Noo Mian 26:58 - Yn Conaant Noa 1810

⁵⁸ Agh deiyr Peddyr er foddey ny yeï, gys thie yn ard‐saggyrt, as hie eh stiagh, as hoie eh marish y vooinjer dy yeeaghyn cre’n erree harragh er.

Yn Vible Casherick 1775 1819

⁵⁸ Agh deiyr Peddyr er foddey ny yeï, gys thie yn ard-saggyrt, as hie eh stiagh, as hoie eh marish y vooinjer dy yeeaghyn cre’n erree harragh er.

Noo Mian 1748

⁵⁸ Agh deiyr Peddyr er foddey ny yei, gys thie yn ard‐saggyrt, as hie e stiagh, as hoie e marish ny shiarvaantyn dy yeaghyn cre veagh y jerrey.

Noo Mian 26:58 ပူးပေါင်းရင်းမြစ်များ

Noo Mian 26:3

Eisht va ny ard‐saggyrtyn as ny scrudeyryn as shanstyr y phobble er nyn jaglym cooidjagh gys thie yn ard‐saggyrt va enmyssit Caiaphas.

Noo Mian 5:25

Coard dy tappee rishyn ta streeu rhyt, choud as vees shiu goll cooidjagh er y raad, er‐aggle dy der eshyn oo fo laue yn vriw, as dy der yn briw oo fo currym y tidoor, as dy bee oo tilgit ayns pryssoon.

Noo Luke 22:54

Eisht ghow ad eh, as leeid ad ersooyl eh, as hug ad lhieu eh gys thie yn ard‐saggyrt. As deiyr Peddyr er foddey ny yeï.

Noo Ean 18:25

As va Simon Peddyr ny hassoo as dy hiow eh hene: dooyrt ad er‐y‐fa shen rish, Nagh nee fer jeh e eiyrtyssee uss neesht? Dob eh, as dooyrt eh, Cha nee.

Noo Ean 19:6

Shen‐y‐fa tra honnick ny ard‐saggyrtyn as ny fir‐oik eh, deïe ad, gra, Jean y chrossey eh, jean y chrossey eh. Dooyrt Pilate roo, Gow‐jee shiuish eh, as jean‐jee eh y chrossey: son cha vel mish er gheddyn foill erbee ayn.

Noo Ean 7:32

Cheayll ny Phariseeyn dy row yn pobble tallagh myr shoh my‐e‐chione: as hug ny Phariseeyn as ny ard‐saggyrtyn magh sidooryn dy ghoaill eh.

Noo Ean 7:45

Eisht haink ny sidooryn gys ny ard‐saggyrtyn as ny Phariseeyn, dooyrt roo, Cre’n‐fa nagh dug shiu lhieu eh?

Jannoo 5:22

Agh tra haink ny sidooryn, as nagh dooar ad ad ayns y phryssoon, hyndaa ad back, as dinsh ad,

Jannoo 5:26

Eisht hie yn captan, as ny fir‐oik, as hug ad lhieu ad, cha nee er niart: (son va aggle orroo dy jinnagh yn pobble nyn glaghey ad.)