Noo Mian 22:8 - Yn Conaant Noa 1810

⁸ Eisht dooyrt eh rish e harvaantyn, Ta’n vannish aarloo, agh y vooinjer va cuirt cha row ad feeu.

Yn Vible Casherick 1775 1819

⁸ Eisht dooyrt eh rish e harvaantyn, Ta’n vannish aarloo, agh y vooinjer va cuirt cha row ad feeu.

Noo Mian 1748

⁸ Eishtagh doort e rish e harvaantyn, Ta’n vannish aarloo, agh y vooinjer va cuirt, cha row ad feeu.

Noo Mian 22:8 ပူးပေါင်းရင်းမြစ်များ

Noo Mian 22:7

Agh tra cheayll y ree jeh v’eh feer chorree: as hug eh magh e heshaghtyn‐caggee, as stroie eh ny dunveryn shen, as losht eh yn ard‐valley oc.

Noo Mian 22:9

Gow‐jee magh er‐y‐fa shen gys ny raaidyn mooarey, as whilleen as yiow shiu, cuir‐jee gys y vannish.

Noo Mian 9:15

As dooyrt Yeesey roo, Vod caarjyn y dooinney‐poosee dobberan, choud as ta dooinney yn phoosee mâroo? agh hig ny laghyn, tra vees dooinney yn phoosee er ny ghoaill ersooyl voue, as shen y traa nee ad trostey.

Noo Luke 20:35

Agh adsyn vees coontit feeu jeh’n theihll shen, as jeh yn irree‐reesht veih ny merriu, cha vel ad poosey, ny er nyn goyrt ayns poosey.

Noo Luke 21:36

Bee‐jee er nyn dwoaie er‐y‐fa shen, as bee‐jee kinjagh ayns padjer, dy vod shiu ve coontit feeu dy scapail ooilley ny reddyn shoh hig gy‐kione, as dy hassoo kiongoyrt rish Mac y dooinney.

Jannoo 13:46

Eisht daase Paul as Barnabas dunnal, as dooyrt ad, Ve ymmyrchagh goo Yee dy ve hoshiaght er ny phreacheil diuish: agh fakin dy vel shiu cur cooyl rish, as briwnys shiu hene neu‐feeu jeh’n vea veayn, cur‐my‐ner ta shinyn chyndaa gys ny Ashoonee.

2 Thessalonianee 1:5

Ta cowrey cronnal jeh briwnys cairagh Yee, dy vod shiu ve coontit feeu jeh reeriaght Yee, er y hon ta shiu myrgeddin surranse:

Ashlish 22:14

Bannit t’adsyn ta cooilleeney e annaghyn, dy vod cairys ve oc gys billey yn vea, as dy vod ad goll stiagh er ny giattyn gys yn ard‐valley.

Ashlish 3:4

Ta regyryn dy enmyn ayd ayns Sardis hene, nagh vel er sollaghey nyn gharmadyn; as nee ad shooyl mârym’s ayns coamraghyn gial: son t’ad feeu.