Noo Mian 25:21 - Yn Conaant Noa 1810

²¹ Dooyrt e hiarn rish, S’mie t’ou er n’yannoo, harvaant vie as firrinagh; t’ou er ny ve firrinagh ayns y veggan, livrey‐yms mooarane gys dty churrym: immee uss stiagh gys boggey dty hiarn.

Yn Vible Casherick 1775 1819

²¹ Dooyrt e hiarn rish, S’mie t’ou er n’yannoo, harvaant vie as firrinagh; t’ou er ny ve firrinagh ayns y veggan, livrey-yms mooarane gys dty churrym: immee uss stiagh gys boggey dty hiarn.

Noo Mian 1748

²¹ Doort e Hiarn rish, Smie t’ow er nianoo, harvaant vie as firrinagh, t’ow er ny ve firrinagh ayns y veggan, livreyms moarane gys dty churrym; gow stiagh gys boggey dty hiarn.

Noo Mian 25:21 ပူးပေါင်းရင်းမြစ်များ

Noo Mian 24:45

Quoi eisht yn charvaant firrinagh as creeney shen, ta e Hiarn er n’yannoo ny er‐reill er e vooinjer, dy chur daue nyn meaghey ayns traa cooie?

Noo Mian 24:47

Dy firrinagh ta mee gra riu, dy livreyee eh gys y churrym echeysyn ooilley e chooid.

Noo Mian 25:23

Dooyrt e hiarn rish, S’mie t’ou er n’yannoo harvaant vie as firrinagh: t’ou er ny ve firrinagh ayns y veggan, livrey‐yms mooarane gys dty churrym: immee uss stiagh gys boggey dty hiarn.

Noo Mian 25:46

As hed ad shoh ersooyl gys y kerraghey dy bragh farraghtyn: agh y chloan chairagh gys y vea veayn.

Noo Luke 12:44

Ayns firrinys ta mee gra riu, dy der eh da yn stiurtys er ooilley e chooid.

Noo Luke 16:10

Eshyn ta ynrick ayns yn nhee s’fardalee, t’eh ynrick myrgeddin ayns mooarane: as eshyn ta neu‐chairagh ayns y nhee s’fardalee, t’eh neu‐chairagh myrgeddin ayns mooarane.

Noo Ean 12:26

My nee dooinney erbee mish y hirveish, lhig da geiyrt orrym; as y raad ta mish, shen y raad myrgeddin vees my harvaant: my nee dooinney erbee mish y hirveish, dasyn ver my Ayr onnor.

Noo Ean 14:3

As my hem’s dy yannoo aarloo ynnyd er nyn son, hig‐ym reesht, as goym shiu hym pene, raad ta mish dy vod shiuish ve myrgeddin.

Noo Ean 17:24

Ayr, ta mee geearree adsyn t’ou er chur dou dy ve mârym raad ta mee; dy vod ad fakin my ghloyr t’ou er chur dou: son t’ou er ve graihagh orrym’s roish my row yn seihll er ny chroo.

Romanee 2:29

Agh t’eshyn ny Ew, ta fer er cheu‐sthie: as ta’n giarey‐chymmylt [firrinagh shen] jeh’n chree, ayns y spyrryd, as cha nee ayns y letter, yn moylley echey cha vel veih deiney, agh veih Jee.

1 Corinthianee 4:5

Shen‐y‐fa ny jean‐jee nhee erbee y vriwnys roish y traa, derrey hig y Chiarn, ver chammah lesh gys soilshey folliaghtyn y dorraghys, as nee soilshaghey magh smooinaghtyn ny creeaghyn; as eisht yiow dy chooilley ghooinney moylley veih Jee.

2 Corinthianee 10:18

Son cha nee eshyn ta dy voylley eh hene, ta soiagh jeant jeh, agh eshyn ta’n Chiarn dy voylley.

2 Corinthianee 5:9

Myr shoh te nyn ard‐chiarail, edyr shin ve ayns y chorp ny ass y chorp, dy vod shin eshyn y wooiys.

Philippianee 1:23

Son ta mee ayns chennid eddyr jees, aggindagh dy gholl roym, as dy ve marish Creest; ta foddey share:

1 Timothy 3:13

Son t’adsyn t’er chooilleeney oik y chirveishagh dy firrinagh, er gheddyn daue hene raad mie [gys oik syrjey], as lane dunnallys ayns y chredjue, ta ayns Creest Yeesey.

2 Timothy 2:12

My ta shin surranse, nee mayd myrgeddin reill mârish: my ta shin dy obbal eh, nee eshyn myrgeddin shinyn y obbal.

Hebrewnee 12:2

Jeeaghyn gys Yeesey toshiaght as bun nyn gredjue; ren, son yn eunys va soit kiongoyrt rish, surranse y chrosh, soiaghey beg jeh’n nearey, as t’eh er hoie sheese er laue yesh stoyl‐reeoil Yee.

Ashlish 2:10

Ny gow aggle roish veg jeh ny reddyn shen nee oo surranse: cur‐my‐ner, nee yn drogh‐spyrryd paart eu y hilgey ayns pryssoon, dy vod shiu v’er nyn browal; as bee shiu fo tranlaase jeih laa: bee uss firrinagh gys y vaase, as ver‐yms dhyt attey dy vea.

Ashlish 21:7

Yiow eshyn ta geddyn y varriaght, eiraght ayns dy chooilley nhee, as beem’s y Jee echeysyn, as bee eshyn yn mac aym’s.

Ashlish 3:21

Dasyn ta geddyn y varriaght low‐yms dy hoie mârym er my stoyl‐reeoil, myr hooar mish myrgeddin yn varriaght, as ta mee er hoie sheese marish my Ayr er y stoyl‐reeoil echeysyn.

Ashlish 7:17

Son nee’n Eayn ta ayns mean y stoyl‐reeoil, faasaghey ad, as leeidee eh ad gys farraneyn dy ushtey bio: as nee Jee niee ersooyl dy chooilley yeïr veih nyn sooillyn.