Noo Mian 18:10 - Yn Conaant Noa 1810

¹⁰ Cur‐jee twoaie nagh soie shiu beg jeh unnane jeh’n vooinjer veggey shoh: son ta mee gra riu, dy vel ny ainleyn ocsyn ayns niau, kinjagh cur‐my‐ner eddin my Ayr flaunyssagh.

Yn Vible Casherick 1775 1819

¹⁰ Cur-jee twoaie nagh soie shiu beg jeh unnane jeh’n vooinjer veggey shoh: son ta mee gra riu, dy vel ny ainleyn ocsyn ayns niau, kinjagh cur-my-ner eddin my Ayr flaunyssagh.

Noo Mian 1748

¹⁰ Cur‐jee twoai nagh soie shiu beg jeh annane jeh’n vooinjer veggey shoh; son ta mee gra riu, dy vel ny ainlyn ocsyn ayns niau, kinjagh cur‐my‐ner eddin yn Ayr ayms t’ayns niau.

Noo Mian 18:10 ပူးပေါင်းရင်းမြစ်များ

Noo Mian 1:20

Agh choud as va ny reddyn shoh er e aigney, cur‐my‐ner haink ainle y Chiarn huggey ayns ashlish, gra, Yoseph, vac Ghavid, ny bee aggle ort dy ghoaill hood Moirrey dty ven: son shen t’er ny ghientyn aynjee, te jeh’n Spyrryd Noo.

Noo Mian 12:20

Cuirtlagh vroojit cha jean eh y vrishey, as y bite giare‐cheaut cha der eh ass, derrey ver eh magh briwnys ayns barriaght.

Noo Mian 18:14

Er yn aght cheddin, cha nee aigney nyn Ayr t’ayns niau eh, unnane jeh’n vooinjer veggey shoh dy herraghtyn.

Noo Mian 18:6

Agh quoi‐erbee ver oyr da unnane jeh’n vooinjer veggey shoh ta credjal aynym’s dy huittym [veih’n chredjue] veagh eh ny baare da dy beagh clagh‐wyllin er ve croghit mysh e wannal, as eh dy ve baiht ayns diunid ny marrey.

Noo Mian 2:13

As tra v’ad er n’immeeaght, cur‐my‐ner haink ainle y Chiarn gys Joseph ayns ashlish, gra Trog ort, gow yn lhiannoo as e voir, cosne royd gys Egypt, as fuirree ayns shen derrey ver‐yms fys hood: son shirree Herod y lhiannoo dy stroie eh.

Noo Mian 2:19

Agh lurg baase Herod, cur‐my‐ner haink ainle y Chiarn ayns ashlish gys Joseph ayns Egypt,

Noo Mian 24:31

As ver eh magh e ainleyn lesh yn trumpet dy ard‐choraa, as nee ad e chloan reiht y haglym cooidjagh veih ny kiare geayghyn, veih’n derrey ard fo’n aer gys yn ard elley.

Noo Luke 1:19

As dreggyr yn ainle as dooyrt eh rish, Mish Gabriel ta shirveish fenish Yee; as ta mee er my choyrt dy loayrt rhyt, as dy hoilshaghey dhyt ny naightyn mie shoh.

Noo Luke 10:16

Eshyn eaishtys riuish, t’eh geaishtagh rhym’s: as eshyn ta soiaghey beg jiuish, t’eh soiaghey beg jeem’s: as eshyn ta soiaghey beg jeem’s, t’eh soiaghey beg jehsyn ta er my choyrt.

Noo Luke 16:22

As haink eh gy‐kione, dy dooar y dooinney boght baase, as dy dug ny ainleyn lhieu eh gys oghrish Abraham: hooar y dooinney berchagh myrgeddin baase, as v’eh er ny oanluckey.

Jannoo 10:3

Honnick eh shoh ayns ashlish dy baghtal, mysh yn nuyoo oor jeh’n laa, ainle dy Yee cheet stiagh huggey, as gra rish, Cornelius.

Jannoo 12:15

Dooyrt adsyn r’ee, T’ou ass dty cheeayl. Agh ren ish dy jeean shickyraghey dy row eh eer myr shen. Eisht dooyrt ad, She yn ainle echey t’ayn.

