Noo Mian 26:28 - Yn Conaant Noa 1810

²⁸ Son shoh my uill’s jeh’n conaant noa, t’er ny gheayrtey son ymmodee son leih peccaghyn.

Yn Vible Casherick 1775 1819

²⁸ Son shoh my uill’s jeh’n conaant noa, t’er ny gheayrtey son ymmodee son leih peccaghyn.

Noo Mian 1748

²⁸ Son shoh my uill’s jeh’n chymney noa, t’er ny gheartey son ymmodee son leih peccaghyn.

Noo Mian 26:28 ပူးပေါင်းရင်းမြစ်များ

Noo Mian 20:28

Myr nagh daink yn Mac dooinney dy ve shirveishit er, agh dy hirveish, as dy chur e vioys ny lhiassaghey son ymmodee.

Noo Mian 26:27

As ghow eh yn cappan, as hug eh booise, as hug eh eh daue, gra, Iu‐jee ooilley jeh shoh.

Noo Mian 26:29

Agh ta mee gra riu, Nagh n’iu‐ym maghey shoh jeh mess y villey‐feeyney, derrey’n laa iuym eh ass‐y‐noa mêriu ayns reeriaght my Ayrey.

Noo Mian 6:12

As leih dooin nyn loghtyn, myr ta shin leih dauesyn ta jannoo loghtyn nyn ’oï.

Noo Mark 1:4

Ren Ean bashtey ayns yn aasagh, as preacheil bashtey arrys, son leih peccaghyn.

Noo Mark 14:24

As dooyrt eh roo, Shoh my uill’s jeh’n conaant noa, t’er ny gheayrtey son ymmodee.

Noo Luke 22:19

As ghow eh arran, as hug eh booise, as vrish eh eh, as hug eh eh daue, gra, Shoh my chorp t’er ny choyrt er nyn son eu: shoh jean‐jee ayns cooinaghtyn jeem’s.

Noo Luke 22:20

As er yn aght cheddin yn cappan lurg shibber, gra, Yn cappan shoh yn conaant noa ayns my uill’s, t’er ny gheayrtey er ny son eu.

Romanee 5:15

Agh cha nee myr ta’n loght, myr shen neesht ta’n gioot arryltagh. Son my she shen kyndagh rish peccah un er, dy daink baase er ymmodee; foddey smoo ta grayse Yee, as y gioot trooid grayse, ta liorish un dooinney Yeesey Creest, er roshtyn er ymmodee.

Romanee 5:19

Son myr liorish mee‐viallys un dooinney va ymmodee jeant nyn beccee: myr shen myrgeddin liorish biallys un er, bee ymmodee jeant cairagh.

1 Corinthianee 11:25

Er yn aght cheddin neesht ghow eh yn cappan, tra v’eh erreish shibber, gra, She’n cappan shoh yn conaant noa ayns my uill’s: shoh jean‐jee, cha mennick as iu‐ys shiu eh, ayns cooinaghtyn jeem’s.

Ephesianee 1:7

Aynsyn ta feaysley ain trooid e uill, leih peccaghyn, cordail rish berchys e ghrayse;

Colossianee 1:14

Aynsyn ta feaysley ain trooid e uill, dy jarroo leih nyn beccaghyn;

Colossianee 1:20

As (myr v’eh er n’yannoo shee trooid fuill e chrosh) liorishyn dy choardail dy chooilley nhee rish hene, liorishyn ta mee gra, edyr ad ve nheeghyn er y thalloo, ny nheeghyn ayns niau.

Hebrewnee 10:29

Cre’n kerraghey foddey s’trimmey, ta shiuish smooinaghtyn, t’eshyn dy hoilchin, t’er stampey fo chosh Mac Yee, as ta er choontey fuill yn chonaant liorish v’eh er ny chasherickey, ny red neu chasherick, as er hassoo magh dy olkyssagh noi’n Spyrryd dy ghrayse?

Hebrewnee 13:20

Nish dy jean Jee ny shee hug lesh reesht veih ny merriu nyn Jiarn Yeesey, ard‐vochilley ny geyrragh, trooid fuill y chonaant dy bragh farraghtyn,

Hebrewnee 9:28

Myr shen va Creest un cheayrt er ny hebbal dy ymmyrkey peccaghyn ymmodee; as dauesyn ta jeeaghyn er e hon, nee eh soilshaghey eh hene yn nah cheayrt fegooish peccah gys saualtys.

1 Ean 2:2

As she eshyn yn lhiasaghey son nyn beccaghyn: as cha nee son ny peccaghyn ain ny‐lomarcan, agh myrgeddin son peccaghyn yn seihll ooilley.

Ashlish 7:14

As dooyrt mee rish, Ayd’s ta fys, my Hiarn. As dooyrt eh rhym, Shoh adsyn haink ass seaghyn mooar, as t’er niee nyn goamraghyn, as er ghiallaghey ad liorish fuill yn Eayn.

Ashlish 7:9

Lurg shoh yeeagh mee, as cur‐my‐ner, va earroo mooar nagh voddagh dooinney erbee ad y choontey, jeh dy chooilley ashoon, as kynney, as pobble, as glare, nyn shassoo kiongoyrt rish y stoyl‐reeoil, as kiongoyrt rish yn Eayn, ayns coamraghyn gial, as banglaneyn dy villey‐palm ayns nyn laueyn: