Noo Mian 21:41 - Yn Conaant Noa 1810

⁴¹ Dooyrt adsyn rish, Stroie‐ee eh fegooish myghin ny drogh‐gheiney shen, as nee eh soiaghey yn garey‐feeyney rish tannys elley, livrey‐ys ny messyn da ayns nyn imbagh cooie.

Yn Vible Casherick 1775 1819

⁴¹ Dooyrt adsyn rish, Stroie-ee eh fegooish myghin ny drogh gheiney shen, as nee eh soiaghey yn garey-feeyney rish tannys elley, livrey-ys ny messyn da ayns nyn imbagh cooie.

Noo Mian 1748

⁴¹ Doort adsyn rish, Stroie‐ee e fegooish myghin ny drogh gheney shen, as soiee e yn garey‐feeney rish fir‐hie elley, livrey‐ys ny messyn da, ayns nyn imbaghyn.

Noo Mian 21:41 ပူးပေါင်းရင်းမြစ်များ

Noo Mian 21:34

As tra va earish ny mess tayrn er‐gerrey, hug eh e ir‐vooinjerey gys y tannys, dy gheddyn jeh’n mess echey.

Noo Mian 21:40

Tra hig er‐y‐fa shen Chiarn y gharey‐feeyney, Cre nee eh rish y tannys shen?

Noo Mian 21:43

Shen‐y‐fa ta mish gra riu, Dy bee reeriaght Yee er ny ghoaill veue‐ish, as er ny choyrt da ashoon ymmyrkys magh yn mess echey.

Noo Mian 3:12

Ta’n cleayst echey ayns e laue, as nee eh dy bollagh e laare‐vooie y ghlenney, as gowee eh e churnaght stiagh ayns e hie‐tashtee: agh loshtee eh yn choau lesh aile nagh bee er ny vooghey.

Noo Luke 20:16

Hig eh as stroie‐ee eh ny eirinnee shoh, as ver eh yn garey‐feeyney da feallagh elley. As tra cheayll ad shen, dooyrt ad, Nar lhig eh Jee.

Jannoo 15:7

As erreish daue v’er ve foddey resooney, dirree Peddyr seose, as dooyrt eh roo, Gheiney as vraaraghyn, ta fys eu foddey er‐dy‐henney, dy ren Jee reih y yannoo nyn mast’ ain, dy row ny Ashoonee veih my veeal’s dy chlashtyn goo yn tushtal, as dy chredjal.

Jannoo 18:6

Agh son wheesh as dy dirree ad magh n’oï, as dy loayr ad dy lunagh, chrie eh e choamrey, as dooyrt eh roo, Yn uill eu dy row er ny king eu hene; ta mish neu‐chyndagh: veih shoh magh hem roym gys ny Ashoonee.

Jannoo 28:28

Lhig da fys y ve euish er‐y‐fa shen, dy vel saulatys Yee er n’eaishtee ad rish.

Jannoo 28:8

As haink eh gy‐kione dy row ayr Phublius ny lhie dy ching ayns y chiassaghey, as ’sy ghiarey‐folley: as hie Paul stiagh huggey, as ghow eh padjer, as hug eh e laueyn er, as laanee eh eh.

1 Thessalonianee 2:16

Lhiettal shin veih loayrt rish ny Ashoonyn‐quaagh, dy voddagh ad v’er nyn sauail, dy lhieeney seose dy kinjagh towse nyn beccaghyn: son ta corree dy heet orroo gys y chooid sodjey.

Hebrewnee 12:25

Jeeagh‐jee nagh der shiu cooyl rishyn ta loayrt: son mannagh ren adsyn scapail hug cooyl rishyn ren loayrt er y thalloo, foddey smoo cha jig eh lhienyn my hyndaa‐ys mayd ersooyl voishyn ta loayrt veih niau:

Hebrewnee 2:3

Kys oddys shinyn scapail, my nee mayd mee‐rioose er saualtys cha gloyroil, va hoshiaght focklit magh liorish y Chiarn, as v’er ny hickyraghey dooinyn lioroosyn cheayll eh;