Noo Mian 18:28 - Yn Conaant Noa 1810

²⁸ Agh hie yn charvaant cheddin magh, as hooar eh fer jeh e heshaghyn‐sharvaant va lhiastyn keead ping da: as haare eh greme er, as ghow eh eh er y scoarnagh, gra, Eeck shen ny t’ou dy lhiastyn.

Yn Vible Casherick 1775 1819

²⁸ Agh hie yn charvaant cheddin magh, as hooar eh fer jeh e heshaghyn-sharvaant va lhiastyn keead ping da: as haare eh greme er, as ghow eh eh er y scoarnagh, gra, Eeck shen ny t’ou dy lhiastyn.

Noo Mian 1748

²⁸ Agh hie yn chiarvaant keddyn magh, as hooar e fer jeh ny sheshaghyn shiarvaantyn echey va liastyn da keead ping: as haar e greme er, as ghow e e er y scoarnagh, gra, Eeck shen ny t’ow dy liastyn.

Noo Mian 18:28 ပူးပေါင်းရင်းမြစ်များ

Noo Mian 18:27

Eisht va chiarn y charvaant shen er ny veiyghey lesh chymmey, as ren eh feaysley er, as leih eh da ny ve’h dy lhiastyn.

Noo Mian 18:29

As huitt e heshey‐harvaant sheese ec e chassyn, as ghuee eh er, gra, Cur daill dou, as nee’m ooilley y eeck dhyt.

Noo Mian 20:2

As tra v’eh er choardail rish ny labreeyn son ping ’sy laa, hug eh ad stiagh ayns e gharey‐feeyney.

Noo Mark 14:5

Son oddagh eh v’er ny ve creckit son ny smoo na three cheead ping, as shen baarit er ny boghtyn. As v’ad jymmoosagh r’ee.

Noo Mark 6:37

As dreggyr eshyn as dooyrt eh roo, Cur‐jee shiuish bee daue. As dooyrt ad rish, Nailt shin goll dy chionnaghey feeagh daa cheead ping dy arran, as beaghey ’chur daue?

Noo Luke 10:35

As laa ny vairagh tra v’eh goll roish, ghow eh daa pheesh dy argid as hug eh ad da mainshter y thie‐oast as dooyrt eh rish, Gow kiarail jeh; as cre‐erbee smoo vaarys oo er, eeck‐ym dhyt eh, tra hig‐ym reesht.

Noo Luke 7:41

Va dooinney dy row, as jees ayns lhiastynys da: va’n derrey yeh lhiastyn queig cheead ping, as y jeh elley jeih pingyn as da‐eed.

Noo Ean 6:7

Dreggyr Philip eh, Cha bee feeagh daa cheead ping dy arran dy liooar daue, dy vod dagh unnane oc kuse y ghoaill.