Noo Mian 27:63 - Yn Conaant Noa 1810

⁶³ Gra, Vainshter, ta cooinaghtyn ain dy dooyrt yn molteyr shen, choud as v’eh foast bio, Lurg three laa neem’s girree reesht.

Yn Vible Casherick 1775 1819

⁶³ Gra, Vainshter, ta cooinaghtyn ain dy dooyrt yn molteyr shen, choud as v’eh foast bio, Lurg three laa neem’s girree reesht.

Noo Mian 1748

⁶³ Gra, Vainshter, ta cooinaghtyn ain dy doort yn moaltere shen, choud as ve foast bio, Lurg three laa neems girree reesht.

Noo Mian 27:63 ပူးပေါင်းရင်းမြစ်များ

Noo Mian 16:21

Veih yn traa shen magh ren Yeesey toshaight dy hoilshaghey da e ostyllyn, kys dy beign da goll seose gys Jerusalem, as goll fo mooraane surranse veih’n chanstyr, as ny ard‐saggyrtyn, as ny scrudeyryn, as dy beagh eh er ny choyrt gy‐baase, agh dy n’irragh eh reesht er y trass laa.

Noo Mian 17:23

As ver ad eh gy baase, as y trass laa nee eh girree reesht: as v’ad feer trimshagh.

Noo Mian 20:19

As livreyree ad seose eh gys ny Ashoonee, as nee ad faghid er, as eh y scuitchal, as y chrossey: as er y trass laa nee eh girree reesht [veih ny merriu]

Noo Mian 26:61

As dooyrt ad, T’eh shoh er ghra, Ta’n phooar aym’s dy lhieggal chiamble Yee, as dy hroggal eh reesht ayns three laa.

Noo Mian 27:64

Cur sarey er‐y‐fa shen yn oaie dy ve jeant shickyr, derrey yn trass laa, er‐aggle dy jig e ostyllyn ayns yn oie, as dy geid ad eh ersooyl, as dy jir ad rish yn pobble, T’eh er n’irree veih ny merriu: myr shen bee yn molteyrys s’jerree ny smessey n’an chied volteyrys.

Noo Mian 28:6

Cha vel eh ayns shoh, son t’eh er n’irree, myr dooyrt eh hene: tar‐jee, jeeagh‐jee er yn ynnyd raad va’n Chiarn oanluckit.

Noo Mark 10:34

As craidee ad mysh, as cus‐tee ad eh, as tilgee ad shellaghyn er, as marree ad eh: as y trass laa nee eh girree reesht.

Noo Mark 8:31

As ren eh toshiaght dy hoilshaghey daue, dy row yn Mac dooinney dy hurranse ymmodee reddyn, as dy ve mee‐lowit liorish y chanstyr, as ny ard‐saggyrtyn as ny scrudeyryn, as dy ve er ny choyrt gy baase, as er y trass laa dy irree reesht.

Noo Mark 9:31

Son dynsee eh e ostyllyn, as dooyrt eh roo, Ta Mac y dooinney dy ve livreit gys laueyn deiney, as marree ad eh, as erreish da v’er ny varroo, nee eh girree reesht yn trass laa.

Noo Luke 18:31

Eisht ghow eh huggey yn daa ostyl yeig, as dooyrt eh roo, Cur‐my‐ner ta shin goll seose gys Jerusalem, as bee dy chooilley nhee ta scruit liorish ny phadeyryn, mychione yn Mac dooinney, er ny chooilleeney.

Noo Luke 18:33

As scuitchee ad eh, as ver ad eh gy baase; as y trass laa nee eh girree reesht.

Noo Luke 23:2

As ren ad toshiaght dy loayrt n’oï, gra, Hooar shin eh shoh cur yn ashoon ain er‐shaghryn, as lhiettal sleih veih geeck keesh da Cesar, gra, Dy nee eh hene Creest yn ree.

Noo Luke 9:22

Gra, Shegin da Mac y dooinney ymmodee reddyn y hurranse, as ve beg soit jeh liorish y chanstyr, as ny ard‐saggyrtyn, as ny scrudeyryn, as ve er ny varroo, as girree reesht yn trass laa.

Noo Ean 2:19

Dreggyr Yeesey as dooyrt eh roo, Lhieg‐jee yn chiamble shoh, as trog‐yms eh reesht ayns three laa.

Noo Ean 7:12

As va lane argane mastey yn pobble mychione echey: son va paart gra, She dooinney mie eh: as feallagh elley gra, Cha nee; agh t’eh molley yn pobble.

Noo Ean 7:47

Eisht dreggyr ny Phariseeyn ad, Vel shiuish myrgeddin er nyn molley?

2 Corinthianee 6:8

Liorish ooashley as mee‐ooashley, liorish drogh‐ghoo as goo mie; myr molteyryn, as ny‐yeih firrinagh;