Noo Mian 24:39 - Yn Conaant Noa 1810

³⁹ As cha dug ad tastey, derrey haink y thooilley, as ghow eh ad ooilley ersooyl; myr shen myrgeddin vees cheet Mac y dooinney.

Yn Vible Casherick 1775 1819

³⁹ As cha dug ad tastey, derrey haink y thooilley as ghow eh ad ooilley ersooyl; myr shen myrgeddin vees cheet Mac y dooinney.

Noo Mian 1748

³⁹ As cha dug ad tastey, derrey haink y thooilley as ghow eh ad ooilley ersooyl, myr shen myrgeddyn vees cheet yn Mac dooinney.

Noo Mian 24:39 ပူးပေါင်းရင်းမြစ်များ

Noo Mian 16:27

Son hig Mac y dooinney ayns gloyr e Ayrey, as e ainleyn casherick mârish: as ec y traa shen cooilleenee eh da dy chooilley ghooinney cordail rish e obbraghyn.

Noo Mian 24:3

As myr v’eh ny hoie er cronk ny Oliveyn, haink e ostyllyn huggey er‐lheh, gra, Insh dooin, cuin vees ny reddyn shoh? as cre’n cowrey vees jeh’n cheet ayd, as jeh jerrey yn theihll?

Noo Mian 24:30

As eisht bee cowrey Mac y dooinney er ny akin ayns yn aer: as ec y traa shen nee ooilley sheelogheyn y thallooin dobberan, as hee ad yn Mac dooinney cheet ayns bodjallyn yn aer, lesh pooar as gloyr vooar.

Noo Mian 24:37

Agh myr va laghyn Noe, myr shen myrgeddin vees cheet Mac y dooinney.

Noo Mian 24:40

Shen y traa vees daa ghooinney ayns y vagher, bee fer goit as fer faagit.

Noo Luke 19:44

As lhieggee ad oo kiart rish y thalloo, as dty chloan cheu‐sthie jeed; as cha vaag ad aynyd un chlagh er clagh elley: er‐yn‐oyr nagh dug oo tastey da’n earish haink mish dy dty yeeaghyn.

Noo Ean 3:20

Son ta dy chooilley unnane ta jannoo dy holk, cur feoh da’n toilshey, chamoo t’eh cheet gys y toilshey, son nagh jig brah er ny obbraghyn echey.

Jannoo 13:41

Cur‐jee my‐ner, shiuish ghan‐nidee, gow‐jee yindys, as jean‐jee cherraghtyn: son ta mish gobbraghey obbyr ayns ny laghyn, euish, obbyr nagh jean shiu er aght erbee y chredjal, ga dy beagh eh ny hickyraghey diu.

Romanee 1:28

As dy jarroo myr nagh smooinee ad mie dy reayll Jee ayns nyn dushtey, livrey Jee ad harrish gys creoghys cree, dy yannoo shen nagh row lowal:

2 Peddyr 3:5

Son shoh t’ad dy aignagh mee‐hushtagh jeh, dy nee liorish goo Yee va ny niaughyn ec y toshiaght, as yn thalloo shassoo erskyn yn ushtey, as fo’n ushtey.