Noo Mian 22:16 - Yn Conaant Noa 1810

¹⁶ As hug ad magh huggey shiartanse jeusyn v’ad hene er n’ynsaghey marish ny Herodianee, gra, Vainshter, ta fys ain dy vel oo firrinagh, as dy vel oo gynsaghey raad Yee ’syn ynrickys, chamoo t’ou ayns aggle roish dooinney erbee: son cha vel oo soiaghey jeh persoon deiney.

Yn Vible Casherick 1775 1819

¹⁶ As hug ad magh huggey shiartanse jeusyn v’ad-hene er n’ynsaghey marish ny Herodianee, gra, Vainshter, ta fys ain dy vel oo firrinagh, as dy vel oo gynsaghey raad Yee ’syn ynrickys, chamoo t’ou ayns aggle roish dooinney erbee: son cha vel oo soiaghey jeh persoon deiney.

Noo Mian 1748

¹⁶ As hug ad magh huggey shiartance jeusyn va’d hene er nynsaghey, marish ny Herodianee, gra, Vainshter, ta fys ain dy vel oo firrinagh, as dy vel oo gynsaghey raad Yee ayns firrinys, cha‐moo t’ow ayns imnea roish dooinney erbee: son cha vel oo soiaghey jeh persoon deney.

Noo Mian 22:16 ပူးပေါင်းရင်းမြစ်များ

Noo Mian 22:24

Gra, Vainshter, ta Moses er ghra, My ta dooinney geddyn baase gyn cloan, dy vel e vraar dy phoosey yn ven echey, as dy hroggal seose sluight gys e vraar.

Noo Mian 22:26

As hooar y nah vraar myrgeddin baase, as y trass, gys y chiaghtoo.

Noo Mian 26:18

As dooyrt eh, Gow‐jee gys yn ard‐valley gys lheid y dooinney shen, as abbyr‐jee rish, Ta’n mainshter gra, Ta my hraa er‐gerrey, freill‐ym y chaisht ec dty hie’s marish my ostyllyn.

Noo Mian 26:49

As chelleeragh haink eh gys Yeesey, as dooyrt eh, Dy vannee dhyt, Vainshter; as phaag eh eh.

Noo Mark 10:17

As tra v’eh er n’gholl magh er y raad, haink fer roie ny whuail, as gliooney huggey, dênee eh jeh, Vainshter vie, cre neem’s dy voddym eiraght y chosney ayns y vea veayn?

Noo Mark 12:13

As hug ad huggey shiartanse jeh ny Phariseeyn, as ny Herodianee, dy ghoaill vondeish jeh ayns e ghoan.

Noo Mark 12:14

As tra v’ad er jeet, dooyrt ad rish, Vainshter, ta fys ain dy vel oo firrinagh, as nagh vel oo ayns imnea roish dooinney erbee; son cha vel oo soiaghey jeh persoon deiney, agh gynsaghey raad Yee ayns firrinys: vel eh lowal keesh y choyrt da Cesar, mannagh vel?

Noo Mark 3:6

As hie ny Phariseeyn magh, as chelleeragh ghow ad hene, as ny Herodianee, coyrle n’oï kys oddagh ad eh y stroie.

Noo Mark 8:15

As hug eh currym orroo, gra, Bee‐jee er nyn arrey, cur‐jee twoaie jeh soorid ny Phariseeyn, as jeh soorid Herod.

Noo Luke 20:21

As dênee ad jeh, gra, Vainshter, ta fys ain dy vel oo loayrt as gynsaghey dy cairagh; chamoo t’ou soiaghey jeh persoon erbee, agh gynsaghey raad Yee dy firrinagh.

Noo Luke 7:40

As dreggyr Yeesey, as dooyrt eh rish, Simon, ta red aym’s dy ghra rhyt, As dooyrt eh, Abbyr eh, vainshter.

Noo Ean 14:6

Dooyrt Yeesey rish, Mish y raad, yn irriney, as y vea: cha vel dooinney erbee cheet gys yn Ayr, agh lioryms.

Noo Ean 18:37

Dooyrt Pilate er‐y‐fa shen rish, Vel oo dty ree eisht? Dreggyr Yeesey, T’ou uss er ghra eh, ta mee my ree. Er son shoh ruggyr mee, as er yn oyr shoh haink mee gys y theihll, dy ymmyrkey feanish gys yn irriney, Ta dy chooilley unnane ta jeh’n irriney clashtyn my choraa.

Noo Ean 7:18

Eshyn ta loayrt jeh hene, t’eh shirrey e ooashley hene: agh eshyn ta shirrey yn ooashley echeysyn t’er choyrt eh, t’eh shen firrinagh, as cha vel neu‐chairys erbee ayn.

2 Corinthianee 2:17

Son cha vel shin myr ymmodee, ta soiaghey magh goo Yee dy molteyragh: agh myr jeh’n ynrickys agh myr jeh Jee, ayns shilley Yee ta shin loayrt ayns Creest.

2 Corinthianee 4:2

Agh ta shin er choyrt slane obbal da ny cliaghtaghyn follit scammyltagh, cha nee gimmeeaght ayns molteyrys, chamoo shirveish goo Yee dy foalsey, agh liorish soilshaghey magh yn irriney, faagail shin hene gys [briwnys] cooinsheanse dy chooilley ghooinney ayns fenish Yee.

2 Corinthianee 5:16

Shen‐y‐fa cha vel shin maghey shoh jannoo soiagh jeh dooinney erbee lurg yn eill: dy jarroo ga dy bione dooin Creest ayns yn eill, foast cha nhione dooin eh myr shoh ny‐sodjey.

Galatianee 1:10

Son vel mee nish geearree foayr gheiney, ny foayr Yee? ny vel mee shirrey dy wooiys deiney? son dy beign foast shirrey pleasal deiney, cha beign sharvaant Chreest.

Galatianee 2:6

Agh er nyn son ocsyn va lowit dy ve red ennagh (cre‐erbee v’ad, cha vel eh veg dooys: cha vel Jee soiaghey jeh persoon dooinney erbee) dy jarroo er nyn son ocsyn va goit dy ve myr shoh, tra va shin noi‐ry‐hoi, cha dynsee mee veg sodjey voue.

1 Thessalonianee 2:4

Agh myr va shin lowit liorish Jee currym y tushtal dy ve orrin, dy jarroo myr shoh ta shin loayrt, cha nee shirrey deiney y wooiys, agh Jee, ta trial nyn greeaghyn.

Jamys 3:17

Agh y chreenaght ta veih’n yrjey t’ee hoshiaght glen, eisht sheeoil, meen, as aashagh dy ve coyrlit, lane dy erreeish as dy vessyn mie, fegooish neu‐chorrymid, as fegooish chraueeaght‐oalsey.

1 Ean 5:20

As ta fys ain dy vel Mac Yee er jeet, as er choyrt dooin tushtey, dy vod mayd enney y choyrt ersyn ta firrinagh: as ta shin aynsyn ta firrinagh, dy jarroo ayns e Vac Yeesey Creest. Shoh yn Jee firrinagh, as yn vea dy bragh farraghtyn.