Noo Mian 27:54 - Yn Conaant Noa 1810

⁵⁴ Nish tra honnick yn captan, as adsyn va mârish freayll arrey er Yeesey, yn craa‐thallooin, as ny reddyn v’er jeet gy‐kione, ghow ad aggle mooar, gra, Dy firrinagh shoh va Mac Yee.

Yn Vible Casherick 1775 1819

⁵⁴ Nish tra honnick yn captan, as adsyn va mârish freayll arrey er Yeesey, yn craa-thallooin, as ny reddyn v’er jeet gy-kione, ghow ad aggle mooar, gra, Dy firrinagh shoh va Mac Yee.

Noo Mian 1748

⁵⁴ Nish tra honnick yn captan‐keead as adsyn va marish watchal Yeesey, yn cra-tallooin as ny reddyn v’er jeet gy kione, ghow ad aggle moar, gra, Dy firrinagh shoh va Mac Yee.

Noo Mian 27:54 ပူးပေါင်းရင်းမြစ်များ

Noo Mian 26:63

Agh va Yeesey ny host. As dreggyr yn ard‐saggyrt as dooyrt eh rish, Ta mee cur currym ort liorish y Jee bio, oo dy insh dooin, nee oo yn Creest mac Yee.

Noo Mian 27:36

As hoie ad sheese as dreill ad arrey er ayns shen.

Noo Mian 27:40

As gra, Uss ta lhieggal y chiamble, as dy hroggal eh reesht ayns three laa, saue oo hene: my she mac Yee oo, tar neose jeh’n chrosh.

Noo Mian 27:43

Hreisht eh ayns Jee; lhig da eh y livrey nish my saillish eh: son dooyrt eh, She mac Yee mee.

Noo Mian 27:51

As cur‐my‐ner, va’n coodaghey va eddyr y chiamble as yn ynnyd casherick raipit veih‐my‐cheilley, veih’n vullagh gys y laare; as ren y thalloo craa, as ny creggyn scoltey,

Noo Mian 4:3

As haink y mioleyder huggey, gra, My she mac Yee oo, cur sarey da ny claghyn shoh dy ve jeant nyn arran.

Noo Mian 8:5

As tra va Yeesey er n’gholl stiagh ayns Capernaum, haink centurion huggey guee er,

Noo Mark 15:39

As tra honnick yn captan‐keead va ny hassoo kiongoyrt rish, dy row eh myr shen er n’eamagh, as er phaartail, dooyrt eh, Dy firrinagh she Mac Yee va’n dooinney shoh.

Noo Luke 22:70

Eisht dooyrt ad ooilley, Nee oo eisht Mac Yee? As dooyrt eh roo, Ta shiuish gra ny ta mee.

Noo Ean 19:7

Dreggyr ny Hewnyn eh, Ta leigh ainyn, as liorish y leigh ain lhisagh eh v’er ny choyrt gy‐baase, er‐y‐fa dy ghow eh er dy nee Mac Yee v’eh.

Jannoo 10:1

Va dooinney dy row ayns Cesarea, enmyssit Cornelius, va ny centurion er y cheshaght va enmyssit yn cheshaght Italian;

Jannoo 2:37

Nish tra cheayll ad shoh, v’ad guint ayns nyn gree, as dooyrt ad rish Peddyr, as rish ny ostyllyn elley, Gheiney as vraaraghyn, cre bailliu shin dy yannoo?

Jannoo 21:32

As er‐y‐chooyl ghow eh sidooryn as captanyn‐keead, as roie eh sheese huc: as tra honnick ad yn ard‐chaptan as ny sidooryn, scuirr ad dy woalley Paul.

Jannoo 23:17

Eisht deïe Paul er fer jeh ny centurionyn huggey, as dooyrt eh, Cur lhiat yn dooinney aeg shoh gys yn ard‐chaptan; son ta red ennagh echey dy insh da.

Jannoo 23:23

As deïe eh er daa centurion huggey, gra, Fow‐jee aarloo daa cheead sidoor dy gholl gys Cesarea, as markee three‐feed as jeih, as deiney‐shleiy daa cheead, ec y trass oor jeh’n oie.

Jannoo 27:1

As tra ve kiarit dy row shin dy ghoaill lhuingys gys Italy, livrey ad Paul as shiartanse dy phryssoonee elley, gys fer va enmyssit Julius centurion v’ayns sheshaght‐chaggee Augustus.

Jannoo 27:43

Agh yn centurion aggindagh Paul y hauail, lhiett eh ad veih shen y yannoo, as doardee eh adsyn oddagh snaue, ad dy hilgey ad hene hoshiaght ayns y cheayn, as ad dy chosney gys y thalloo:

Romanee 1:4

As soilshit dy ve Mac Yee lesh pooar, cordail rish y spyrryd dy chasherickys, liorish yn irree‐seose‐reesht veih ny merriu;

Ashlish 11:13

As ’syn oor cheddin va craa mooar thallooin ayn, as huitt yn jeihoo ayrn jeh’n ard‐valley, as ayns y craa‐thallooin v’er nyn stroie shiaght thousane dooinney: as v’adsyn va er‐mayrn atchimagh, as hug ad gloyr da Jee t’ayns niau.