Noo Mian 16:18 - Yn Conaant Noa 1810

¹⁸ As ta mee myrgeddin gra, rhyt, Dy nee uss Peddyr as dy nee er y chreg shoh trog‐ym’s my agglish: as cha vow giattyn niurin yn varriaght urree.

Yn Vible Casherick 1775 1819

¹⁸ As ta mee myrgeddin gra rhyt, Dy nee uss Peddyr, as dy nee er y chreg shoh trog-ym’s my agglish: as cha vow giattyn niurin yn varriaght urree.

Noo Mian 1748

¹⁸ As ta mee myrgeddyn gra rhyt, Dy nee uss Peddyr, as dy nee er y chreg shoh hroggyms m’agglish; as cha vow giattyn nivrin yn varriaght urree.

Noo Mian 16:18 ပူးပေါင်းရင်းမြစ်များ

Noo Mian 10:2

As shoh va enmyn yn daa ostyl yeig; Yn chied er, Simon, ta enmyssit Peddyr, as Andreays e vraar, Jamys mac Zebedee, as Ean y braar echeysyn.

Noo Mian 11:23

As uss, Chapernaum, ta dty ooashley roshtyn gys niau, bee oo er dty hilgey sheese gys niurin: son dy beagh ny obbraghyn yindyssagh er ve jeant ayns Sodom, t’er ve jeant aynyd’s, veagh eh er ve er‐mayrn gys y laa t’ayn jiu.

Noo Mian 18:17

As mannagh der eh geill dauesyn, insh eh da’n agglish: agh mannagh der eh geill da’n agglish, jeeagh er myr an‐chreestee as myr publican.

Noo Mian 4:18

As myr va Yeesey shooyl liorish keayn Ghalilee, honnick eh daa vraar, Simon va enmyssit Peddyr, as Andreays e vraar, cur magh lieen ’sy cheayn: (son v’ad nyn eeasteyryn)

Noo Mian 7:24

Quoi‐erbee er‐y‐fa shen ta clashtyn ad shoh my ghoan’s, as jannoo ymmyd mie jeu soylee‐ym eh gys dooinney creeney hrog e hie er creg:

Noo Ean 1:42

As hug eh lesh eh gys Yeesey. As tra honnick Yeesey eh, dooyrt eh, Uss Simon mac Jona: bee oo enmyssit Cephas, ta shen dy ghra Peddyr.

Jannoo 2:47

Cur moylley da Jee, as ayns ard‐ghoo rish ooilley yn pobble. As va’n Chiarn cur stiagh gys yn agglish gagh‐laa lheid as va shirrey son saualtys.

Jannoo 20:28

Cur‐jee twoaie er‐y‐fa shen diu hene, as da ooilley yn chioltane harrystoo ta’n Spyrryd Noo er n’yannoo shiu nyn aspickyn, dy veaghey agglish Yee, t’eh er chionnaghey lesh e uill hene.

Jannoo 8:1

As va aigney Saul lhieu ayns y choyrt eh gy‐baase. As ec y traa shen va tranlaase er ny yannoo er yn agglish va ec Jerusalem; as va’d ooilley er nyn skeayley magh trooid cheeraghyn Yudea as Samaria, cheu‐mooie jeh ny ostyllyn.

1 Corinthianee 15:55

O vaase! cre vel dty ghah? O oaie! cre vel dty varriaght?

Galatianee 2:9

As tra hug Jamys, Cephas, as Ean, va goit son pillaryn, tastey da’n ghrayse v’er ny stowal orrym’s, hug ad dooys as da Barnabas yn laue yesh dy choardail, dy ragh shinyn gys ny Ashoonee, as adsyn gys yn giarey‐chymmylt.

Ephesianee 3:10

Dy voddagh nish v’er ny hoilshaghey da ny ard‐reillyn as pooaraghyn ayns ynnydyn flaunyssagh liorish yn agglish ymmodee filley creenaght Yee,

Ephesianee 5:32

Ta shoh folliaght mooar: agh ta mish loayrt mychione Creest as yn agglish.

Colossianee 1:18

As t’eshyn kione y chorp, yn agglish: eh ta’n toshiaght, yn chied‐er‐ny‐ruggey veih ny merriu; dy voddagh yn ard‐reill ’ve echey ayns dy chooilley nhee.

1 Timothy 3:15

Agh my uirr‐ym foddey, dy vod fys ve ayd kys lhisagh uss oo hene y ymmyrkey ayns thie Yee, ta agglish yn Jee bio, yn pillar as undin yn irriney.

1 Timothy 3:5

(Son mannagh vel fys ec dooinney kys dy reill e hie hene, kys nee eh kiarail y ghoaill jeh agglish Yee?

Hebrewnee 12:28

Shen‐y‐fa fakin dy vel shinyn er gheddyn reeriaght nagh vod v’er ny scughey, lhig da grayse ve ain, liorish oddys mayd Jee y hirveish dy booisal, lesh arrym as aggle crauee.

Ashlish 11:15

As heid y chiaghtoo ainle, as va coraaghyn mooarey ayns niau, gra, Ta reeriaghtyn y theihll er jeet dy ve reeriaghtyn nyn Jiarn, as y Creest echey, as nee eh reill son dy bragh as dy bragh.

Ashlish 21:14

As va ec voalley yn ard‐valley daa undin yeig, as ayndoosyn enmyn daa ostyl yeig yn Eayn.