Noo Mian 24:5 - Yn Conaant Noa 1810

⁵ Son hig ymmodee ayns my ennym’s, gra, Mish yn Creest: as nee ad ymmodee y volley.

Yn Vible Casherick 1775 1819

⁵ Son hig ymmodee ayns my ennym’s, gra, Mish yn Creest: as nee ad ymmodee y volley.

Noo Mian 1748

⁵ Son hig ymmodee ayns m’ennyms, gra, Mish Creest, as nee ad ymmodee y volley.

Noo Mian 24:5 ပူးပေါင်းရင်းမြစ်များ

Noo Mian 24:11

As nee ymmodee phadeyryn‐foalsey girree seose, as mooarane y volley.

Noo Mian 24:24

Son nee Creestyn foalsey, as phadeyryn foalsey girree, as cowraghyn mooarey as yindyssyn y hoilshaghey, ayns wheesh (my oddagh eh ve) dy jinnagh ad molley yn eer chloan reiht.

Noo Ean 5:43

Ta mish er jeet ayns ennym my Ayrey, as cha vel shiu goaill rhym: my hig fer elley ayns e ennym hene, rishyn nee shiu goaill.

Noo Ean 8:24

Dooyrt mee er‐y‐fa shen riu, dy voghe shiu baase ayns nyn beccaghyn: son mannagh vel shiu credjal dy nee mish eh yiow shiu baase ayns nyn beccaghyn.

Noo Ean 8:28

Eisht dooyrt Yeesey roo, Tra vees shiu erreish yn Mac dooinney y hroggal seose, eisht bee fys eu dy nee mish eh, as nagh vel mee jannoo nhee erbee jee’m pene; agh dy vel mee loayrt ny reddyn shen ta my Ayr er chur roym.

1 Ean 2:18

Chloan veggey, shoh’n traa s’jerree: as myr ta shiu er chlashtyn dy jig yn an‐chreestee, dy jarroo nish ta ymmodee an‐chreesteenyn ayn; liorish shoh ta fys ain dy nee shoh’n traa s’jerree.

1 Ean 2:22

Quoi yn breagerey, agh eshyn ta gobbal dy nee Yeesey yn Creest? Eshyn ta ny an‐chreestee, ta gobbal yn Ayr as y Mac.

1 Ean 4:3

As dy chooilley spyrryd nagh vel goaill‐rish dy vel Yeesey Creest er jeet ayns yn eill, cha vel eh jeh Jee: as shoh spyrryd yn an‐chreestee shen, my‐e‐chione ta shiu er chlashtyn, dy row eh ry hoi cheet, as dy jarroo nish hene t’eh hannah ’sy theihll.

Ashlish 13:8

As ver ooilley cummaltee yn theihll ooashley da, nyn enmyn nagh vel scruit ayns lioar bea yn Eayn er ny varroo er‐dy hoshiaght y theihll.