Noo Mian 26:14 - Yn Conaant Noa 1810

¹⁴ Eisht hie fer jeh’n daa ostyl yeig, va enmyssit Yuaase Iscariot, gys ny ard‐saggyrtyn,

Yn Vible Casherick 1775 1819

¹⁴ Eisht hie fer jeh’n daa ostyl yeig, va enmyssit Yuaase Iscariot, gys ny ard-saggyrtyn.

Noo Mian 1748

¹⁴ ¶ Eishtagh hie fer jeh’n daa ostyl yeig, va enmyssit Yuase Iscariot, gys ny ard-saggyrtyn.

Noo Mian 26:14 ပူးပေါင်းရင်းမြစ်များ

Noo Mian 10:4

Simon yn Canaanite, as Yuaase Iscariot, ren myrgeddin eh y vrah.

Noo Mian 26:25

Eisht dansoor Yuaase, ren y vrah eh, as dooyrt eh, Vainshter, nee mish eh? Dooyrt eshyn rish, T’ou er ghra eh.

Noo Mian 26:47

As choud as v’eh foast loayrt, cur‐my‐ner, haink Yuaase, fer jeh’n daa ostyl yeig, as va sheshaght vooar mârish lesh cliwenyn as luirg veih ny ard‐saggyrtyn as shanstyr y phobble.

Noo Mian 27:3

Tra honnick eisht Yuaase ren y vrah eh, dy row eh er ny gheyrey, ghow eh arrys, as hug eh lesh reesht ny jeih peeshyn as feed dy argid gys ny ard‐saggyrtyn as y chanstyr,

Noo Ean 12:4

Eisht dooyrt fer jeh ny ostyllyn echey, Yuaase Iscariot mac Simon, va ry‐hoi y vrah eh.

Noo Ean 13:2

As myr v’ad gee nyn shibber (va’n drogh‐spyrryd nish er choyrt eh ayns cree Yuaase Iscariot mac Simon, dy vrah eh)

Noo Ean 13:26

Dreggyr Yeesey, She eshyn eh da ver‐ym greme dy arran, tra vee’m er hummey eh. As tra v’eh er hummey yn greme, hug eh eh da Yuaase Iscariot mac Simon.

Noo Ean 13:30

Erreish da eisht v’er n’ghoaill y greme dy arran, hie eh chelleeragh magh: as va’n oie ayn.

Noo Ean 18:2

As bione da Yuaase neesht va dy vrah eh, yn ynnyd: son boallagh Yeesey dy mennick taaghey yn voayl shen marish e ostyllyn.

Jannoo 1:16

Gheiney as vraaraghyn, beign da’n scriptyr shoh ve cooilleenit, ren y Spyrryd Noo phadeyrys liorish beeal Ghavid mychione Yuaase, va ny leeideilagh dauesyn ghow Yeesey.

Jannoo 1:18

Nish ren y dooinney shoh magher y chionnaghey lesh y leagh dy vee‐chairys; as tuittym gour e vullee, skeilt eh veih‐my‐cheilley ayns y vean, as roie ooilley e vyn‐nagh ass.