Jannoo 12:23

As chelleeragh woaill ainle y Chiarn eh, er‐yn‐oyr nagh dug eh yn gloyr da Jee: as v’eh eeit ec ny crooagyn, as shen myr hooar eh baase.

Jannoo 27:23

Son hass liorym’s noght ainle Yee, quoi s’lesh mee, as eh ta mee dy hirveish,

Jannoo 5:19

Agh doshil ainle y Chiarn dorrysyn y phryssoon ayns yn oie, as hug eh lesh ad magh, as dooyrt eh,

Romanee 14:10

Agh cre’n‐fa t’ou briwnys dty vraar? ny cre’n‐fa t’ou soiaghey beg jeh dty vraar? Son shegin dooin ooilley shassoo kiongoyrt rish stoyl‐briwnys Chreest.

Romanee 14:21

Cha vel eh mie dy ee feill, ny dy iu feeyn, ny nhee erbee elley liorish ta dty vraar ayns dangeyr tuittym, ny dy ve agglit veih, ny lhag ’sy chredjue.

Romanee 15:1

Lhisagh shinyn eisht ta lajer , gymmyrkey lesh ny annooinidyn ocsyn ta moal‐chredjuagh, as cha nee dy wooiys shin hene.

1 Corinthianee 11:22

Cre, nagh vel thieyn eu dy ee as dy iu ayndoo? ny nee beg ta shiu soiaghey jeh keeill Yee, as naaraghey adsyn nagh vel thieyn oc? Cre nee’m y ghra riu? jeanym shiu y voylley ayns shoh? Cha vel mee moylley shiu.

1 Corinthianee 16:11

Ny lhig da dooinney erbee er‐y‐fa shen beg y hoiaghey jeh, agh cur‐jee eh er e hoshiaght ayns shee, dy vod eh cheet hym’s: son ta mee jeeaghyn er e hon marish ny braaraghyn.

1 Corinthianee 9:22

Dauesyn ta faase‐chredjuagh, haink mee dy ve myr faase‐chredjuagh, dy voddin yn vooinjer faase chredjuagh y chosney: dy chooilley aght ta mee er m’ymmyrkey hene gys dy chooilley ghooinney, dy voddin liorish dy chooilly haase paart y hauail.

2 Corinthianee 10:1

Nish ta mish Paul mee hene guee erriu, liorish meenid as meiyghys Chreest, mish ta dy yeeaghyn orrym pene fardalagh nyn mast’ eu, agh dunnal tra ta mee veue.

2 Corinthianee 10:10

Son ta ny screeunyn echey (jir adsyn) breeoil as niartal, agh dy yeeaghyn er y dooinney hene t’eh annoon, as e ghlare dyn bree.

Galatianee 6:1

Vraaraghyn, my ta dooinney taghyrt dy huittym ayns peccah, shiuish ta spyrrydoil, gow‐jee stiagh eh reesht ayns y spyrryd dy veenid; smooinaghtyn ort hene, er‐aggle dy vod uss myrgeddin ve miolit.

1 Thessalonianee 4:8

Eshyn er‐y‐fa shen ta soiaghey beg, cha vel eh soiaghey beg jeh dooinney, agh jeh Jee, ta myrgeddin er choyrt dooinyn e Spyrryd casherick.

1 Timothy 4:12

Ny lhig da dooinney erbee beg y hoiaghey jeh dty aegid, agh bee dty hampleyr dauesyn ta credjal, ayns goo, ayns ymmykey‐bea, ayns graih, ayns spyrryd, ayns credjue, ayns glennid.

Hebrewnee 1:14

Nagh nee spyrrydyn shirveishagh ad ooilley er nyn goyrt magh dy hirveish orroosyn vees eiraghyn dy haualtys?

Hebrewnee 9:24

Son cha vel Creest er n’gholl stiagh ayns ny ynnydyn casherick jeant lesh laueyn, ta co‐chaslyslyn jeh’n ynnyd firrinagh; agh ayns niau hene, nish dy hassoo ayns fenish Yee er nyn son:

Ashlish 8:2

As honnick mee ny shiaght ainleyn va nyn shassoo kiongoyrt rish Jee; as dauesyn v’er ny choyrt shiaght cayrnyn.