Noo Mian 17:20 - Yn Conaant Noa 1810

²⁰ Dooyrt Yeesey roo, Kyndagh rish nyn gredjue moal: son dy firrinagh ta mee gra riu, Dy beagh nyn gredjue wheesh grine dy rass mustard, jirragh shiu rish y slieau shoh, Scugh veih shoh noon gys shid, as nee eh scughey: as cha bee nhee erbee ro‐ghoillee diu.

Yn Vible Casherick 1775 1819

²⁰ Dooyrt Yeesey roo, Kyndagh rish nyn gredjue moal: son dy firrinagh ta mee gra riu, Dy beagh nyn gredjue wheesh grine dy rass mustard, jirragh shiu rish y slieau shoh, Scugh veih shoh noon gys shid, as nee eh scughey: as cha bee nhee erbee ro ghoillee diu.

Noo Mian 1748

²⁰ Doort Yeesey roo, Kyndagh rish y vee-chredjue eu: son dy firrinagh ta mee gra riu, My ta credjue eu myr greine dy rass mustard, jir shiu rish y slieau shoh, Scugh ass shoh noon ayns shid, as nee eh scughey; as cha bee nee erbee niau‐phossible diu.

Noo Mian 17:20 ပူးပေါင်းရင်းမြစ်များ

Noo Mian 13:31

Coraa‐dorraghey elley loayr eh roo, gra, Ta reeriaght niau goll‐rish grine dy rass mustard ghow dooinney, as chuirr eh ayns e vagher eh.

Noo Mian 14:29

As dooyrt eh, Tar royd. As tra va Peddyr er jeet neose ass y lhong, huill eh er yn ushtey, dy gholl gys Yeesey.

Noo Mian 17:17

Dansoor Yeesey as dooryt eh, O heeloghe vee‐chredjuagh as roonagh, caïd ta mish dy ve mêriu? caïd ta mee dy hurranse diu? cur lhiat eh hym’s ayns shoh.

Noo Mian 17:19

Eisht haink e ostyllyn gys Yeesey er‐lheh, as dooyrt ad, Cre liorish nagh voddagh shinyn eh y lheihys?

Noo Mian 17:9

As myr v’ad cheet neose jeh’n clieau, hug Yeesey currym orroo, gra, Ny insh‐jee yn ashlish da unnane erbee, derrey vees Mac yn dooinney er n’irree veih ny merriu.

Noo Mian 21:21

Dreggyr Yeesey, as dooyrt eh roo, Dy firrinagh ta mee gra riu, My vees shiu credjuagh, as gyn ve fo mee‐ourys erbee nee shiu cha nee ynrycan shoh ta jeant rish y villey‐figgagh, agh my jir shiu rish y slieau shoh, Bee er dty scughey, as er dty hilgey ayns y cheayn; bee eh er ny yannoo.

Noo Mian 8:26

As dooyrt eh rhoo. Cre’n fa ta shiu agglagh, shiuish dy chredjue moal? Eisht dirree eh, as hug eh yn gheay, as yn aarkey fo‐harey, as va kiuney vooar ayn.

Noo Mark 11:22

As dreggyr Yeesey as dooyrt eh roo, Soie‐jee nyn gredjue ayns Jee.

Noo Mark 11:23

Son dy firrinagh ta mee gra riu, Quoi‐erbee jir rish y slieau shoh, Bee er dty scughey, as er dty hilgey ayns y cheayn, as nagh jean mee‐ourys ayns e chree, agh ta credjal dy jig ny reddyn t’eh dy ghra gy‐kione, bee shen ny jir eh er ny chooilleeney.

Noo Mark 4:31

Te goll‐rish grine dy rass mustard, ta ny sloo, tra te cuirt ayns y thalloo, na dy chooilley rass ta ayns y thalloo.

Noo Mark 9:23

Dooyrt Yeesey rish, My oddys oo credjal, ta dy chooilley nhee cheet leshyn ta credjal.

Noo Luke 1:37

Son da Jee cha bee nhee erbee neu‐phossible.

Noo Luke 17:6

As dooyrt y Chiarn, Dy beagh credjue eu myr grine dy rass mustard, oddagh shiu gra rish y billey‐sycamine shoh, Bee er dty hayrn ass ny fraueyn, as bee er dty hoiaghey ayns y cheayn; as yinnagh eh biallys diu.

Noo Luke 18:27

As dooyrt eh, Ta ny reddyn shoh neu‐phossible da deiney, agh t’ad possible da Jee.

Noo Ean 11:40

Dooyrt Yeesey r’ee, Nagh dooyrt mee rhyt, my chredjagh oo, dy vaikagh oo gloyr Yee.

1 Corinthianee 12:9

Da fer elley credjue liorish y Spyrryd cheddin; da fer elley ny giootyn dy lheihys liorish y Spyrryd cheddin;

1 Corinthianee 13:2

As ga dy beagh aym yn gioot dy adeyrys, as dy doiggin dagh folliaght, as dy chooilley hushtey; as ga dy beagh aym dy chooilley chredjue myr shen dy voddin sleityn y scughey, as gyn graih ve aym, cha vel mee veg.

Hebrewnee 3:19

Myr shen hee mayd nagh voddagh ad goll stiagh kyndagh rish mee‐chredjue.