Noo Mian 17:27 - Yn Conaant Noa 1810

²⁷ Ny‐yeih, son nagh bee cômys er ny chur hooin, immee uss gys y cheayn, as lhig sheese dooan, as trog y chied eeast hig hood: as tra vees oo er vosley e veeal yiow peesh dy argid ayn; shen gow, as eeck eh er my hon’s as er dty hon hene.

Yn Vible Casherick 1775 1819

²⁷ Ny-yeih, son nagh bee cômys er ny chur hooin, immee uss gys y cheayn, as lhig sheese dooan, as trog y chied eeast hig hood: as tra vees oo er vosley e veeal, yiow peesh dy argid ayn; shen gow, as eeck eh er my hon’s as er dty hon hene.

Noo Mian 1748

²⁷ Ny yei son nagh bee commys er ny chur hooin, gow uss gys y cheayn, as tilg magh dooan, as trog y chied eeast hig hood, as tra vees oo er vosley’n beeal echey, yiow peesh dy argid ayn, shen gow, as cur daue er my hons as er dty hon hene.

Noo Mian 17:27 ပူးပေါင်းရင်းမြစ်များ

Noo Mian 17:26

Dooyrt Peddyr rish, Jeh joarreeyn. Dooyrt Yeesey rishyn, Eisht ta’n chloan seyr.

Noo Mian 18:6

Agh quoi‐erbee ver oyr da unnane jeh’n vooinjer veggey shoh ta credjal aynym’s dy huittym [veih’n chredjue] veagh eh ny baare da dy beagh clagh‐wyllin er ve croghit mysh e wannal, as eh dy ve baiht ayns diunid ny marrey.

Noo Mian 18:8

Shen‐y‐fa my ta dty laue ny dty chass hene dy dty hayrn gys yn olk, giare jeed, as tilg voïd ad; te ny share dhyt goll stiagh ayns bea croobagh ny baccagh, na daa laue ny daa chass y ve ayd, as oo dy ve tilgit ayns yn aile dy bragh farraghtyn.

Noo Mian 5:29

As my ta dty hooill yesh dy dty hayrn gys peccah, pluck assyd ee, as tilg void ee: son te ny share dhyt unnane jeh dty hooillyn y choayl, na dty slane corp dy ve tilgit ayns niurin.

Noo Mian 5:30

As my ta dty laue yesh dy dty hayrn gys peccah, giare jeed, as tilg void ee: son te ny share dhyt unnane jeh dty oltyn y choayl, na dty slane corp dy ve tilgit ayns niurin.

Noo Mark 9:42

As quoi‐erbee ver oyr da unnane jeh’n vooinjer veggey shoh ta credjal aynym’s dy huittym [veih’n chredjue] bare da clagh wyllin dy ve croghit mysh e wannal, as eh dy ve tilgit ayns y cheayn.

Noo Mark 9:43

As my ta dty laue dy dty hayrn gys yn olk, giare jeed ee: te ny share dhyt goll stiagh ayns y vea veayn, baccagh, na daa laue y ve ayd, as oo dy gholl gys niurin, gys yn aile nagh bee dy bragh er ny vooghey.

Noo Luke 17:2

Veagh eh ny bare dasyn clagh‐wyllin ve croghit mysh e wannal, as eh dy ve baiht ayns y cheayn, na eh dy hayrn gys peccah unnane je’hn vooinjer veggey shoh.

Noo Ean 6:61

Tra va fys ec Yeesey ayn hene dy row e eiyrtee jymmoosagh son shoh, dooyrt eh roo, Vel shoh cheet ayns raad y chredjue eu?

Romanee 14:21

Cha vel eh mie dy ee feill, ny dy iu feeyn, ny nhee erbee elley liorish ta dty vraar ayns dangeyr tuittym, ny dy ve agglit veih, ny lhag ’sy chredjue.

1 Corinthianee 8:13

Er‐y‐fa shen my ver ny ta mee gee oyr da my vraar dy huittym ayns peccah, cha n’ee‐ym feill choud as s’bio mee, er‐aggle dy dayrn‐ym my vraar gys peccah.

1 Corinthianee 8:9

Agh cur‐jee twoaie er‐aggle liorish aght erbee dy bee shoh nyn reayms oyr dauesyn ta annoon dy huittym ayns peccah.

2 Corinthianee 6:3

Ny lhig dooin oyr dy scammylt y choyrt ayns nhee erbee, nagh bee cômys er ny choyrt da’n oik ain:

2 Corinthianee 8:9

Son shione diu grayse nyn Jiarn Yeesey Chreest, ga dy row eh berchagh, ny‐yeih er y ghraih euish ghow eh er dy ve boght, trooid y voghtynid echeysyn dy voddagh shiuish ve jeant berchagh.

1 Thessalonianee 5:22

Freill‐jee shiu hene veih dy chooilley chaslys dy olkys.

Jamys 2:5

Toig‐jee, my vraaraghyn ghraihagh, Nagh vel Jee er reih boghtyn y theihll shoh, berchagh ayns credjue, as eiraghyn y reeriaght t’eh er ghialdyn dauesyn ta graihagh er?