Noo Mian 15:31 - Yn Conaant Noa 1810

³¹ Ayns wheesh as dy ghow ooilley’n pobble yindys, tra honnick ad ny balloo loayrt, ny baccee slane, ny croobee shooyll, as ny doail fakin, as ren ad Jee Israel y ghloyraghey.

Yn Vible Casherick 1775 1819

³¹ Ayns wheesh as dy ghow ooilley’n pobble yindys, tra honnick ad ny balloo loayrt, ny baccee slane, ny croobee shooyl, as ny doail fakin, as ren ad Jee Israel y ghloyraghey.

Noo Mian 1748

³¹ Ayns wheesh as dy ghow ooilley’n pobble yyndyss, tra honnick ad ny balloo loart, ny baccee slane, ny croobee shooyl, as ny doal fakin, as hug ad gloyr da Jee Israel:

Noo Mian 15:31 ပူးပေါင်းရင်းမြစ်များ

Noo Mian 15:30

As haink earrooyn mooarey dy leih huggey, as nyn mast’ oc va croobee, doail, balloo, baccee, as ymmodee elley, as hug ad ad nyn lhie ec cassyn Yeesey, as ren eh ad y lheihys.

Noo Mian 18:8

Shen‐y‐fa my ta dty laue ny dty chass hene dy dty hayrn gys yn olk, giare jeed, as tilg voïd ad; te ny share dhyt goll stiagh ayns bea croobagh ny baccagh, na daa laue ny daa chass y ve ayd, as oo dy ve tilgit ayns yn aile dy bragh farraghtyn.

Noo Mian 21:14

As haink ny doail as ny croobee huggey gys y chiamble, as ren eh ad y lheihys.

Noo Mian 8:10

Tra cheayll Yeesey shoh ghow eh yindys, as dooyrt eh roosyn va geiyrt er, Dy firrinagh ta mee gra riu, Lheid y credjue lajer shoh, cha vel mee er gheddyn ayns Israel hene.

Noo Mian 9:32

Erreish daue shoh v’er n’gholl ersooyl, cur‐my‐ner hug ad lhieu huggey dooinney balloo va drogh‐spyrryd ayn.

Noo Mian 9:33

As tra va’n drogh‐spyrryd er ny chastey, ren y balloo loayrt: as ghow yn pobble yindys, gra, Cha row rieau lheid shoh er ny akin ayns Israel.

Noo Mian 9:8

Agh tra honnick y pobble shoh, ghow ad yindys, as hug ad moylley da Jee, v’er choyrt lheid y phooar da deiney.

Noo Mark 2:12

As chelleeragh dirree eh, hrog eh e lhiabbee, as hie eh magh kiongoyrt roo ooilley, ayns wheesh as dy row ad ooilley lhieent lesh atchim, as dy ren ad Jee y ghloyraghey, gra, Cha vaik shin eh rieau er yn aght shoh.

Noo Mark 7:37

As va’d erskyn towse atchimagh, gra, T’eh er n’yannoo dy chooilley nhee dy mie: t’eh cur chammah er ny beuyr dy chlashtyn, as ny balloo dy loayrt.

Noo Mark 9:43

As my ta dty laue dy dty hayrn gys yn olk, giare jeed ee: te ny share dhyt goll stiagh ayns y vea veayn, baccagh, na daa laue y ve ayd, as oo dy gholl gys niurin, gys yn aile nagh bee dy bragh er ny vooghey.

Noo Luke 14:13

Agh tra t’ou jannoo cuirraghyn, eïe er ny boghtyn, ny baccee, ny croobee, as ny doail:

Noo Luke 14:21

Myr shen haink y charvaant cheddin, as hoilshee eh da e hiarn ny reddyn shoh. Eisht va mainshter y thie jymmoosagh, as dooyrt eh rish e harvaant, Gow magh dy tappee gys straidyn as raaidyn yn ard‐valley, as cur lhiat stiagh ayns shoh ny boghtyn, as ny baccee, as ny croobee, as ny doail.

Noo Luke 18:43

As chelleeragh hooar eh e hoilshey, as deiyr eh er, cur gloyr da Jee: as ooilley yn pobble, tra honnick ad eh, hug ad moylley da Jee.

Noo Luke 7:16

As haink aggle orroo ooilley; as hug ad moylley da Jee, gra, Ta phadeyr mooar er n’irree seose ny mast’ ain; as, Ta Jee er yeeaghyn er e phobble.

Noo Ean 9:24

Eisht deïe ad reesht er y dooinney v’er ny ve doal, as dooyrt ad rish, Cur y moylley da Jee: ta fys ain dy nee drogh‐ghooinney eh shoh.