Noo Mian 24:27 - Yn Conaant Noa 1810

²⁷ Son myr ta’n tendreil cheet ass y shiar, as cur soilshey choud as gys y sheear: myr shen neesht vees cheet Mac y dooinney.

Yn Vible Casherick 1775 1819

²⁷ Son myr ta’n tendreil cheet ass y shiar, as cur soilshey choud as gys y sheear: myr shen neesht vees cheet Mac y dooinney.

Noo Mian 1748

²⁷ Son myr ta’n tendeil cheet ass y shar, as cur soilshey choud as gys y sheear, myr shen myrgeddyn vees cheet yn mac dooinney.

Noo Mian 24:27 ပူးပေါင်းရင်းမြစ်များ

Noo Mian 16:27

Son hig Mac y dooinney ayns gloyr e Ayrey, as e ainleyn casherick mârish: as ec y traa shen cooilleenee eh da dy chooilley ghooinney cordail rish e obbraghyn.

Noo Mian 16:28

Dy firrinagh ta mee gra, riu, Dy vel paart nyn shassoo ayns shoh, nagh jean blashtyn er y baase, derrey hee ad Mac y dooinney cheet ayns e reeriaght.

Noo Mian 24:26

Shen‐y‐fa my jir ad riu, T’eh ayns yn aasagh, ny gow‐jee magh: cur‐my‐ner, t’eh ayns ny shamyryn follit, ny cred‐jee eh.

Noo Mian 24:3

As myr v’eh ny hoie er cronk ny Oliveyn, haink e ostyllyn huggey er‐lheh, gra, Insh dooin, cuin vees ny reddyn shoh? as cre’n cowrey vees jeh’n cheet ayd, as jeh jerrey yn theihll?

Noo Mian 24:37

Agh myr va laghyn Noe, myr shen myrgeddin vees cheet Mac y dooinney.

Noo Mian 24:39

As cha dug ad tastey, derrey haink y thooilley, as ghow eh ad ooilley ersooyl; myr shen myrgeddin vees cheet Mac y dooinney.

Noo Mian 24:44

Shen‐y‐fa bee‐jee shiuish myrgeddin ullee: son ec lheid yn oor as nagh vel shiu smooinaghtyn er, hig yn Mac dooinney.

Noo Mian 8:20

As dooyrt Yeesey rish, Ta tuill ec ny shynnee, as idd ec eeanlee yn aer, agh cha vel ec mac y dooinney wheesh boayl aaght son e chione.

Jamys 5:8

Fark‐jee shiuish myrgeddin dy surransagh; niartee‐jee nyn greeaghyn: son ta cheet y Chiarn tayrn er‐gerrey.

2 Peddyr 3:4

As gra, Cre vel gialdyn y cheet echey? son er‐dyn traa huitt ny ayraghyn nyn gadley, ta dy chooilley nhee tannaghtyn myr v’ad er‐dy hoshiaght y chroo.