Noo Mian 16:11 - Yn Conaant Noa 1810

¹¹ Kys te nagh vel shiu goaill eu hene, nagh nee er arran va mee cheet, agh shiu dy ghoaill twoaie jeh soorid ny Phariseeyn as ny Sadduceeyn?

Yn Vible Casherick 1775 1819

¹¹ Kys te nagh vel shiu goaill eu hene, nagh nee er arran va mee cheet, agh shiu dy ghoaill twoaie jeh soorid ny Phariseeyn as ny Sadduceeyn?

Noo Mian 1748

¹¹ Kys te, nagh vel shiu goall eu hene, nagh nee my‐chione arran loar mee riu, agh shiu dy chur twoai jeh soorit ny Phariseyn as ny Sadduceyn.

Noo Mian 16:11 ပူးပေါင်းရင်းမြစ်များ

Noo Mian 16:1

As haink ny Phariseeyn as ny Sadduceeyn dy phrowal eh, as hir ad er eh dy yeeaghyn cowrey ennagh daue veih niau.

Noo Mian 16:12

Eisht hoig ad nagh dug eh raaue daue noi soorid arran, agh noi ynsagh ny Phariseeyn as ny Sadduceeyn.

Noo Mian 16:6

Eisht dooyrt Yeesey roo, Gow‐jee twoaie, as bee‐jee er nyn arrey noi soorid ny Phariseeyn as ny Sadduceeyn.

Noo Mian 3:7

Agh tra honnick eh ymmodee jeh ny Phariseeyn as ny Sadduceeyn cheet gys e vashtey, dooyrt eh roo, O shiuish heeloghe ard‐nieughyn, quoi t’er chur raaue diu dy hea veih yn jymmoose ta ry heet?

Noo Mark 4:40

As dooyrt eh roo, Cre’n‐fa ta shiu cha agglagh? kys te nagh vel credjue eu?

Noo Mark 8:15

As hug eh currym orroo, gra, Bee‐jee er nyn arrey, cur‐jee twoaie jeh soorid ny Phariseeyn, as jeh soorid Herod.

Noo Mark 8:21

As dooyrt eh roo, Kys te nagh vel shiu goaill tushtey.

Noo Luke 12:1

Nish mysh y traa shen va ymmodee erskyn‐earroo dy leih er nyn jaglym cooidjagh, ayns wheesh as dy row ad stampey yn derrey yeh er yn jeh elley, ghow eh toshiaght dy ghra rish e ostyllyn, Erskyn ooilley bee‐jee twoaiagh jeh soorid ny Phariseeyn, ta shen dy ghra, craueeaght‐oalsey.

Noo Luke 12:56

Chrauee‐oalsey, ta shiu son baght y ghoaill jeh neeal yn aer as y thalloo: agh kys te nagh vel shiu goaill baght jeh’n earish shoh?

Noo Ean 8:43

Cre’n‐fa nagh vel shiu toiggal my ghlare? te son nagh vel shiu cur geill da my ghoo.