Noo Mian 19:21 - Yn Conaant Noa 1810

²¹ Dooyrt Yeesey rish, My sailt ve dy firrinagh mie, immee, as creck, as cur ny t’ayd da ny boghtyn, as bee berchys ayd ayns niau; as tar as eiyr orrym’s.

Yn Vible Casherick 1775 1819

²¹ Dooyrt Yeesey rish, My sailt ve dy firrinagh mie, immee, as creck, as cur ny t’ayd da ny boghtyn, as bee berchys ayd ayns niau; as tar as eiyr orrym’s.

Noo Mian 1748

²¹ Doort Yeesey rish, My bailt ve dy firrinagh mie, immee as creck as cur ny t’ayd da ny boughtyn, as bee berchys ayd ayns niau; as tar as eyr orryms.

Noo Mian 19:21 ပူးပေါင်းရင်းမြစ်များ

Noo Mian 16:24

Eisht dooyrt Yeesey rish e ostyllyn, My ta dooinney erbee aggindagh geiyrt orrym’s, lhig da eh hene y obbal, as e chrosh y hroggal, as geiyrt orrym.

Noo Mian 19:20

Dooyrt y dooinney aeg rish, Ooilley ny annaghyn shoh ta mee er vreayll veih aegid: cre sodjey t’orrym dy yannoo?

Noo Mian 19:22

Agh tra cheayll yn dooinney aeg yn raa shen, hie eh ersooyl dy trimshagh: son va state mooar hallooin echey.

Noo Mian 19:28

Dooyrt Yeesey roo, Dy firrinagh ta mee gra riu, ’Sy stayd noa, tra nee Mac y dooinney soie er stoyl‐reeoil e ghloyr, dy jean shiuish myrgeddin t’er n’eiyrt orrym’s soie er daa stoyl‐reeoil yeig, briwnys daa heeloghe yeig Israel.

Noo Mian 4:19

As dooyrt eh roo, Eiyr‐jee orrym’s, as neem’s shiu nyn eeasteyryn dy gheiney.

Noo Mian 5:48

Bee‐jee shuish er‐y‐fa shen slane‐ynrick, eer myr ta nyn Ayr t’ayns niau slane‐ynrick.

Noo Mian 8:22

Agh dooyrt Yeesey rish, Eiyr orrym’s, as lhig da ny merriu nyn merriu y oanluckey.

Noo Mian 9:9

As tra va Yeesey er n’gholl veih shen, honnick eh dooinney va enmyssit Mian, ny hoie ec boayrd y cheesh: as dooyrt eh rish, Eiyr orrym’s. As dirree eh seose, as deiyr eh er.

Noo Mark 10:21

Eisht Yeesey, jeeaghyn dy ennoil er, dooyrt rish, Ta un red ort foast dy yannoo: immee royd, as creck ny t’ayd, as cur eh da ny boghtyn, as bee berchys ayd ayns niau; as tar, trog y chrosh, as eiyr orrym’s.

Noo Mark 2:14

As myr v’eh goll shaghey, honnick eh Levi mac Alpheus ny hoie ec boayrd y cheesh, as dooyrt eh rish, Eiyr orrym’s. As dirree eh seose as deiyr eh er.

Noo Mark 8:34

As tra v’eh er n’eamagh er y pobble huggey, marish e ostyllyn, dooyrt eh roo, Quoi‐erbee ta aggindagh‐geiyrt orrym’s, lhig da eh hene y obbal, as e chrosh y hroggal, as geiyrt orrym.

Noo Luke 12:33

Creck‐jee ny t’eu, as cur‐jee da ny boghtyn: kiare‐jee diu hene sporranyn nagh naase shenn, berchys ayns ny niaughyn nagh vel failleil, raad nagh vel y maarliagh cheet er‐gerrey, ny’n lhemeen cur mow.

Noo Luke 14:33

Myr shen myrgeddin quoi‐erbee jiuish, nagh vel treigeil ooilley ny t’echey, cha vod eh ve ny eiyrtyssagh dooys.

Noo Luke 16:9

As ta mee gra riu, Jean‐jee diu hene caarjyn liorish yn mammon molteyragh; tra nee shiu failleil, dy vod ad shiu y ghoaill stiagh gys ny ynnydyn‐vaghee dy bragh farraghtyn.

Noo Luke 18:22

Nish tra cheayll Yeesey shoh, dooyrt eh rish, Ta foast ort un red y yannoo: creck as rheynn ooilley ny t’ayd er ny boghtyn, as bee berchys ayd ayns niau: as tar, as eiyr orrym’s.

Noo Luke 5:27

As ny lurg shoh hie eh magh, as honnick eh publican va enmyssit Levi, ny hoie ec boayrd y cheesh: as dooyrt eh rish, Eiyr orrym’s.

Noo Luke 6:40

Cha vel y schoillar erskyn e vainshter: agh bee dy chooilley unnane ta slane ynsit, corrym rish e vainshter.

Noo Luke 9:23

As dooyrt eh roo ooilley, My ta dooinney erbee aggindagh geiyrt orrym’s, lhig da eh hene y obbal, as e chrosh y hroggal gagh laa, as geiyrt orrym.

Noo Ean 10:27

Ta my chirree clashtyn my choraa, as ta enney aym orroo, as eiyree ad orrym.

Noo Ean 12:26

My nee dooinney erbee mish y hirveish, lhig da geiyrt orrym; as y raad ta mish, shen y raad myrgeddin vees my harvaant: my nee dooinney erbee mish y hirveish, dasyn ver my Ayr onnor.

Jannoo 2:45

As chreck ad nyn gummallyn as nyn gooid, as reynn ad er dy chooilley ghooinney rere nyn ymmyrch.

Hebrewnee 10:34

Son va chymmey eu orrym’s ayns my gheulaghyn, as ghow shiu dy arryltagh rish spooilley nyn gooid, toiggal ayndiu hene dy vel nyn gour cooid share as s’beayn ayns niau.