Noo Mian 20:22 - Yn Conaant Noa 1810

²² Agh dreggyr Yeesey as dooyrt eh, Cha vel fys eu hene cre ta shiu dy yeearree. Vod shiu giu jeh’n cappan ta mish giu jeh, as v’er nyn mashtey lesh y bashtey ta mish dy ve bashtit lesh? Dooyrt adsyn rish, Foddee mayd?

Yn Vible Casherick 1775 1819

²² Agh dreggyr Yeesey as dooyrt eh, Cha vel fys eu hene cre ta shiu dy yeearree. Vod shiu giu jeh’n cappan ta mish giu jeh, as v’er nyn mashtey lesh y bashtey ta mish dy ve bashtit lesh? Dooyrt adsyn rish, Foddee mayd?

Noo Mian 1748

²² Agh dreggyr Yeesey as doort e, Cha s’eu cre ta shiu dy yearree. Vel shiu able giu jeh’n cappan ta mish giu jeh, as v’er nyn mashtey lesh y bashtey ta mish bashtit lesh? Doort adsyn rish, Ta shin able.

Noo Mian 20:22 ပူးပေါင်းရင်းမြစ်များ

Noo Mian 26:35

Dooyrt Peddyr rish, Dy beign dou goll gy baase mayrt, cha nobbin oo. As er yn aght cheddin loayr ooilley ny ostyllyn.

Noo Mian 26:39

As hie eh red beg sodjey, as huitt eh sheese er e eddin, as ghow eh padjer, as dooyrt eh, O my Ayr, my oddys eh ’ve lhig da’n cappan shoh goll shagh‐ym: ny‐yeih cha nee m’aigney’s, agh dty aigney’s dy row jeant.

Noo Mian 26:42

Hie eh roish reesht yn nah cheayrt, as ghow eh padjer, gra, O my Ayr, mannagh vod yn cappan shoh goll shagh ym, fegooish mee dy iu eh, dty aigney’s dy row jeant.

Noo Mian 26:56

Agh va ooilley shoh jeant, dy voddagh scriptyryn ny phadeyryn ve cooilleenit. Eisht ren ooilley ny ostyllyn treigeil eh, as cosney roue.

Noo Mark 14:36

As dooyrt eh, Abba, Ayr, ta dy chooilley nhee ayns dty phooar, gow ersooyl yn cappan shoh voym: ny‐yeih cha nee my aigney’s, agh dty aigney’s dy row jeant.

Noo Luke 12:50

Agh ta bashtey ayms dy ve er my vashtey lesh, as kys ta mee êginit, derrey vees eh er ny chooilleeney?

Noo Luke 22:42

Gra, Ayr, my she dty aigney eh, scugh yn cappan shoh voym: ny‐yeih cha nee my aigney’s, agh dt’aigney’s dy row jeant.

Noo Ean 18:11

Eisht dooyrt Yeesey rish Peddyr, Cur seose dty chliwe ayns y fine: yn cappan ta my Ayr er chur dou, nagh niu‐ym eh?

Romanee 8:26

Ta’n Spyrryd hene myrgeddin niartaghey lesh ny annooinidyn ain: son cha vel fys ain cre ta shin dy ghuee er y hon myr lhisagh shin: agh ta’n Spyrryd cheddin jannoo accan er nyn son lesh osnaghyn nagh vod glare soilshaghey.

Jamys 4:3

Ta shiu geearree as cha vel shiu geddyn, er‐y‐fa dy vel shiu geearree ass y raad, dy vod shiu y vaarail eh er ny sayntyn eu hene.