Noo Mian 26:24 - Yn Conaant Noa 1810

²⁴ Ta Mac y dooinney goll, myr te scruit jeh: agh smerg da’n dooinney shen liorish vees Mac y dooinney er ny vrah: s’mie veagh eh son y dooinney shen mannagh row eh rieau er jeet er y theihll.

Yn Vible Casherick 1775 1819

²⁴ Ta Mac y dooinney goll, myr te scruit jeh: agh smerg da’n dooinney shen liorish vees Mac y dooinney er ny vrah: s’mie veagh eh son y dooinney shen mannagh row eh rieau er jeet er y theihll.

Noo Mian 1748

²⁴ Ta’n mac dooinney goll, myr te scruit jeh: agh smerrick da’n dooinney shen liorish vees yn mac dooinney er ny vrah: veagh eh er ny ve mie son y dooinney shen, mannagh beagh e er jeet er y teihll.

Noo Mian 26:24 ပူးပေါင်းရင်းမြစ်များ

Noo Mian 18:7

Smerg da’n theihll kyndagh rish oyryn peccah: son shegin da nyn lheid ’ve ayn; agh smerg da’n dooinney, liorish ta’n loght cheet.

Noo Mian 26:31

Eisht dooyrt Yeesey roo, Failee yn credjue euish ooilley noght kyndagh rhym’s: son te scruit, Bwoaill‐ym’s yn bochilley, as bee kirree yn chioltane er nyn skeayley.

Noo Mian 26:54

Agh kys eisht vees ny scriptyryn er nyn gooilleney, dy nee shoh myr te dy ve?

Noo Mian 26:56

Agh va ooilley shoh jeant, dy voddagh scriptyryn ny phadeyryn ve cooilleenit. Eisht ren ooilley ny ostyllyn treigeil eh, as cosney roue.

Noo Mark 14:21

Ta Mac y dooinney dy jarroo goll myr te scruit jeh: agh smerg da’n dooinney shen, liorish ta Mac y dooinney er ny vrah; s’mie veagh eh er ve son y dooinney shen nagh beagh eh rieau er jeet er y theihll.

Noo Mark 9:12

As dreggyr eshyn as dinsh eh daue, Dy row Elias dy firrinagh dy heet hoshaight, as dy lhiassaghey dy chooilley nhee, as kys te scruit mychione Mac y dooinney dy nhegin da goll trooid mooarane surranse, as beg dy ve soit jeh.

Noo Luke 22:22

As dy firrinagh ta’n Mac dooinney goll myr ve kiarit: agh smerg da’n dooinney shen liorish t’eh er ny vrah.

Noo Luke 24:46

As dooyrt eh roo, Shoh myr te scruit, as shoh myr ve kiarit da Creest dy hurranse, as dy irre yn trass laa veih ny merriu:

Noo Ean 17:12

Choud as va mee mâroo ayns y theihll, dreill mee ad ayns dty ennym’s: adsyn hug oo dou dreill mee, as cha vel unnane oc caillit, mannagh vel mac y toyrt‐mow: dy voddagh yn scriptyr ve cooilleenit.

Noo Ean 19:24

Dooyrt ad er‐y‐fa shen nyn mast’ oc hene, Ny lhig dooin y raipey eh, agh lhottyn y hilgey er, quoi echey vees eh: dy voddagh y scriptyr ve cooilleenit, ta gra, Reynn ad my gharmad nyn mast’ oc, as er my chooat ren ad lottyn y hilgey. Shoh myr ren ny sidooryn.

Noo Ean 19:28

Ny lurg shoh, son dy row fys ec Yeesey dy row dy chooilley nhee nish cooilleenit, dy voddagh y scriptyr ve jeant mie, dooyrt eh, Ta mee paagh.

Jannoo 2:23

Eshyn, va currit diu liorish oardagh ro‐laue as fysserree Yee, ta shiuish er ghoaill, as lesh laueyn mee‐chrauee er chrossey as er varroo.

Jannoo 28:23

As tra v’ad er phointeil laa er e hon, haink ymmodee huggey gys e hie; daue shoh hug eh tushtey, as dymmyrk eh feanish jeh reeriaght Yee, coyrlaghey ad mychione Yeesey, chammah ass leigh Voses as ny phadeyryn, veih moghrey derrey yn astyr.

Jannoo 4:28

Dy yannoo cre‐erbee va dty laue as dty choyrle kiarit ro‐laue dy yannoo.

1 Corinthianee 15:3

Son livrey mee diu hoshiaght ooilley, shen ny hooar mee hene myrgeddin, kys dy dooar Creest baase son nyn beccaghyn cordail rish ny scriptyryn: