Noo Mian 23:4 - Yn Conaant Noa 1810

⁴ Son t’ad kiangley erraghyn tromey as doillee dy ve er nyn ymmyrkey, as dyn goyrt ad er geayltyn deiney, agh cha lhie ad hene wheesh mair roo dy hroggal ad.

Yn Vible Casherick 1775 1819

⁴ Son t’ad kiangley erraghyn tromey as doillee dy ve er nyn ymmyrkey, as dyn goyrt ad er geayltyn deiney, agh cha lhie ad hene wheesh mair roo dy hroggal ad.

Noo Mian 1748

⁴ Son ta’d kiangley erraghyn tromey as doillee dy ve er nyn ymmyrkey, as dyn goyrt ad er geayltyn deney, agh cha gleashee adsyn hene ad lesh annane jeh ny meir oc.

Noo Mian 23:4 ပူးပေါင်းရင်းမြစ်များ

Noo Mian 23:23

Smerg diu scrudeyryn as Phariseeyn, chrauee‐oalsey; son ta shiu geeck jaghee jeh mynthey, anise as cummin, agh cha vel shiu er chooilleeney currymyn s’ymmyrchee yn leigh, cairys, myghin as firrinys: ad shoh lhisagh shiu v’er n’yannoo, fegooish y chooid elley y aagail gyn jannoo.

Noo Mian 23:3

Ooilley er‐y‐fa shen cre‐erbee nee ad y oardaghey diu dy reeayll, freill‐jee, as jean‐jee eh; agh ny jean‐jee lurg ny obbraghyn oc: son t’ad gra, agh cha vel ad jannoo.

Noo Luke 11:46

As dooyrt eh, Smerg diuish neesht fir‐ynsee yn leigh: son ta shiu laadey deiney lesh erraghyn doillee de ve er nyn ymmyrkey, as cha vel shiu hene bentyn rish ny erraghyn lesh unnane jeh nyn meir.

Jannoo 15:10

Kys er‐y‐fa shen dy vel shiu nish brasnaghey Jee, liorish quing y choyrt er mwannal ny Creesteenyn, nagh row ec ny ayraghyn ain, ny ain hene yn niart dy ymmyrkey?

Jannoo 15:28

Son ta chammah yn Spyrryd Noo, as shinyn, er vakin eh mie, gyn errey smoo y chur erriu na ny reddyn ymmyrchagh shoh;

Galatianee 6:13

Son chamoo t’adsyn hene ta er ny ghiarey‐chymmylt freayll y leigh; agh baillhieu shiuish dy v’er ny ghiarey‐chymmylt, dy vod ad boggyssagh ayns cowrey yn eill eu.

1 Ean 5:3

Son shoh graih Yee, dy vreill mayd e annaghyn: as cha vel ny annaghyn echey trome.

Ashlish 2:24

Agh riuish ta mee gra, as rish y vooinjer elley ta ayns Thyatira, Whilleen as nagh vel yn ynsagh shoh oc, as nagh vel er doiggal croutyn dowiney yn Drogh spyrryd, myr jir ad, cha der ym erriu errey erbee sodjey.