Noo Mian 24:14 - Yn Conaant Noa 1810

¹⁴ As bee sushtal yn reeriaght er ny phreacheil ayns ooilley yn seihll, son feanish da dy chooilley ashoon, as eisht nee yn jerrey cheet.

Yn Vible Casherick 1775 1819

¹⁴ As bee sushtal yn reeriaght er ny phreacheil ayns ooilley yn seihll, son feanish da dy chooilley ashoon, as eisht nee yn jerrey cheet.

Noo Mian 1748

¹⁴ As bee sushtal yn reeriaght er ny phreacheil ayns ooilley’n seihl, son fenish da dy chooilley ashoon, as eisht nee yn jerrey cheet.

Noo Mian 24:14 ပူးပေါင်းရင်းမြစ်များ

Noo Mian 10:7

As myr vees shiu goll, jean‐jee preacheil, gra, Ta reeriaght niau er‐gerrey.

Noo Mian 18:19

Reesht ta mee gra riu, my nee jees jiuish coardail er y thalloo ’syn un aghin, bee nyn aghin er ny chooilleeney liorish my Ayr t’ayns niau.

Noo Mian 24:3

As myr v’eh ny hoie er cronk ny Oliveyn, haink e ostyllyn huggey er‐lheh, gra, Insh dooin, cuin vees ny reddyn shoh? as cre’n cowrey vees jeh’n cheet ayd, as jeh jerrey yn theihll?

Noo Mian 24:6

As cluinnee shiu jeh caggaghyn, as jeh imraaghyn dy chaggaghyn: jeeagh nagh bee shiu seaghnit: son shegin da dy chooilley nhee jeu shoh cheet gys kione, agh cha bee yn jerrey foast.

Noo Mian 4:23

As hie Yeesey mygeayrt ooilley Galilee, gynsaghey ayns nyn gialteenyn, as preacheil sushtal y reeriaght, as lheihys dy chooilley hingys, as dy chooilley ghoghan mastey’n pobble.

Noo Mian 9:35

As hie Yeesey mygeayrt ooilley ny ard‐valjyn as ny baljyn‐cheerey oc, gynsaghey ayns ny kialteenyn oc, as preacheil sushtal yn reeriaght, as lheihys dy chooilley hingys, as dy chooilley ghoghan mastey’n pobble.

Noo Mark 13:10

As shegin da’n sushtal ve hoshiaght er ny phreacheil mastey dy chooilley ashoon.

Noo Luke 2:1

As haink eh gy‐kione anys ny laghyn shen, dy jagh sarey magh veih Cesar Augustus, dy beagh coontey er ny ghoaill jeh’n slane rheam.

Noo Luke 24:47

As arrys as leih peccaghyn dy ve er nyn breacheil ayns yn ennym echey, mastey dy chooilley ashoon, goaill toshiaght ec Jerusalem.

Noo Luke 4:5

As hug y drogh‐spyrryd lesh seose eh gys mullagh slieau ard, as ayns y tullogh hug eh shilley da jeh ooilley reeriaghtyn y theihll.

Jannoo 1:2

Derrey’n laa v’eh er ny ghoaill seose, erreish da, trooid y Spyrryd Noo, v’er chur dagh nhee ayns currym da ny ostyllyn v’eh er reih.

Jannoo 11:28

As hass seose fer jeu enmyssit Agabus, as hoilshee eh liorish y Spyrryd dy beagh genney vooar er feaï ny cruinnee; shen haink myrgeddin gy‐kione rish lhing Claudius Cesar.

Jannoo 17:31

Er‐yn‐oyr dy vel eh er n’oardaghey laa ry‐hoi yn seihll y vriwnys ayns cairys, liorish y dooinney shen t’eh er phointeil; as jeh shoh t’eh er chur shickyrys da dy chooilley ghooinney, ayns dy vel eh er hroggal eshyn veih ny merriu.

Jannoo 17:6

As tra nagh dooar ad ad, hayrn ad lhieu Jason as shiartanse jeh ny braaraghyn gys fir‐reill yn ard‐valley, geamagh, T’ad shoh t’er hyndaa yn seihll bun‐ry‐skyn er jeet ayns shoh neesht;

Jannoo 19:27

Myr shen dy vel, cha nee ny lomarcan yn cheird shoh ain ayns dangeyr dy ve mee‐lowit; agh myrgeddin chiamble yn ven‐jee vooar Diana dy ve beg soit jeh, as yn ard‐ooashley eck dy ve er ny stroie, jeeish ta ooilley Asia as y seihll cur ooashley.

Jannoo 20:25

As nish cur‐my‐ner, ta fys aym nagh jean shiuish ooilley, nyn mast’ eu ta mee er ve shooyl preacheil reeriaght Yee, my eddin y akin arragh.

Romanee 10:18

Agh ta mish dy ghra, Nagh vel adsyn er chlashtyn? Ta dy feer, hie yn coraa oc er feai‐nycruinney, as ny goan oc gys ny ardjyn sodjey magh jeh’n theihll.

Colossianee 1:23

My nee shiu tannaghtyn ’sy chredjue gruntit as shickyrit, as gyn ve scughit ersooyl veih treishteil y tushtal, ta shiu er chlashtyn, as v’er ny phreacheil da dy chooilley chretoor fo niau; jeh shen ta mish Paul pointit dy ve my hirveishagh.

Colossianee 1:6

Ta er roshtyn hiuish, myr te gys ooilley yn seihll, as gymmyrkey mess, myr te myrgeddin, ayndiuish, er‐dyn laa cheayll shiu jeh, as hoig shiu grayse Yee ayns firrinys.

Hebrewnee 1:6

As reesht, tra t’eh coyrt lesh yn chied‐er‐ny‐gheddyn Mac gys y theihll, t’eh gra, As lhig da ooilley ainleyn Yee ooashley ’choyrt da.

Hebrewnee 2:5

Son cha vel eh er choyrt fo reill ainleyn yn seihll ta ry heet, my‐e‐chione ta shin loayrt.

Ashlish 14:6

As honnick mee ainle elley getlagh trooid mean yn aer, as echey yn sushtal dy bragh farraghtyn dy phreacheil dauesyn ta cummal er y thalloo, as da dy chooilley ashoon, as kynney, as glare, as pobble,

Ashlish 16:14

Son spyrrydyn jouyil ad gobbraghey mirrillyn, ta goll magh gys reeaghyn y thallooin, as ooilley’n seihll, dy haglym ad gys caggey yn laa mooar shen jeh’n Ooilley‐niartal Jee.

Ashlish 3:10

Er‐yn‐oyr dy vel oo er vreayll goo my hurranse, freill‐yms uss myrgeddin veih’n oor dy hrial, ta ry‐hoi cheet er ooilley’n seihll, dy phrowal adsyn ta baghey er y thalloo.