Noo Mian 17:5 - Yn Conaant Noa 1810

⁵ Choud as v’eh foast loayrt, ren bodjal sollys skeayley harrystoo: as cur‐my‐ner haink coraa ass y vodjal, gra, Shoh my vac ennoil, ayn ta mee goaill slane taitnys, eaisht‐jee rishyn.

Yn Vible Casherick 1775 1819

⁵ Choud as v’eh foast loayrt, ren bodjal sollys skeayley harrystoo: as cur-my-ner haink coraa ass y vodjal, gra, Shoh my vac ennoil, ayn ta mee goaill slane taitnys, eaisht-jee rishyn.

Noo Mian 1748

⁵ Choud as ve foast loart, cur‐my‐ner, ren bodjal sollys scadoo y hilgey harrystoo, as cur‐my‐ner coraa ass y vodjal, doort, Shoh my vac graihagh, jeh ta mee dy moar soiaghey, easht‐jee rish.

Noo Mian 17:5 ပူးပေါင်းရင်းမြစ်များ

Noo Mian 12:18

Cur‐my‐ner, my hirveishagh hene ta mee er reih, my er‐graihagh hene, eer taitnys my anmey: ver‐yms yn spyrryd aym’s ersyn, as soilshee eh briwnys da ny Ashoonee.

Noo Mian 17:6

As tra cheayll ny ostyllyn eh, huitt ad sheese er nyn eddin gys y thalloo, son s’mooar yn aggle v’orroo.

Noo Mian 3:17

As cur‐my‐ner, coraa veih niau gra, Shoh my vac ennoil, jeh ta mee dy mooar soiaghey.

Noo Mark 1:11

As haink coraa veih niau, gra, Oo my vac ennoil, jeed ta mee dy mooar soiaghey.

Noo Mark 9:7

As ren bodjal scadoo y hilgey harrystoo: as haink coraa ass y vodjal, gra, Shoh my vac ennoil; eaisht‐jee rish.

Noo Luke 3:22

As haink y Spyrryd Noo neose er, myr ayns cummey dooghyssagh calmane, as haink coraa veih niau, gra, Oo my vac ennoil, jeed ta mee dy mooar soiaghey.

Noo Ean 3:16

Son lheid y ghraih shen hug Jee da’n theihll, dy dug eh e ynrycan Vac v’er ny gheddyn, nagh jinnagh quoi‐erbee chredjagh aynsyn cherraghtyn, agh yn vea ta dy bragh farraghtyn y chosney.

Noo Ean 3:35

Ta’n Ayr graihagh er y Mac, as t’eh er chur dy chooilley nhee fo yn laue echey.

Noo Ean 5:37

As ta’n Ayr hene t’er my choyrt, er n’ymmyrkey feanish jee’m. Cha vel shiuish er chlashtyn e choraa ec traa erbee, ny er vakin e chaslys.

Jannoo 1:9

As tra v’eh er loayrt ny goan shoh, v’eh er ny hroggal seose voue, choud as v’ad cur‐my‐ner, as ghow bodjal eh ass nyn shilley.

Jannoo 7:37

Shoh va’n Moses cheddin dooyrt rish cloan Israel, Phadeyr nee yn Chiarn y Jee eu y hroggal seose diu jeh nyn mraaraghyn, casley rhym’s; dasyn v’er shiu geill.

Ephesianee 1:6

Gys moylley gloyr e ghrayse, liorish t’eh er n’yannoo soiagh j’in ayns e er‐graihagh:

Colossianee 1:13

Ta er livrey shin veih pooar y dorraghys, as er hoiaghey shin ayns reeriaght e Vac graihagh hene:

Hebrewnee 5:9

As myr shoh er ny chasherickey, haink eh dy ve bun y taualtys dy bragh farraghtyn dauesyn ooilley ta coyrt biallys da;

Ashlish 1:7

Cur‐my‐ner, t’eh cheet lesh bodjallyn; as hee dy chooilley hooill eh, as adsyn myrgeddin ren eh y hoylley: as nee ooilley kynneeyn y thallooin dobberan kyndagh rish: myr shen dy row, Amen.

Ashlish 14:14

As yeeagh mee, as cur‐my‐nêr, bodjal gial, as er y vodjal hoie fer, goll‐rish y Mac dooinney, lesh attey dy airh er e chione, as corran gyere ayns e laue.