Noo Mian 23:8 - Yn Conaant Noa 1810

⁸ Agh ny bee‐jee shiuish enmyssit Rabbi: son ta un vainshter eu, ta shen dy ghra, Creest, as ta shiuish ooilley nyn mraaraghyn.

Yn Vible Casherick 1775 1819

⁸ Agh ny bee-jee shiuish enmyssit Rabbi: son ta un vainshter eu, ta shen dy ghra, Creest, as ta shiuish ooilley nyn mraaraghyn.

Noo Mian 1748

⁸ Agh ny bee-jee shiuish enmyssit Rabbi: son ta yn vainshter eu, ta shen dy ghra, Creest; as ta shiuish ooilley nyn mraaraghyn.

Noo Mian 23:8 ပူးပေါင်းရင်းမြစ်များ

Noo Mian 10:25

S’lioar da’n scoillar dy ve myr e vainshter, as y charvaant myr e hiarn: my t’ad er cheau Beelzebub er mainshter y thie, cre‐woad smoo nee ad e vooinjer y oltooaney.

Noo Mian 17:5

Choud as v’eh foast loayrt, ren bodjal sollys skeayley harrystoo: as cur‐my‐ner haink coraa ass y vodjal, gra, Shoh my vac ennoil, ayn ta mee goaill slane taitnys, eaisht‐jee rishyn.

Noo Mian 23:10

Chamoo gow‐jee erriu dy ve mainshteryn, son ta un er nyn Mainshter, eer Creest.

Noo Mian 23:7

As sleih dy vannaghey daue ayns ny margaghyn, as dy ve enmyssit liorish deiney, Rabbi, Rabbi.

Noo Mian 26:25

Eisht dansoor Yuaase, ren y vrah eh, as dooyrt eh, Vainshter, nee mish eh? Dooyrt eshyn rish, T’ou er ghra eh.

Noo Mian 26:49

As chelleeragh haink eh gys Yeesey, as dooyrt eh, Dy vannee dhyt, Vainshter; as phaag eh eh.

Noo Mark 10:51

As dreggyr Yeesey, as dooyrt eh rish, Cre bailt mee dy yannoo er dty hon? Dooyrt y dooinney doal rish, Hiarn, dy voddym my hoilshey y gheddyn.

Noo Mark 11:21

As by‐chooinee lesh Peddyr, as dooyrt eh rish, Vainshter, cur‐my‐ner, ta’n billey‐figgagh hug uss fo mollaght er fioghey ersooyl.

Noo Mark 14:45

As cha leah as v’eh er jeet, hie eh chelleeragh huggey, as dooyrt eh, Vainshter, vainshter; as phaag ad eh.

Noo Mark 9:5

As dreggyr Peddyr as dooyrt eh rish Yeesey, Vainshter, s’maynrey dooinyn dy hannaghtyn ayns shoh: as lhig dooin three cabbaneyn y hroggal, cabbane er dty hon’s, as cabbane son Moses, as cabbane son Elias.

Noo Luke 22:32

Agh ta mish er ghuee er dty hon’s, nagh jean dty chredjue failleil; as tra vees oo er jyndaa, niartee dty vraaraghyn.

Noo Ean 1:38

Eisht hyndaa Yeesey, as honnick eh ad geiyrt er, as dooyrt eh roo, Cre ta shiu dy hirrey? Dooyrt adsyn rish, Rabbi (ta shen dy ghra, ’sy ghlare ainyn, Vainshter) cre raad t’ou baghey?

Noo Ean 1:49

Dreggyr Nathanael as dooyrt eh rish, Rabbi, oo mac Yee, oo ree Israel.

Noo Ean 11:8

Dooyrt e ostyllyn rish, Vainshter, cha voddey neayr as va ny Hewnyn shirrey dty chlaghey; as vel oo son goll gys shen reesht?

Noo Ean 20:16

Dooyrt Yeesey, Voirrey. Hyndaa ee ee‐hene, as dooyrt ee rish, Rabboni, ta shen dy ghra, Vainshter.

Noo Ean 3:2

Haink eh shoh gys Yeesey ayns yn oie, as dooyrt eh rish, Rabbi, ta fys ain dy nee fer‐ynsee oo t’er jeet veih Jee: son cha vod dooinney erbee ny mirrilyn shen y yannoo t’ou uss dy yannoo, mannagh bee Jee mârish.

Noo Ean 3:26

As haink ad gys Ean, as dooyrt ad rish, Rabbi, eshyn va mayrt er cheu elley dy Yordan, da ren oo feanish y ymmyrkey, cur‐my‐ner, t’eshyn bashtey, as ta dy chooilley ghooinney cheet huggey.

Noo Ean 4:31

Ayns y traa shen ghuee e ostyllyn er, gra, Vainshter, gow beaghey.

Noo Ean 6:25

As tra hooar ad eh er y cheu elley jeh’n cheayn, dooyrt ad rish, Rabbi, cuin haink oo ayns shoh?

Noo Ean 9:2

As dênee e ostyllyn jeh, gra, Vainshter, quoi ren peccah, eh shoh ny e ayr as e voir, dy row eh er ny ruggey doal?

2 Corinthianee 1:24

Cha nee dy vel shin gymmyrkey reill harrish nyn gredjue, agh ta shin fir‐choonee dy vishaghey nyn moggey: son liorish credjue ta shiu shassoo.

2 Corinthianee 4:5

Son cha nee shin hene ta shin dy phreacheil, agh Creest Yeesey yn Chiarn: as shin hene ny sharvaantyn euish er graih Yeesey.

Ephesianee 3:15

Jehsyn ta’n slane lught‐thie ayns niau as er y thalloo er ny enmys.

Philemon 1:16

Cha nee nish myr sharvaant, agh, erskyn sharvaant, braar ennoil, dooys er‐lheh, agh foddey smoo dhyt’s, chammah ayns yn eill as ayns y Chiarn?

Jamys 3:1

My vraaraghyn, ny shir‐jee dy ve ymmodee fir‐ynsee, toiggal [liorish shoh] dy bee mayd ny s’geyre er nyn mriwnys.

1 Peddyr 5:3

Chamoo myr chiarnyn harrish eiraght Yee, agh myr sampleyryn da’n chioltane.

Ashlish 1:9

Mish Ean, ta myrgeddin nyn mraar, as sheshey ayns seaghyn, as ayns reeriaght as surranse Yeesey Creest, va mee ayns yn ellan, ta enmyssit Patmos, er graih goo Yee, as son recortys Yeesey Creest.

Ashlish 19:10

As huitt mee ec e chassyn dy choyrt ooashley da: As dooyrt eh rhym, Jeeagh nagh jean oo eh: Ta mish dty heshey harvaant, as jeh dty vraaraghyn ta feanish Yeesey oc: cur ooashley da Jee: son ta feanish Yeesey yn spyrryd dy adeyrys.

Ashlish 22:9

Eisht dooyrt eh rhym, Jeeagh nagh jean oo: son ta mish dty heshey‐harvaant, as jeh dty vraaraghyn ny phadeyryn, as jeusyn ta freayll raaghyn y lioar shoh: cur ooashley da Jee.