Noo Mian 21:31 - Yn Conaant Noa 1810

³¹ Quoi jeu shoh ny‐neesht ren aigney e ayrey? Dooyrt adsyn rish, Yn mac shinney. Dooyrt Yeesey roo, Dy firrinagh ta mee gra riu, dy jed ny publicanee as ny drogh‐vraane stiagh ayns reeriaght Yee reue‐ish.

Yn Vible Casherick 1775 1819

³¹ Quoi jeu shoh ny-neesht ren aigney e ayrey? Dooyrt adsyn rish, Yn mac shinney. Dooyrt Yeesey roo, Dy firrinagh ta mee gra riu, dy jed ny publicanee as ny drogh-vraane stiagh ayns reeriaght Yee reueish.

Noo Mian 1748

³¹ Quoi jeu shoh nyn neesht ren aigney e ayrey? Doort adsyn rish, Yn chied vac. Doort Yeesey roo, Dy firrinagh ta mee gra riu, dy jed ny publicanee as ny streebaghyn stiagh ayns reeriaght Yee, reuish.

Noo Mian 21:31 ပူးပေါင်းရင်းမြစ်များ

Noo Mian 12:50

Son quoi‐erbee nee aigney my Ayrey t’ayns niau, eh shen my vraar, as my huyr as my voir.

Noo Mian 18:3

As dooyrt eh, Dy firrinagh ta mee gra riu, Mannagh jean shiu chyndaa, as cheet dy ve myr cloan veggey, cha jed shiu stiagh ayns reeriaght niau.

Noo Mian 20:16

Myr shen bee adsyn ta er‐jerrey hoshiaght, as adsyn ta hoshiaght er‐jerrey: son shimmey t’er nyn eam, agh s’tiark t’er nyn reih.

Noo Mian 21:30

As haink eh gys e vac saa, as loayr eh rish myrgeddin. As dreggyr eshyn, as dooyrt eh, Hem, vainshter; as cha jagh eh.

Noo Mian 5:18

Son dy firrinagh ta mee gra riu, Derrey nee yn aer as yn ooir lheïe ersooyl, cha bee un ockle, n’yn floag sloo er ny ghoaill veih’n leigh, derrey vees ooilley jeant mie.

Noo Mian 5:46

Son my ta shiu graihagh orroosyn ta graihagh erriuish, cre’n leagh ta nyn gour? nagh vel eer ny publicanee jannoo yn lheid cheddin?

Noo Mian 6:5

As tra vees oo goaill padjer, cha jean oo myr ny crauee‐oalsey: son shynney lhieusyn shassoo seose ayns ny margaghyn, as ayns king ny straidyn dy ghoaill padjer, er‐chee dy v’er ny akin liorish deiney. Dy firrinagh ta mee gra riu, dy vel ad er gheddyn nyn leagh.

Noo Mian 7:21

Cha nee dy chooilley unnane jir rhym’s, Hiarn, Hiarn, hed stiagh er reeriaght niau: agh eshyn ta jannoo aigney my Ayrey t’ayns niau.

Noo Mian 9:9

As tra va Yeesey er n’gholl veih shen, honnick eh dooinney va enmyssit Mian, ny hoie ec boayrd y cheesh: as dooyrt eh rish, Eiyr orrym’s. As dirree eh seose, as deiyr eh er.

Noo Luke 15:10

Myrgeddin ta mee gra riu, dy vel boggey ayns fenish ainleyn Yee jeh un pheccagh ta goaill arrys.

Noo Luke 19:22

As dooyrt eh rish, Ass dty veeal hene nee’m oo y vriwnys, uss ghrogh harvaant, Va fys ayd dy row mee my ghooinney creoi, troggal shen nagh dug mee sheese, as buinn shen nagh chuirr mee:

Noo Luke 7:29

As ren ooilley yn pobble cheayll eh, as ny publicanee Jee y heyrey, as v’ad er nyn mashtey lesh bashtey Ean.

Noo Ean 3:3

Dreggyr Yeesey as dooyrt eh rish, Dy firrinagh firrinagh ta mee gra rhyt, Mannagh bee dooinney er ny ruggey reesht, cha vod eh reeriaght Yee y akin.

Noo Ean 3:5

Dreggyr Yeesey, Dy firrinagh firrinagh ta mee gra rhyt, Mannagh bee dooinney er ny ruggey jeh ushtey as jeh’n spyrryd, cha vod eh goll stiagh ayns reeriaght Yee.

Jannoo 17:30

As er earishyn y vee‐hushtey oc, cha ghow Jee kerraghey; agh nish t’eh cur sarey da dy chooilley ghooinney er feai ny cruinney arrys y ghoaill:

Romanee 3:19

Nish ta fys ain cre‐erbee ta’n leigh dy ghra, te dy ghra roosyn ta fo’n leigh: dy vod dagh beeal ve ny host, as dy vod ooilley’n seihll ve oolee fenish Yee.

Romanee 5:20

Agh haink y leigh stiagh, dy voddagh loght ve ny s’cronnal: agh raad vishee peccah, ren grayse bishaghey foddey smoo:

2 Peddyr 3:9

Cha vel y Chiarn moal mychione e ghialdynys, (myr ta paart dy gheiney coontey meillid) agh jeh surranse‐foddey dooinyn, neu‐wooaiagh dy jinnagh unnane erbee cherraghtyn, agh dy darragh ooilley gys arrys.