel mee feeu dy eaysley: nee eshyn shiu y vashtey lesh y Spyrryd Noo, as lesh aile.

Noo Luke 3:3

As haink eh gys ooilley yn cheer mygeayrt Jordan, preacheil bashtey arrys son leih peccaghyn.

Noo Ean 1:15

(Dymmyrk Ean feanish jeh, as deïe eh, gra, Shoh eh jeh ren mish loayrt, T’eshyn ta cheet my yeï er ny hoiaghey roym; son v’eh roym).

Noo Ean 1:30

Shoh eshyn mychione dooyrt mee, My yeï ta dooinney cheet, t’er ny hoiaghey roym; son v’eh roym.

Jannoo 1:5

Son ren Ean dy firrinagh bashtey lesh ushtey; agh bee shiuish ayns traa gerrit er nyn mashtey lesh y Spyrryd Noo.

Jannoo 19:4

Eisht dooyrt Paul, Ren Ean dy firrinagh shirveish yn bashtey dy arrys, coyrlaghey yn pobble, Ad dy chredjal aynsyn harragh ny yeï, ta shen, ayns Creest Yeesey.

Jannoo 8:36

As myr v’ad goll er y raad, haink ad gys ushtey dy row: as dooyrt yn eunuch, Jeeagh, shoh ushtey; cre ta dy my lhiettal’s dy ve bashtit?

Jannoo 8:38

As doardee eh da’n ainagh shassoo: as hie ad ny neesht sheese ayns yn ushtey, chammah Philip as yn eunuch; as vasht eh eh.

1 Corinthianee 12:13

Son liorish un Spyrryd ta shin ooilley er nyn mashtey ayns un chorp, edyr shin ve Hewnyn ny Ashoonyn‐quaagh: edyr shin ve kianlt ny seyr: as ta shin ooilley er n’iu ayns yn un Spyrryd.

Ephesianee 3:8

Dooys, ta’n fer sloo jeh ooilley ny nooghyn, ta’n ghrayse shoh er ny choyrt, dy beïgns dy phreacheil mastey ny Ashoonyn‐quaagh berchys Chreest nagh vod ve ronsit magh;

Titus 3:5

Cha nee liorish obbraghyn dy chairys, ta shin er n’yannoo, agh cordail rish e vyghin t’eh er hauail shin liorish niee yn aa‐ghiennaghtyn [ayns bashtey], as jannoo shin ass‐y‐noa liorish y Spyrryd Noo;

1 Peddyr 5:5

Myrgeddin shiuish sleih aegey bee‐jee arrymagh da’n chenndeeaght: dy jarroo bee‐jee ooilley ayns biallys yn derrey yeh gys y jeh elley, as bee‐jee coamrit lesh injillid aigney: son ta Jee soiaghey eh hene noi’n vooinjer voyrnagh, as t’eh coyrt grayse dauesyn ta imlee.