Noo Mian 19:16 - Yn Conaant Noa 1810

¹⁶ As cur‐my‐ner, haink fer huggey, as dooyrt eh rish, Vainshter vie, cre’n obbyr vie lhisins y yannoo dy chosney yn vea veayn?

Yn Vible Casherick 1775 1819

¹⁶ As cur-my-ner, haink fer huggey, as dooyrt eh rish, Vainshter vie, cre’n obbyr vie lhisin’s y yannoo dy chosney yn vea veayn?

Noo Mian 1748

¹⁶ ¶ As cur‐my‐ner haink fer huggey as doort e rish, Vainshter vie, Cre’n red mie neems, dy vod yn vea veayn y ve aym?

Noo Mian 19:16 ပူးပေါင်းရင်းမြစ်များ

Noo Mian 19:15

As hug eh e laueyn orroo, as jimmee eh veih shen.

Noo Mian 19:26

Agh yeeagh Yeesey orroo, as dooyrt eh roo, Gys deiney ta shoh neu‐phossible, agh da Jee ta dy chooilley nhee possible.

Noo Mian 19:29

As dy chooilley unnane t’er hreigeil thieyn, ny braaraghyn, ny shayraghyn, ny ayr, ny moir, ny ben, ny cloan, ny thalloo, er graih m’ennym’s, yiow ad keead filley, as eiraght ayns y vea veayn.

Noo Mian 25:46

As hed ad shoh ersooyl gys y kerraghey dy bragh farraghtyn: agh y chloan chairagh gys y vea veayn.

Noo Ean 10:28

As ta mee cur daue yn vea veayn, as cha jean ad dy bragh cherraghtyn, as cha n’ghow fer erbee ad ass my laue er‐niart.

Noo Ean 12:25

Eshyn shynney lesh e vioys, caillee eh eh: agh eshyn nagh vel soiaghey jeh e vioys ’sy theihll shoh, freillee eh eh gys y vea veayn.

Noo Ean 3:15

Nagh jean quoi‐erbee ta credjal ayn cherraghtyn, agh dy bee yn vea ta dy bragh farraghtyn echey.

Noo Ean 4:14

Agh quoi‐erbee iu‐ys jeh’n ushtey ver‐yms da, cha bee eh dy bragh paagh: agh bee yn ushtey ver‐ym da ny farrane ushtey ayn nee geill gys y vea ta dy bragh farraghtyn.

Noo Ean 5:39

Ronsee‐jee ny scriptyryn, son ayndoosyn ta shiu smooinaghtyn dy vel y vea veayn eu, as she ad shen ta gymmyrkey feanish jeem’s.

Noo Ean 6:47

Dy firrinagh firrinagh ta mee gra riu, Eshyn ta credjal aynyms ta’n vea ta dy bragh farraghtyn echey.

Noo Ean 6:68

Eisht dreggyr Simon Peddyr eh, Hiarn, quoi gys hem mayd? ayd’s ta goan y vea veayn.

Jannoo 16:30

As hug eh lesh ad magh, as dooyrt eh, Gheiney vie, cre t’orrym dy yannoo dy chosney saualtys?

Romanee 2:7

Dauesyn, liorish tannaghtyn dy meen ayns jannoo mie, ta shirrey son gloyr, as ooashley, as flaunys; yn vea dy bragh farraghtyn:

Romanee 5:21

’Naght myr ta peccah er reill gys baase, eer myr shen dy voddagh grayse reill trooid cairys gys y vea ta dy bragh farraghtyn, liorish Yeesey Creest nyn Jiarn.

1 Timothy 1:16

Ny‐yeih, er‐yn‐oyr shoh hooar mee myghin, ayn‐yms dy voddagh Yeesey Creest hoshiaght soilshaghey magh dy chooilley hurranse‐foddey, son sampleyr dauesyn yinnagh ny lurg shoh credjal aynsyn gys bea dy bragh farraghtyn.

1 Timothy 6:12

Bee dty hidoor dunnal son y chredjue, gow greme er y vea veayn, gys shen t’ou myrgeddin er dty eam, as er n’ghoaill rish credjue mie kiongoyrt rish ymmodee feanishyn.

1 Timothy 6:19

Coyrt seose ayns stoyr nyn gour oc hene undin mie ry‐hoï yn traa ta ry heet, dy vod ad greme y ghoaill er y vea veayn.

Titus 1:2

Ayns treishteil jeh’n vea veayn, ren Jee nagh vod breg y insh, gialdyn roish my row’n seihll er ny chroo;

Titus 3:7

Er ny heyrey liorish e ghrayse, dy voddagh shin ve jeant nyn eiraghyn cordail rish treishteil yn vea veayn.

1 Ean 1:2

(Son va’n vea er ny hoilshaghey, as ta shin er vakin eh, as ta shin gymmyrkey feanish, as soilshaghey diu yn vea veayn shen, va marish yn Ayr, as va er ny hoilshaghey dooin;)

1 Ean 2:25

As shoh yn gialdyn t’eh er n’yannoo dooin, dy jarroo yn vea veayn.

1 Ean 5:20

As ta fys ain dy vel Mac Yee er jeet, as er choyrt dooin tushtey, dy vod mayd enney y choyrt ersyn ta firrinagh: as ta shin aynsyn ta firrinagh, dy jarroo ayns e Vac Yeesey Creest. Shoh yn Jee firrinagh, as yn vea dy bragh farraghtyn.

Jude 1:21

Freill‐jee shiu hene ayns graih Yee, jerkal rish myghin nyn Jiarn Yeesey Creest gys bea dy bragh farraghtyn.